Jeremi 20:12 - Sră Goh 2018

¹² Mơya, khoai Yàng Jehôwa Gơnap Gơnoar! Kơnràñ lòng cau song ring, Kơnràñ sền gŏ tòm nùs mơ tòm dơngoh, Dan lòi añ in sền gŏ Kơnràñ sal tê di bol khai, bơh añ neh yal broă añ Kơnràñ in.

Jeremi 20:12 Mawu Ofanana

II Yal Yau 24:22

Bơtau Jôas ò kah bơta niam mơ Jehôyada bèp Sacari neh lơh khai in, mơya neh tơnchơt kòn klau khai dê; tòm tŭ gơpừ bic tòm tiah mòr chơt, khai đơs lah: “Dan Yàng Jehôwa sền gŏ bơta do mơ tơm wơl bol mê in jat bơta bol mê neh lơh.”

Đơs Crih 11:5

Yàng Jehôwa lòng cau song ring mơ cau iơh bơsak, Mơ nùs Kơnràñ gơjrañ kơuềng di cau kòñ bơta rhung rhang.

Đơs Crih 139:23

Ơ Yàng Tom Trồ, dan sền sơwì añ mơ git nùs añ jê! Dan lòng añ mơ git ală bơta kơlôi sơnơng añ jê!

Đơs Crih 17:3

Dilah Yàng lòng sơwì nùs añ, còp añ tòm trồ mang, Dilah Yàng lòng añ, gen jòi ò bàn bơta iơh bơsak lơi ò; Bơr añ ò tìs glài.

Đơs Crih 54:7

Bơh Kơnràñ neh dong tă añ klàs bơh jơh ală bơta bòl glar, Mat añ neh gŏ cau sò tơm di añ kong alah.

Đơs Crih 58:10

Cau song ring rơp chò hòp tòm tŭ gŏ bơta sal tê; Khai rơp rào jơng khai tòm mhàm cau iơh bơsak dê.

Đơs Crih 59:10

Yàng Tom Trồ añ jê rơp ai bơta kòñ gơboh kơ̆ dơn Kơnràñ dê mơ tus wă rò añ; Yàng Tom Trồ añ jê rơp ai añ in sền gŏ bơta pha lin rlau mơ ală cau sò tơm añ jê.

Đơs Crih 62:8

Ơ ală làng bol, kơnòm tĕ di Kơnràñ sùm sùm, Tuh tơlik jơh ală bơta bơh nùs bol mê di đap Yàng; Yàng Tom Trồ la tiah kìng crŭ bol he dê. (Selah)

Đơs Crih 7:9

Dan tơnlồi bơta iơh bơsak cau iơh bơsak dê, mơya lơh kơ̆ cê ală cau song ring in, Bơh Yàng Tom Trồ song ring, la Bơtau sền sơwì nùs nhơm kòn mơnus dê.

Đơs Crih 86:4

Dan lơh chò hòp hwềng soàn cau duh broă Yàng dê, Ơ Yàng Jehôwa, bơh hwềng soàn añ guh tus hơ Yàng tòm bơta hòi dan,

Esai 37:14

Ejekia neh dòp sră pơyoa bơh tê cau kong sồr lòt mơ sền gơ, lồc behơ̆ khai guh hơ hìu duh khoai Yàng Jehôwa mơ pò sră hơ̆ di đap Yàng Jehôwa.

Esai 38:14

Añ rơnđơh kung be sềm rgut; añ pơt wòl kung be sềm ntòp. Gar mat añ bòl glar tài bơh sền tơnggòr hơđang.” “Ơ Yàng Jehôwa, añ kong rồn bơklơn; dan Yàng dong tă añ!

Jeremi 11:20

Khoai Yàng Jehôwa Gơnap Gơnoar! Kơnràñ cahrña dô bă song ring, sền sơwì nùs mơ dơngoh, Añ kòñ gŏ bơta Kơnràñ sal tê di bol khai, Bơh añ neh yal tơlik broă añ mơ Kơnràñ.

Jeremi 12:8

Sre brê Añ tòmdră mơ Añ Kung be dô nơm klìu triă tòm brê, Ơluh ơhùm tòmdră mơ Añ; Gen tàng Añ gơjrañ bol khai.

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

Jeremi 17:18

Dan Kơnràñ lơh ală cau kup kơryan añ jê kong ƀàssìl, Mơya bañ lòi añ kong ƀàssìl; Lòi bol khai gơlik rngòt rngơt, Mơya bañ lòi añ kòl rngòt rngơt! Dan cèng ngai rung rài tus hơđang bol khai, Mơ tơnroh bol khai tơrlah tơrling bàr dơ̆ rlau!

I Pier 2:23

Tòm tŭ Kơnràñ kong cau lah sơrpah, gen Kơnràñ ò lah sơrpah wơl; tòm tŭ kong bòl glar jê sồt, gen ò đơs pơhìn, mơya Kơnràñ kư̆ jào phi să tòm Kơnràñ dê Bơtau cahrña dô bă song ring.

I Pier 4:19

Behơ̆, gen ală cau kong bòl glar jê sồt jat nùs kòñ Yàng Tom Trồ dê kư̆ lơh tĕ bơta niam mơ jào hwềng soàn he Bơtau crơng gơs in, la Bơtau dòn song.

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

Yal Tơlik 6:10

Bol khai hòi driau dô jơnau dờng lah: “Khoai Bơtau Tòm At Bồ la Bơtau sàng goh mơ song ngan, jơl tus di tŭ lơi sồng Kơnràñ cahrña mơ sal tê bơh mhàm bol hi dê di ală cau ơm tòm plai ù taih?”

I Samuel 1:15

Anne ho lah: “Ò di behơ̆, ơ yàng! Añ la dô nă cau ùr gơs oă ngan bơta bòl glar mơ moat jrùng; añ ò ñô tơrnòm hala alak; mơya añ ơm tuh hwềng soàn añ di đap Yàng Jehôwa.