Jeremi 2:8 - Sră Goh 2018

⁸ Ală cau gơnoar ơn phan duh khoai kung ò lùp: ‘Ntềng đah Yàng Jehôwa taih?’ Ală cau bơto bơta boh lam kung ò git Añ. Ală cau ê gàr neh pơrlơ̆ dră di Añ. Ală cau gơnoar hwơr ai sơnđan Baal mơ đơs hwơr, mơ lòt jat ală bơta ò gơs kwơ.”

Jeremi 2:8 Mawu Ofanana

I Ală Bơtau 18:22

Gen Eli đơs mơ làng bol lah: “Añ, mìng dô nă añ gam wơl tòm ală cau gơnoar hwơr Yàng Jehôwa dê; ai ală cau gơnoar hwơr Baal dê khà la poan rhiang pram jơt nă.

I Ală Bơtau 18:29

Tŭ rlau mơ nggùl ngai rau, bol khai kư̆ đơs hwơr behơ̆ jơl tus di jơ ơn phan pơdơng bơsàp trồ mho, mơya kung ò gơs sap đơs lơi, ò gơs jơnau ho wơl, mơ ò gơs cau lơi ho wơl.

I Ală Bơtau 18:40

Eli đơs mơ bol khai lah: “Kup tĕ jơh ală cau gơnoar hwơr Baal dê, bañ lòi klàs dô nă lơi.” Gen cau Israel kup bol khai, Eli cèng bol khai mù hơ croh Kisôn, mơ tơnchơt bol khai tềng hơ̆.

Sră Jop 35:10

Mơya ò gơs cau lơi lùp lah: ‘Ntềng đah Yàng Tom Trồ la Bơtau crơng gơs añ? Kơnràñ ai bơta pràn tòm trồ mang,

Esai 28:7

Mơ ală cau do kung gơsèng bơh tơrnòm ño, gơpơyơng bơh tơrnòm pràn: Cau gơnoar ơn phan duh khoai mơ cau gơnoar hwơr lòt gơtòmsèng bơh tơrnòm pràn, bơñul ñô tơrnòm ño; bol khai sơwing bồ tài bơh tơrnòm pràn, bol khai lu li tòm tŭ sền ală bơta gơtơnggŏ, bol khai gơtup tìs tòm tŭ cahrña.

Esai 29:10

Bơh Yàng Jehôwa neh tuh hwềng bic lơhă hơđang mê; Kơnràñ neh lềt mat bol mê la ală cau gơnoar hwơr; neh gòm bồ bol mê la ală cau gơs bơta gơtơnggŏ.

Esai 30:5

Jơh tơl nă cau rơp tus hơ bơta ƀàssìl bơh kơnòm di dô nơm làng bol ò kwơ bol khai in, ò rgơi dong kòl hala lơh gơlik cồng nha lơi, mơya mìng bơta ƀàssìl ƀàsso mơ sền òsơp.”

Jeremi 10:21

Ală cau ê belàt la tùl gơla, Ò jòi jat Yàng Jehôwa. Gen tàng bol khai ò geh bơtào tơngguh, Mơ jơh ală mpồl belàt bol khai dê gen gơprah gơpring jơh.

Jeremi 12:10

Oă cau ê belàt neh tơnroh suơn ño Añ jê, Jă trơm pơnah sre brê Añ jê, Lơh pơnah ù tiah Añ kòñ gơboh Gơlik gơs dô bă tiah srau gòi ngềt ngơt.

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 2:11

Gơs lơgar lơi tòmgơl yàng gơ dê, Bulah gơ ò di la yàng sơl? Mơya làng bol Añ neh tòmgơl bơta gơklŏ bol khai dê Bơh ală rùp ràk ò kwơ!

Jeremi 2:6

Bol khai ò tŭ lơi lùp: ‘Ntềng đah Yàng Jehôwa taih? La Bơtau neh cèng bol hi lik bơh lơgar Ejiptơ, Bơtau neh lam bol hi tòm ƀlàng ngềt ngơt, Tòm dô bă tiah ƀlàng bràs mơ ală trồm tơrluh, Tòm dô bă tiah ro rañ mơ klam jơngo cik, Tòm dô bă tiah ò gơs dô nă cau lơi lòt gan, tiah ò gơs dô nă cau lơi ơm?’

