Jeremi 20:11 - Sră Goh 2018

¹¹ Mơya Yàng Jehôwa ơm bal mơ añ kung be dô nă cau ling jak pal rngòt; Gen tàng ală cau kup kơryan añ rơp gơtup pừ, mơ bol khai rơp ò geh pha lin. Bơh bol khai rơp kong ƀàssìl dờng ngan Bol khai rơp ò geh cồng nha, Bơta sền òsơp bol khai dê sùm sùm Ò gơs tŭ lơi hŭi.

Jeremi 20:11 Mawu Ofanana

Đơs Crih 129:2

Bơh tòm tŭ añ gam pơnu, bol khai òs sò tơm di añ sùm, mơya bol khai ò geh pha rlau mơ añ.

Đơs Crih 35:26

Cau lơi hòn chò bơh bơta bòl glar añ jê, Lòi khai gơkòl bal tòm bơta ƀàssìl ƀàsso! Cau lơi bơtào tòmsò mơ añ dô bă pơnhừ să, Lòi khai gơkòl tơnsoh bơta ƀàssìl mơ bơtat bơtròh.

Đơs Crih 40:14

Ală cau lơi jòi bơta nàng tơnchơt añ, Lòi bol khai in kòl ƀàssìl mơ sơlồng sơlàng jơh lơm; Ală cau lơi kòñ lơh iơh di añ, lòi bol khai in ruc wơl mơ ƀàssìl.

Đơs Crih 47:2

Bơh Yàng Jehôwa la Bơtau Hơđang Rlau Jơh, la Bơtau pal duh rngòt; Kơnràñ la Bơtau dờng at bồ hơđang làm jơh plai ù.

Đơs Crih 6:10

Jơh ală cau sò tơm di añ rơp gơkòl ƀàssìl mơ dơrcul nùs ngan; Bol khai rơp ruc wơl mơ nisơna gơkòl ƀàssìl.

Đơs Crih 65:5

Ơ Yàng Tom Trồ la Bơtau Dong Klàs bol hi, Kơnràñ ho wơl bol hi in bơh ală broă lơh pal rngòt nàng dong tă bol hi; Yàng Tom Trồ la bơta dong klàs bol hi dê; Yàng la bơta gơn kơnòm jơh ală cau tòm tiah lồi dut plai ù dê; mơ ală cau ơm tòm tiah ngài rlau jơh dàlềng dê.

Đơs Crih 66:5

Tus tĕ sền ală broă Yàng Tom Trồ neh lơh: Ală broă Kơnràñ lơh digùl kòn mơnus la pal rngòt ngan.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 45:16

Jơh ală cau chài lơh rùp ràk rơp kong ƀàssìl mơ kong sền òsơp; bol khai rơp lòt bal tòm bơta kòl sền òsơp.

Jeremi 1:18

Behơ̆, ngai do, Añ bơtào mê lơh gơs ƀòn dờng kơ̆ cê, lơh gơs jrong mơ lòs, lơh gơs dơrñang mơ kòng, tòmdră mơ jơh ală lơgar do, tòmdră mơ ală bơtau Juda, ală cau kwang at bồ gơ, ală cau gơnoar ơn phan duh khoai, mơ làng bol tòm lơgar.

Jeremi 1:19

Bol khai rơp tòmlơh mơ mê, mơya ò geh pha mơ mê; bơh Añ ơm bal mơ mê nàng dong tă mê, Yàng Jehôwa đơs behơ̆.”

Jeremi 1:8

Bañ rngòt di bol khai; Bơh Añ ơm mơ mê nàng dong klàs mê.” Yàng Jehôwa đơs behơ̆.

Jeremi 15:15

Ơ Yàng Jehôwa! Kơnràñ git. Dan kah añ mơ còp añ, mơ cèng wơl bơta sal tê añ in hơđang ală kup kơryan añ. Tòm bơta kong ơt Kơnràñ dê bañ cèng añ ngài; Dan git lah añ bơh Kơnràñ mơ kong jê sồt bơrsèl tơnhial.

Jeremi 15:20

Añ rơp lơh mê in gơwèt mơ làng bol do gơlik gơs dô nơm dơrñang kòng kơ̆ cê, Bol khai rơp tòmlơh tòmdră mơ mê, Mơya bol khai rơp ò geh pha rlau mơ mê, Bơh Añ ơm bal mơ mê Nàng dong klàs mơ dong tă mê.” Yàng Jehôwa đơs behơ̆.

Jeremi 17:18

Dan Kơnràñ lơh ală cau kup kơryan añ jê kong ƀàssìl, Mơya bañ lòi añ kong ƀàssìl; Lòi bol khai gơlik rngòt rngơt, Mơya bañ lòi añ kòl rngòt rngơt! Dan cèng ngai rung rài tus hơđang bol khai, Mơ tơnroh bol khai tơrlah tơrling bàr dơ̆ rlau!

Jeremi 22:22

Jơh ală cau ê belàt bol mê rơp kong càl khồm pơrdô ngài, Ală cau kòñ gơboh mê rơp kong kup cèng pơrdô; Gen mê rơp kong bơta ƀàssìl mơ rngòt rngơt, Bơh jơh ală broă iơh mê dê.

Jeremi 23:40

Añ rơp lơh bol mê in kong sền òsơp sùm sùm, ƀàssìl ò lồi, ò gơs tŭ lơi rgơi hŭi ò.”

Jeremi 32:18

Kơnràñ ràng tơlik bơta kòñ gơboh kơ̆ dơn gơwèt hơ rbô rài, mơya lơh glài bơh bơta tồi glài ồng pàng dê hơđang kòn sau tòm rài tơnơ̆. Khoai Yàng Tom Trồ dờng mơ gơs gơnap gơnoar làm jơh, sơnđan Kơnràñ la Yàng Jehôwa Gơnap Gơnoar Dờng Làm Jơh.

Daniel 12:2

Oă cau bic tòm kơmbuh ù rơp guh wơl, cau ƀà nàng geh bơta kis gam sùm sùm, cau ƀà nàng kong bơta ƀàssìl gam sùm sùm.

Rôma 8:31

Gen mbe bol he kòñ đơs bơh ală bơta hơ̆ taih? Dilah Yàng Tom Trồ ơm đah mơ bol he, gen gơs ñcau sò tơm dê bol he taih?

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.