Jeremi 20:18 - Sră Goh 2018

¹⁸ Ñchi bơh tài añ neh lik bơh kơndul mè nàng kong bòl glar moat jrùng, Jơh rài kis añ ơm tòm bơta ƀàssìl taih?

Jeremi 20:18 Mawu Ofanana

I Ală Bơtau 19:4

Ai să tòm khai gen lòt gùng tòm dô ngai tus tòm ƀlàng ngềt ngơt, tus nggui hơđơm chi pơnggŏ, mơ dan chơt lah: “Ơ Yàng Jehôwa! Neh tơl rau. Tă tĕ bơta kis añ, bơh añ ò niam rlau mơ ală ồng pàng añ jê.”

Sră Jop 14:1

“Kòn mơnus deh bơh cau ùr, kis tòm dô êt ngai, bềng lìu bơta bòl glar.

Sră Jop 14:13

Dan Yàng pồn ndơp añ tòm lơgar làng ƀồc, mơ pồn ndơp añ jơl tus di tŭ bơta gơjrañ Kơnràñ dê lòt rlau, Dan Yàng lơh nền añ in dô tŭ tơngai, mơ kah wơl añ!

Sră Jop 3:20

Ñchi bơh tài bơta àng geh ai cau kong bòl glar in, Mơ ai bơta kis cau in gơs hwềng soàn sràt bơtang,

Sră Jop 5:7

Mơya kòn mơnus geh deh nàng kong bòl glar, kung be lơmpiat ồs gơ par guh hơđang.

Đơs Crih 102:3

Bơh ală ngai añ jê lòt gan rlau be ñhŭ, Mơ ală ntìng añ jê duh be dô nơm bơnhă.

Đơs Crih 69:19

Yàng git añ kong bơta bơtat bơtròh, bơta ƀàssìl mơ bơta cau sền òsơp; Yàng git jơh ală cau sò tơm di añ.

Esai 1:6

Bơh kơndòl jơng jơl tus di bồ, ò gơs tiah lơi gam niam, mìng gơs tềl sồt, tềl brơp, mơ tềl sồt mhàm ur pù lơh, òhềt rañ, hala pồt sơm, hala bong mơñà nàng geh rài bơta jê sồt.

Esai 51:7

Iat tĕ Añ! Ơ bol mê la ală cau git bơta song ring, la làng bol gơs bơta bơto sồr Añ jê tòm nùs bol mê dê; Bañ rngòt di bơta lah pơrhơng kòn mơnus dê, hala rngòt rơm să di jơnau lah sơrpah bol khai dê.

Jeremi 15:10

Bòl glar añ in! Mè añ jê, mè neh tơnggơs añ Dô nă cau bơta tòmlah tòm pơndang tòm jơh lơgar! Añ neh ò ai cau in jồm, mơ kung ò càn mơ cau lơi; Bulah behơ̆, jơh tơl nă bol khai srat rma añ.

Jeremi 15:18

Ñchi bơh tài bơta jê sồt añ jê ò dơh? Bơta sồt rmàñ añ jê ò rgơi sơm, mơ gơ ò bài bòi? Kơnràñ gơwèt mơ añ kung be dô nơm croh dà ma blac, dô nơm hiòng soat dà ơ?

Jeremi 3:25

Lòi bol hi bic tòm bơta ƀàssìl bol hi dê, mơ lòi bơta bơrsèl tơnhial jơm bol hi! Bơh bol hi bal mơ ồng pàng bol hi dê Neh tìs glài mơ Jehôwa Yàng Tom Trồ bol hi dê, Bơh tŭ gam kơnòm jơl tus di ngai do; Bol hi ò lơh jat jơnau Jehôwa Yàng Tom Trồ bol hi dê.”

Jeremi 8:18

Bơta hòn chò añ jê neh roh, bơta moat jrùng jê sồt ơm hơđang añ! Nùs añ kòp jê!

Ñìm Rac 1:12

Ò gơs bơta lơi bol mê in! Ơ bol mê la ală cau lòt gan? Sền mơ rmê tĕ dilah gơs bơta moat jrùng lơi be bơta moat jrùng añ jê, la ală bơta neh cèng tus hơđang añ, hơ̆ la bơta Yàng Jehôwa neh lơh glài añ in tòm ngai Kơnràñ gơhào gơjrañ.

Ñìm Rac 3:1

Añ la cau neh gŏ bơta bòl glar jê sồt hơđơm gai bơta gơjrañ dờng Yàng Tom Trồ dê.

Habakuk 1:3

Ñchi Kơnràñ lòi añ in sền gŏ bơta lơh tìs, mơ lòi añ sền di bơta bòl glar tai taih? Bơta phà tơnroh mơ bơta rhung rhang ơm di đap añ; bơta tòmpìt tòmhà mơ tòm pơndang bal gơtơngguh.

Jang 16:20

Ngan, Añ đơs ngan mơ bol mê, bol mê rơp ñìm mơ rac ròc, ai dunnia rơp hòn chò; bol mê rơp moat jrùng, mơya bơta moat jrùng bol mê dê rơp gơlik gơs bơta hòn chò.

Broă 5:41

Behơ̆ ală cau gơnoar bơto dờng lik rê bơh di Mpồl Kwang Tơrña, hòn chò bơh geh kòp la di pal neh kong bơtat bơtròh bơh sơnđan Yàng Jesu.

II Timôthe 1:12

mơ bơh bơta hơ̆ tàng añ kong ală bơta bòl glar. Mơya añ ò gơs ƀàssìl, bơh git Bơtau mơ añ neh dòn rau, kung dòn nền ngan lah Bơtau hơ̆ rgơi sền gàr bơta añ neh jào Kơnràñ in jơl tus di ngai hơ̆.

Hebrơ 10:36

Bơh oh mi pal kong jai, nàng tus di tŭ neh lơh wil tơl nùs kòñ Yàng Tom Trồ dê rau, gen rơp dòp geh bơta neh ho pơgon.

Hebrơ 11:36

Gơs ală cau ƀà kong gơlòng bòl glar be kong cau dơñŏ tơnhial, pòng pù, kơt mơ che sreng mơ kup jàm sơl.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Hebrơ 13:13

Behơ̆ gen, bol he lik lòt tĕ tus hơ Kơnràñ hơ bơdìh sàl mpồl jơnum dê, nàng kong bơta bơtat bơtròh bal mơ Kơnràñ.