Jeremi 2:7 - Sră Goh 2018

⁷ Añ neh cèng bol mê mut tòm dô nơm lơgar ù bơkah tiah lơngồt, nàng sa plai mơ dòp ală bơta niam gơ dê. Mơya tòm tŭ bol mê neh mut, gen bol mê neh lơh ƀơ̆ ƀơl lơgar Añ, neh lơh sre brê Añ jê gơlik gơs ngkòr ngkàc.

Jeremi 2:7 Mawu Ofanana

Nehemi 9:25

Bol khai brồ ai ală ƀòn kơ̆ cê, ală mìr sre niam ngan, dòp geh ală hìu lìu làc ală phan niam. Ală tơrlung neh geh tò, ală suơn ño, ală suơn ôlibe, mơ oă ngan chi gơs plai. Behơ̆ bol khai sa gơs hòm, gơlik lơmă, mơ hừh nùs tòm bơta lơbơn niam Kơnràñ dê.

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Esai 19:25

Yàng Jehôwa Gơnap Gơnoar Dờng rơp ai lơngai bol khai in mơ đơs lah: “Lơngai Ejiptơ in la làng bol Añ jê, Asiri in la broă lơh tê Añ jê, mơ Israel in la phan jơtài Añ jê.”

Jeremi 16:18

Lài ngan Añ rơp tơm wơl bơta iơh bơsak mơ tồi glài bol khai bàr dơ̆ rlau, bơh bol khai neh lơh ƀơ̆ ƀơl ù tiah Añ bơh ală rùp ràk, mơ cèng ală bơta cù kìr bềng lìu tòm sre brê Añ.”

Jeremi 3:1

Yàng Jehôwa đơs: “Dilah dô nă cau klau sang lòi bau ùr khai dê, Mơ bau ùr lòt bau mơ cau klau ndai, Gen bau klau rơp rê wơl bau mơ cau ùr hơ̆ sơl? Bơta hơ̆ ò lơh lơgar in ngkòr ngkàc dờng ngan sơl ơ? Mê neh lơh gơlềng gơlàng mơ oă ngan cau gơboh, mơ mê kòñ rê wơl mơ Añ ơ?

Jeremi 3:2

Sền tơnggòr tĕ ală tiah jơnhoa kơlờl, mơ sền tĕ! Gơs tiah lơi mơ mê ò lơh rềs àr bơrnàn sơl? Di gah gùng mê ơm nggui nàng gơn cau lơh tir, kung be dô nă cau Arap tòm ƀlàng ngềt ngơt; Mê neh lơh ngkòr ngkàc ù tiah, mơ bơta dri tơlàr gơlềng gơlàng.

Jeremi 3:9

Tài bơh khai sền òsơp bơta rềs àr bơrnàn he, gen lơh ƀơ̆ ƀơl ù tiah, rềs àr tòmtir mơ lŭ mơ chi.

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Jeremi 32:30

Mơ tai, kòn sau Israel mơ kòn sau Juda, bơh tŭ gam kơnòm să, mìng lơh bơta iơh bơsak di đap Añ; bơh kòn sau Israel mìng ai broă lơh tê he mơ bơrcek Añ gơjrañ, Yàng Jehôwa đơs behơ̆.

Ejekiel 20:24

tài bơh bol khai neh ò lơh jat ală bơta sồr lam Añ jê, mơya neh sang lòi ală jơnau sồr Añ jê, mơ neh sền òsơp ală ngai Saƀat Añ jê, mơ mat bol khai neh wèt hơ ală rùp ràk ồng pàng bol khai dê.

Ejekiel 20:28

Tòm tŭ Añ neh cèng bol khai mut tòm lơgar mơ Añ neh srat să ho ai bol khai in, mơ bol khai neh gŏ dòr lơi jơnhoa hala tòm chi dờng lơi gơs oă nha, gen tềng hơ̆ bol khai ơn phan ơn duh khoai bol khai dê, ơn ală phan ơn lơh Añ in gơjrañ mañ, chu kơlhô ƀô bơlhu, mơ tuh tơlik phan ơn pơdơng hùc bol khai dê.

Ejekiel 20:6

Tòm ngai hơ̆ Añ neh srat să ho nền mơ bol khai lah Añ rơp cèng bol khai lik klàs bơh di lơgar Ejiptơ nàng mut tòm dô nơm lơgar mơ Añ neh jòi bol khai in, hơ̆ la lơgar bềng lìu dà toh mơ dà lơwe, lơgar niam rlau mơ jơh ală lơgar ndai.

Ejekiel 23:35

Gen tàng, Jehôwa Yàng Tom Trồ đơs be do: ‘Tài bơh ai neh hŭi Añ, mơ sơrbì Añ di ngkòi ai, gen ai pal kong cồng nha bơh bơta gơlềng gơlàng mơ dri tơlàr ai dê.’”

Ejekiel 36:17

“Ơ kòn mơnus, tòm tŭ làng bol Israel ơm tòm ù tòm bol khai dê, bol khai neh lơh ƀơ̆ ƀơl gơ bơh gùng dà mơ broă lơh bol khai dê. Bơta lơh lòt bol khai dê di đap mat Añ la kung be bơta ƀơ̆ ƀơl kòp kơnhai dô nă cau ùr dê.

Sră Ôse 9:3

Bol khai rơp ò gam ơm wơl tòm lơgar Yàng Jehôwa dê; mơ Epraim rơp rê wơl hơ Ejiptơ, mơ tòm Asiri bol khai rơp sa phan sa ƀơ̆ ƀơl.

Mice 2:10

Ñă ntào tĕ, mơ lòt! Bơh do ò di la tiah rlô bòl bol mê dê, tài bơh bơta ƀơ̆ ƀơl gơ neh kòl tơnroh bal mơ bơta jê sồt roh gơprah.

Khà Làng Bol 13:27

Bol khai yal wơl Môise in lah: “Bol hi neh lòt mut tòm lơgar mơ ală ồng neh sồr bol hi lòt rwang sền, mơ hơ̆ la dô nơm lơgar bềng lìu dà toh mơ dà lơwe! Do la ală plai lơgar hơ̆ dê.

Yal Wơl 21:23

gen bol mê bañ lòi ƀồc khai dê hơđang chi mang àng. Lơh nền tĕ tơp khai tòm ngai hơ̆, tài bơh dô nă cau kong yồng hơđang jrong la ơm hơđơm bơta srat sơntơm Yàng Tom Trồ dê. Bol mê bañ lơh ƀơ̆ ƀơl ù tiah mơ Jehôwa Yàng Tom Trồ bol mê dê ai bol mê in lơh gơs sre brê.”

Yal Wơl 32:9

Bơh pơnah gơrê bal mơ Yàng Jehôwa la làng bol Kơnràñ dê. Jakôp la sre brê neh tă khà ai Kơnràñ in.

Yal Wơl 6:18

Lơh tĕ bơta lơi dimơ niam di đap Yàng Jehôwa, nàng ală bơta rơp gơlik niam bol mê in, mơ bol mê rgơi mut mơ dòp geh lơgar niam mơ Yàng Jehôwa neh srat să ho ai ală ồng pàng bol mê in,