Jeremi 2:5 - Sră Goh 2018

⁵ Yàng Jehôwa đơs be do: “Ồng pàng bol mê neh gŏ bơta lơi ò song ring tòm Añ, tàng neh lòt ngài bơh di Añ; Neh lòt jat bơta roh lơm, Mơ gơlik gơs ò kwơ să tòm bol khai in?

Jeremi 2:5 Mawu Ofanana

II Ală Bơtau 17:15

Bol khai sền òsơp ală bơta boh lam mơ bơta ho bal Kơnràñ neh bơtào mơ ồng pàng bol khai dê, mơ ală jơnau yal tơnggit mơ Kơnràñ neh ai bol khai in. Bol khai lòt jat ală rùp ràk ma blac, mơ bol khai gơlik gơs ma blac, bol khai đòm krơh ală làng bol ơm gùt dar, bơh ală làng bol hơ̆ mơ Yàng Jehôwa neh ai gơnoar sồr bol khai lah bañ đòm jat krơh bol khai dê.

Đơs Crih 115:8

Cau lơi lơh gơs rùp ràk mơ jơh ală cau dòn kơnòm di gơ, Gen gơlik gơs ndròm be gơ sơl.

Esai 29:13

Yàng Jehôwa neh đơs lah: “Tài bơh làng bol do mìng ai bơr tus rềp mơ Añ, ai sơndồi jòng ro Añ, mơya nùs bol khai ơm ngài bơh Añ. Bơta bol khai duh khoai Añ mìng la jat bơta sồr lam kòn mơnus dê, bơtê bơta sồr lam mơ ò git wă.

Esai 44:9

Jơh ală cau chài lơh rùp ràk la roh lơm, ală phan bol khai kòñ gơboh la ò kwơ dô êt lơi. Ală cau lơh cơng bol khai dê ò gŏ mơ kung ò git, behơ̆ bol khai rơp gơkòl tòm bơta ƀàssìl ƀàsso.

Esai 46:12

Ơ ală cau kơldang nùs, ơm ngài bơh bơta song ring, iat tĕ Añ!

Jeremi 10:8

Bol khai jơh tơl nă bơrngơl mơ tùl gơla. Bol khai geh bơta bơto sồr bơh rùp ràk Ò lin rlau mơ chi.

Jeremi 12:2

Kơnràñ neh tam bol khai; Bol khai neh sro ryas, hòn dờng mơ gơlik plai. Bơr bol khai ơm rềp mơ Kơnràñ, Mơya nùs bol khai ơm ngài mơ Kơnràñ.

Jeremi 14:22

Gơs rùp ràk lơi ală làng bol bơdìh dê rgơi cèng mìu sơl? Hala ală tap trồ rgơi ai mìu ơ? Ơ Jehôwa Yàng Tom Trồ bol hi dê, hơ̆ ò di la Kơnràñ ơ? Bol hi gơn kơnòm di Kơnràñ, Bơh Kơnràñ la Bơtau lơh gơs jơh ală bơta hơ̆.

Jeremi 2:31

Ơ jơi bơtiàn bol mê! Sền nền tĕ jơnau Yàng Jehôwa đơs: Añ la dô nơm ƀlàng ngềt ngơt, hala dô bă ù tiah klam jơngo cik gơwèt hơ làng bol Israel ơ? Behơ̆ gen ñchi bơh tài làng bol Añ đơs lah: ‘Bol hi geh khat gơboh, Bol hi rơp ò tus mơ Kơnràñ tai’?

Jeremi 2:4

Ơ hìu Jakôp, bal mơ jơh ală hìu nhă Israel dê, iat tĕ jơnau Yàng Jehôwa!

Jeremi 8:19

Iat tĕ! Jơnau driau nggà làng bol nđàc sơngit añ jê, bơh ală tiah ngài ngan tòm lơgar, lah: “Yàng Jehôwa ò gam ơm tòm Siôn ơ? Bơtau khai dê ò gam ơm mơ khai ơ?” “Ñchi bơh tài bol khai bơrcek Añ gơjrañ, mơ rùp pac sềr bol khai dê Mơ rùp ràk làng bơdìh dê taih?”

Ejekiel 11:15

“Ơ kòn mơnus, ală oh mi mê dê, ală oh mi mê dê la làng bol kong kup cèng pơrdô bal mơ mê, mơ jơh dô nơm hìu Israel, la ală cau mơ làng bol Jerusalem neh đơs lah: ‘Bol khai ơm ngài ngan bơh di Yàng Jehôwa; lơgar do neh geh ai bol he in lơh gơs sre brê.’

Ejekiel 14:5

nàng Añ rơp tơrgòm prap wơl nùs làng bol Israel dê, bơh bol khai neh lòt ngài bơh Añ mơ duh khoai rùp ràk.”’

Jôna 2:8

Gơlơh be bơta kis añ jê neh gơ mù jrô, gen añ kah wơl Yàng Jehôwa, mơ jơnau hòi dan añ jê neh guh tus hơ Kơnràñ, tòm Hìu Duh Khoai Sàng Goh Kơnràñ dê.

Mathiơ 15:8

‘Làng bol do ai sơndồi mơ dòn duh Añ; Mơya nùs bol khai ngài ngan bơh Añ;

Broă 14:15

“Ơ ală oh mi, ñchi bơh tài lơh bơta hơ̆ taih? Bol hi la kòn mơnus kung be ală oh mi sơl, bol hi bơto yal Jơnau Niam ală oh mi in, nàng oh mi wèt sang ală yàng roh lơm ne, mơ rê wơl hơ Yàng Tom Trồ gam kis sùm, la Bơtau neh crơng gơs trồ tiah, dàlềng mơ ală phan tòm hơ̆.

Rôma 1:21

Bơh bulah bol khai git Yàng Tom Trồ, mơ kung ò bài jòng ro mơ ưnngài Kơnràñ sơl, mơya kư̆ tìs nrah tòm ală bơta kơlôi sơnơng mơ nùs tùl gơla bol khai dê gơlik klam jơngo.

Yal Wơl 32:21

Bol khai lơh Añ in ƀoah pơrñat bơh bơta ò di la yàng, mơ bơrcek Añ gơjrañ bơh ală rùp ràk bol khai dê. Behơ̆ Añ rơp lơh bol khai in ƀoah pơrñat bơh dô làng bol ò di la làng bol, bơrcek bol khai gơjrañ bơh dô làng bol tùl gơla.

I Samuel 12:21

Bañ wèt jat ală rùp ràk ò kwơ; bol gơ ò lơh bơta lơi niam bol mê in, hala dong tă bol mê, tài bơh bol gơ la ò kwơ.