Jeremi 2:6 - Sră Goh 2018

⁶ Bol khai ò tŭ lơi lùp: ‘Ntềng đah Yàng Jehôwa taih? La Bơtau neh cèng bol hi lik bơh lơgar Ejiptơ, Bơtau neh lam bol hi tòm ƀlàng ngềt ngơt, Tòm dô bă tiah ƀlàng bràs mơ ală trồm tơrluh, Tòm dô bă tiah ro rañ mơ klam jơngo cik, Tòm dô bă tiah ò gơs dô nă cau lơi lòt gan, tiah ò gơs dô nă cau lơi ơm?’

Jeremi 2:6 Mawu Ofanana

II Ală Bơtau 2:14

Khai ai ào jrùh neh dùh bơh să Eli hơ̆, pòng dà mơ đơs lah: “Ntềng đah Jehôwa Yàng Tom Trồ Eli dê?” Tòm tŭ neh pòng dà, gen dà gơcah bàr đah, mơ Elise lòt gan hiòng.

Sră Jop 3:5

Lòi bơta jơngo mơ klam cik hòi gơ, Lòi puk mhwal jơm ndơp gơ, Lòi bơta klam jơngo jù cik tơn iu gơ.

Sră Jop 35:10

Mơya ò gơs cau lơi lùp lah: ‘Ntềng đah Yàng Tom Trồ la Bơtau crơng gơs añ? Kơnràñ ai bơta pràn tòm trồ mang,

Đơs Crih 23:4

Bulah añ lòt tòm sơndiang klam jơngo cik, Añ rơp ò rngòt di bơta iơh lơi, bơh Yàng ơm bal mơ añ; Gai lồng mơ gai kwềt Yàng dê pơndòm pơniang añ.

Đơs Crih 77:5

Añ kơlôi sơnơng bơh ngai yau òr, Mơ kah ală sơnam neh rlau.

Lik Ejiptơ 20:2

“Añ la Jehôwa Yàng Tom Trồ bol mê dê, Bơtau neh cèng bol mê bơh di Ejiptơ, klàs bơh di tiah ơm dĭ.

Esai 63:9

Tòm jơh ală bơta bòl glar bol khai dê, ò gơs cau kong sồr hala cau gơnrơh, mơya bơta gơs mat Kơnràñ dê neh dong klàs bol khai. Tòm bơta kòñ gơboh mơ kòñ nđàc Kơnràñ dê, Kơnràñ neh dong tơwài bol khai; Kơnràñ neh yò tơngguh bol khai mơ kơnđơt kơnđu bol khai tòm jơh ală ngai yau òr.

Esai 64:7

Ò gơs dô nă cau lơi hòi dan di sơnđan Kơnràñ, hala pơnđơl pràn nàng at di Kơnràñ; bơh Kơnràñ neh pồn mat bơh di bol hi, mơ lòi bol hi kong roh rui tài bơh tồi glài bol hi dê.

Jeremi 13:16

Ơn tĕ bơta gơklŏ Jehôwa Yàng Tom Trồ bol mê in, Lài mơ tŭ Kơnràñ òhềt sồr bơta klam jơngo tus, Lài mơ tŭ jơng bol mê òhềt gơtup hơđang ală mơnơm tŭ trồ mòr jơngo. Tŭ bol mê gơn bơta àng, Mơya Kơnràñ rơp tòmgơl gơ gơlik gơs mƀur bơta chơt, Gơlik gơs mƀur jơngo cik.

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Jeremi 2:8

Ală cau gơnoar ơn phan duh khoai kung ò lùp: ‘Ntềng đah Yàng Jehôwa taih?’ Ală cau bơto bơta boh lam kung ò git Añ. Ală cau ê gàr neh pơrlơ̆ dră di Añ. Ală cau gơnoar hwơr ai sơnđan Baal mơ đơs hwơr, mơ lòt jat ală bơta ò gơs kwơ.”

Jeremi 5:12

Bol khai neh pơndang sang Yàng Jehôwa, Mơ đơs lah: “Kơnràñ rơp ò lơh bơta lơi! Bơta rung rài rơp ò tus hơđang bol he; mơ bol he rơp ò sền gŏ đào hala bơta jơgloh rung.”

Jeremi 5:2

Bulah bol khai đơs lah: “Ngan kung be Yàng Jehôwa kis gam sùm sùm! Mơya bol khai srat să ma blac!”

Jeremi 51:43

Ală ƀòn gơ neh gơlik bơta rngòt rngơt, Gơlik tiah ro rañ, ngềt ngơt, Ò gơs làng bol ơm, Ò gơs cau lơi lòt gan.

Sră Ôse 12:13

Jakôp dô tus tòm lơgar Aram; Israel ơm duh broă nàng geh bau, mơ ê belàt nàng geh bau ùr.

Sră Ôse 13:4

Bơh Añ la Jehôwa Yàng Tom Trồ mê dê, la Bơtau neh dong tă mê lik klàs bơh lơgar Ejiptơ, rlau mơ Añ mê bañ dòp git yàng lơi ndai; ò gơs Bơtau Dong Klàs lơi ndai tai rlau mơ Añ.

Amôs 2:10

Añ neh cèng bol mê lik bơh di lơgar Ejiptơ, mơ tề lam bol mê poan jơt nam tòm ƀlàng bràs nàng bol mê in ai lơgar cau Amôrit dê lơh gơs sre brê.

Mathiơ 4:16

Làng bol nggui tòm tiah klam jơngo Neh gŏ bơta àng dờng; Mơ bơta àng neh pơnđàng hơđang ală cau nggui hơđơm mƀur bơta chơt.”

Yal Wơl 1:19

Lồc behơ̆, jat jơnau sồr Jehôwa Yàng Tom Trồ bol he dê, bol he lik bơh di Hôrep mơ lòt wèt hơ đah lơgar mơnơm ală cau Amôrit dê, lòt gan ƀlàng ngềt ngơt dờng ơnàng mơ rngòt rngơt ngan mơ bol mê neh gŏ, mơ bol he neh tus hơ Kades Barnea.

Yal Wơl 32:10

Tòm tiah ƀlàng ngềt ngơt dê Kơnràñ neh jòi bàn khai, tòm ƀlàng sang gòi mìng gơs càl khồm, ò gơs chi che. Kơnràñ jơm gòm khai kơlôi rcang bơh khai. Kơnràñ sền gàr khai kung be kòn mat Kơnràñ dê,

Yal Wơl 8:2

Kah tĕ mbe Jehôwa Yàng Tom Trồ bol mê dê neh tề lam bol mê tòm jơh gùng dà tòm ƀlàng ngềt ngơt tòm poan jơt nam neh rlau, nàng tơnliah să bol mê, lòng bol mê nàng git ñchi bơta neh gơs tòm nùs bol mê dê, sền bol mê rơp prap gàr ală jơnau gơnoar sồr Kơnràñ dê hala ò.

Ală Kwang Cahrña 6:13

Gideôn đơs lah: “Mơya ơ ồng, dilah Yàng Jehôwa ơm bal mơ bol hi gen ñchi bơh tài ală bơta do neh gơ tus di bol hi taih? Ntềng đah ală bơta crih crài Kơnràñ dê mơ ală ồng pàng bol hi dê neh yal wơl mơ lah: ‘Hơ̆ ò di la Yàng Jehôwa neh cèng bol hi lik bơh lơgar Ejiptơ ò ơ?’ Mơya tŭ do Yàng Jehôwa neh sang lòi bol hi mơ neh jào phi bol hi tòm tê làng bol Midian.”