Jeremi 20:4 - Sră Goh 2018

⁴ Bơh Yàng Jehôwa đơs be do: ‘Añ rơp phi mê lơh gơs bơta rngòt rngơt să tòm mê in mơ jơh ală cau bơyô mê dê sơl; bol khai rơp chơt bơh đào cau sò tơm bol khai dê, mat mê rơp sền gŏ. Añ rơp phi jơh làng bol Juda tòm tê bơtau Babilôn, khai rơp cèng bol khai tus tòm Babilôn gơs dĭ, mơ ngui đào tơnchơt bol khai.

Jeremi 20:4 Mawu Ofanana

II Ală Bơtau 25:7

Bol khai tơnchơt ală kòn klau Jedekia di đap mat khai; bol khai kơlwĕ mat Jedekia, kơt khai mơ sreng kòng, mơ cèng khai tus hơ Babilôn.

Đơs Crih 73:19

Heh! Bol khai kong tơnroh tòm dô huơt lơm! Bơta rngòt rngơt lơh bol khai in roh rui jơh hir.

Jeremi 13:10

Làng bol iơh do ò bài iat jơnau Añ, cơnđòa jat bơta kơldang nùs bol khai dê, jat ală yàng ndai duh broă mơ duh khoai bol gơ, gen rơp gơlik kung be che but do ò gam niam dô êt lơi.”

Jeremi 13:19

Ală ƀòn dờng Negep gen neh til wơl, ò gơs cau lơi pò bol gơ. Jơh Juda kong kup cèng pơrdô, Jơh tơl nă kong kup cèng pơrdô.

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 20:6

Ai mê, ơ Pasur, să tòm mê bal mơ ală cau ơm tòm hìu mê, rơp cèng lơh dĭ hơ Babilôn, mơ mê rơp chơt mơ tơp tềng hơ̆, bal mơ jơh ală cau bơyô mê dê, hơ̆ la ală cau mơ mê neh đơs hwơr ma blac bol khai in.’”

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 29:21

“Yàng Jehôwa Gơnap Gơnoar, Yàng Tom Trồ Israel dê, đơs be do bơh Ahap, kòn klau Kôlayah, mơ Jedekia, kòn klau Maaseyah, la ală cau ai sơnđan Añ đơs hwơr ma blac: ‘Añ rơp phi bol khai tòm tê Nebukatnessar, bơtau Babilôn, khai rơp tơnchơt bol khai di đap mat bol mê.’

Jeremi 46:5

Ñchi bơta Añ neh gŏ taih? Bol khai rngòt rngơt, ruc wơl; Ală ling kong lơh gơprah gơpring, sơrbac sơrbang ntoat dô ò sền wơl đah ngkòi. Bơta rngòt rngơt làm jơh gùt dar, Yàng Jehôwa đơs behơ̆.

Jeremi 52:24

Kwang at bồ ling kơp gàr bơtau kup Seraya, cau gơnoar dờng ơn phan duh khoai, Jephaniah cau gơnoar oh bal mơ pe nă cau kơp gàr mpồng hìu duh khoai.

Jeremi 52:27

Bơtau Babilôn sồr lơh mơ tơnchơt bol khai tòm Ripla, tiah Hamat. Behơ̆ gen cau Juda gơkòl kup cèng ngài bơh lơgar he.

Jeremi 6:25

Bañ lik lòt tòm ƀlàng sre, Hala lòt tòm gùng, Bơh cau sò tơm gơs dô nơm đào, bơta rngòt rngơt gơs tòm kòp đah.”

I Samuel 2:33

Cau lơi tòm hìu mê dê mơ Añ ò tă tơlik bơh di cơnòng duh khoai Añ jê rơp lòi gam wơl mìng nàng jùt dà mat, mơ lơh nùs mê in moat jrùng, mơ jơh ală cau tòm hìu mê dê rơp chơt bơh đào.