Jeremi 4:22

“Bơh làng bol Añ jê tùl gơla, Bol khai ò đal git Añ. Bol khai la kòn sau bơrngơl gơla, Bol khai ò gơs bơta git wă, Bol khai chài rgơi lơh bơta iơh, Mơya ò git mbe lơi lơh bơta niam.”

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 7:8

Mơ do, bol mê dòn kơnòm di ală jơnau blac pơrlồm ò kwơ dô êt lơi.

Jeremi 9:14

Mơya bol khai kơldang bồ lòt jat nùs is bol khai dê, jat ală yàng Baal mơ ồng pàng bol khai neh bơto bol khai.”

Ejekiel 22:26

Ală cau gơnoar ơn phan duh khoai gơ dê sang lòi bơta boh lam Añ jê mơ lơh ƀơ̆ ƀơl ală phan sàng goh Añ jê; bol khai ò cah is phan lơi la sàng goh mơ phan lơi la phan òs; bol khai kung ò bơto gơs bơta krơi is digùl phan ƀơ̆ ƀơl mơ phan sàng goh; mơ bol khai ñềm mat wèt ò kơlôi rcang hơ bơta prap gàr ală ngai Saƀat Añ jê, tian gơs lơh Añ in gơkòl sền òsơp digùl bol khai.

Ejekiel 34:2

“Ơ kòn mơnus, đơs hwơr tĕ tòmdră mơ ală cau ê belàt Israel dê; đơs hwơr, mơ đơs tĕ mơ bol khai la ală cau ê belàt lah: ‘Jehôwa Yàng Tom Trồ đơs be do: Ơ bol mê la ală cau ê Israel dê, bol mê la cau mìng ròng siam să tòm! Ò di ală cau ê pal ròng siam mpồl belàt ò ơ?

Sră Ôse 4:6

Làng bol Añ jê kong tơnroh tài bơh siơ̆u bơta git wă. Tài bơh bol mê sang lòi bơta git wă, Añ kung sang lòi mê tồ mê ò lơh gơs cau gơnoar ơn phan duh khoai Añ jê; Mơ bơh di tŭ bol mê neh hŭi bơta boh lam Yàng Tom Trồ bol mê dê, gen Añ kung rơp hŭi kòn sau bol mê dê sơl.

Habakuk 2:18

Dô nơm rùp ràk bơh dô nă cau neh mòn gơs bơta lơi kwơ taih? Dô nơm rùp duh khoai, bơto jơnau ma blac gơs kwơ lơi taih? Bơh cau neh mòn gơ dòn kơnòm di phan khai neh lơh gơs; bulah khai lơh gơs rùp ràk ò rgơi đơs.

Mathiơ 16:26

Dilah cau lơi geh jơh dunnia mơ roh hwềng soàn he, gen gơs ñchi kwơ cau hơ̆ in taih? Hala ñchi ai nàng tòmgơl mơ hwềng soàn he taih?

Luka 11:52

Bòl glar bol mê in la cau bơto bơta boh lam! Bơh bol mê prap kai mpồng bơta git jak dê; să tòm bol mê ò bài mut, mơ ală cau ndai kòñ mut gen bol mê kơryan kơrdơl.”

Jang 16:3

Bol khai rơp lơh ală bơta hơ̆, tài bơh ò git Bèp, kung ò git Añ sơl.

Jang 8:55

Bol mê ò git Kơnràñ, mơya Añ git Kơnràñ. Dilah Añ đơs Añ ò git Kơnràñ, gen Añ kung la cau đơs blac be bol mê sơl; mơya Añ git Kơnràñ ngan, mơ prap gàr jơnau Kơnràñ dê.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.

Yal Wơl 33:10

Khai bơto ală jơnau sồr Kơnràñ dê Jakôp in mơ bơto bơta boh lam Kơnràñ dê Israel in; khai chu kơlhô di đap Kơnràñ, mơ ơn wil tơl ală phan ơn duh khoai chu pơrguc hơđang cơnòng ơn phan duh khoai Kơnràñ dê.

I Samuel 12:21

Bañ wèt jat ală rùp ràk ò kwơ; bol gơ ò lơh bơta lơi niam bol mê in, hala dong tă bol mê, tài bơh bol gơ la ò kwơ.

I Samuel 2:12

Tŭ hơ̆ ală kòn klau Heli dê la ơlă ơlai; bol khai ò wèt sền di Yàng Jehôwa,