Jeremi 2:37 - Sră Goh 2018

³⁷ Bơh tềng hơ̆ bol mê rơp lik lòt ngài, Mơ tê bol mê dê ơn hơđang bồ; Bơh Yàng Jehôwa sang lòi ală cau mơ mê neh dòn kơnòm, Mơ mê rơp ò geh bơtoah bơtoài bơh di bol khai.”

Jeremi 2:37 Mawu Ofanana

II Samuel 11:12

Gen Dabit đơs mơ khai lah: “Ơm wơl tĕ tềng do dô ngai tai, gen ngai hìng añ rơp sồr mê lòt.” Behơ̆, Uria ơm wơl tòm Jerusalem tòm ngai hơ̆. Ngai tơnơ̆.

II Samuel 13:19

Mơya Tamar ơn bùh hơđang bồ khai, mơ crè ào jrùh khai soh. Khai koar di bồ mơ lòt ndang ñìm nggà ndang.

II Yal Yau 13:12

Sền tĕ Yàng Tom Trồ ơm bal mơ bol hi mơ lam bồ bol hi; mơ ală cau gơnoar ơn phan duh khoai Kơnràñ dê uh kơlwòk bơta tòmlơh bol khai dê, nàng hòi lòt tòmlơh tòmdră mơ bol mê. Ơ ală cau Israel, bañ tòmlơh tòmdră mơ Jehôwa Yàng Tom Trồ ală ồng pàng bol mê dê, bơh bol mê ò geh pha.”

Esai 10:4

Bol khai mìng kun tơnliah să digùl ală cau ơm jàm, hala gơpừ digùl ală cau gơkòl tơnchơt. Bơh jơh ală bơta hơ̆, bơta gơjrañ Kơnràñ dê kung ò wèt ngài, tê Kơnràñ dê gam pò tơlik.

Esai 28:18

Bơta ho bal mơ bơta chơt bol mê rơp kòl tơnroh, bơta bol mê dô nùs bal mơ lơgar làng ƀồc rơp ò gam ntào kơ̆. Tòm tŭ bơta rung rài tơnroh lòt gan, gen bol mê rơp kong gơ jă tơnlề.

Jeremi 14:3

Ală cau ryŭ ryơm khai dê sồr cau dĭ gơna lòt jòi dà; Bol khai lòt tus hơ tơrlung ơn dà. Bol khai jòi ò geh dà, Bol khai rê wơl mơ gri gòi; Bol khai ƀàssìl mơ rngòt rngơt, Mơ gòm bồ bol khai dê.

Jeremi 14:4

Tài bơh ù neh dàng jơh, Tài bơh ò gơs mìu dùh tòm lơgar, Cau troă lơòr rngòt rngơt; bol khai gòm bồ wơl.

Jeremi 17:5

Yàng Jehôwa đơs be do: “Pal srat rma ngan cau lơi in dòn kơnòm di kòn mơnus, lơh pràn kơldang poac să bol khai dê, Nùs bol khai neh ơm ngài bơh Yàng Jehôwa.

Jeremi 2:36

Ñchi bơh tài mê mhar ngan tòmgơl gùng dà mê dê. Bol mê rơp gơkòl ƀàssìl bơh Ejiptơ, kung be bol mê neh ƀàssìl bơh Asiri.

Jeremi 22:20

Guh tĕ hơ Liban mơ driau, Ai jơnau driau nggà tòm Basan; Driau tĕ bơh mơnơm Abarim! Bơh jơh ală cau kòñ gơboh mê neh kong jă tơnlề.

Jeremi 22:30

Yàng Jehôwa đơs be do: “Cih tĕ cau do tòm ală cau ò gơs kòn sau, Tòm ală cau jơh rài kis ò geh cồng nha; Bơh jơh kòn sau khai rơp ò gơs dô nă cau lơi bơtoah bơtoài, nggui hơđang sơbàn Dabit mơ at bồ tòm Juda tai!”

Jeremi 32:5

Bơtau hơ̆ rơp cèng Jedekia tus hơ Babilôn, khai rơp ơm tềng hơ̆ jơl tus di tŭ Añ lơh gơlik gơs ală bơta gơwèt hơ khai, dilah bol mê tòmlơh mơ cau Babilôn, bol mê rơp ò geh cồng nha.’ Yàng Jehôwa đơs behơ̆.”

Ñìm Rac 4:17

Mat bol hi lơgah lơgañ gơn bơta dong kòl ò kwơ! Bol hi kơp gơn ngac ngar hơ dô làng bol ò rgơi dong klàs.

Khà Làng Bol 14:41

Mơya Môise đơs lah: “Ñchi bơh tài bol mê ò lơh jat jơnau sồr Yàng Jehôwa dê taih? Bơta bol mê lơh hơ̆ ò gơlik cồng nha niam ò!