Jeremi 2:36 - Sră Goh 2018

³⁶ Ñchi bơh tài mê mhar ngan tòmgơl gùng dà mê dê. Bol mê rơp gơkòl ƀàssìl bơh Ejiptơ, kung be bol mê neh ƀàssìl bơh Asiri.

Jeremi 2:36 Mawu Ofanana

II Yal Yau 28:16

Tòm tŭ hơ̆ bơtau Aca sồr cau lòt dan bơtau Asiri dong kòl khai.

Esai 20:5

Mơ bol khai rơp rngòt rngơt mơ roh gơn kơnòm tài bơh bol khai gơn kơnòm di Ethiôpi mơ jòng să bơh Ejiptơ.

Jeremi 2:18

Gen ñchi bơta mê geh tŭ lòt hơ Ejiptơ, Nàng hùc dà hiòng Nil ơ? Hala bol mê geh bơta lơi tŭ lòt hơ Asiri, Nàng hùc dà hiòng Ơphrat ơ?

Jeremi 2:23

“Mbe mê khin đơs lah: ‘Añ ò ƀơ̆ ƀơl; Añ òhềt lòt jat rùp ràk Baal’? Sền tĕ gùng mê dê tòm thòng; git tĕ bơta mê neh lơh, Kung be làkđa dra sơrbac sơrbang mơ gơlềng gơlàng,

Jeremi 2:33

Mbe mê wàs niam gùng bol mê dê Nàng jòi jat cau kòñ gơboh! Tian gơs ală cau ùr iơh bơsak lòt jat gùng bol mê dê.

Jeremi 22:20

Guh tĕ hơ Liban mơ driau, Ai jơnau driau nggà tòm Basan; Driau tĕ bơh mơnơm Abarim! Bơh jơh ală cau kòñ gơboh mê neh kong jă tơnlề.

Jeremi 22:22

Jơh ală cau ê belàt bol mê rơp kong càl khồm pơrdô ngài, Ală cau kòñ gơboh mê rơp kong kup cèng pơrdô; Gen mê rơp kong bơta ƀàssìl mơ rngòt rngơt, Bơh jơh ală broă iơh mê dê.

Jeremi 31:22

Ơ kòn ùr ò dòn song, ai rơp lòt lềng làng jơl tus di tŭ lơi taih? Bơh Yàng Jehôwa neh bơtào gơs dô bơta pa hơđang ù, Hơ̆ la cau ùr rơp gòm gơrwàng cau klau.”

Jeremi 37:7

“Jehôwa, Yàng Tom Trồ Israel dê, đơs be do: ‘Bol mê pal yal mơ bơtau Juda, la cau neh sồr bol mê tus lùp Añ, lah: Ne, mpồl ling Pharaôn dê neh tus dong tă bol mê, rơp lik rê hơ lơgar he, hơ̆ la lơgar Ejiptơ.

Jeremi 46:12

Ală lơgar gen neh kơno bơta ƀàssìl ƀàsso bol ai dê, mơ plai ù bềng sap driau nggà bol ai dê; Bơh ling tòmlơh gơtup jơng mơ ling tòmlơh, Jơh bàr đah gơpừ bal.

Ñìm Rac 4:17

Mat bol hi lơgah lơgañ gơn bơta dong kòl ò kwơ! Bol hi kơp gơn ngac ngar hơ dô làng bol ò rgơi dong klàs.

Ñìm Rac 5:6

Bol hi neh lơh dô bơta ho bal mơ ală cau Ejiptơ, mơ cau Asiri nàng gơs tơl ƀañ sa.

Ejekiel 16:28

Ai kung neh lơh bơta dri tơlàr mơ ală cau Asiri, tài bơh ai oă hàm kòñ bơta hơ̆, mơ bulah tơnơ̆ mơ hơ̆, ai kung ò làp dil.

Ejekiel 29:7

Tòm tŭ bol khai at mê mơ tê bol khai dê gen mê pă, mơ lơh gơcrè pơnì bol khai dê; tòm tŭ bol khai sơnđìng di mê gen mê pă mơ lơh jơng bol khai gơglih.’

Sră Ôse 10:6

Bơh să tòm gơ kung rơp kong cèng tus hơ Asiri lơh gơs phan ơn cau bơtau dờng lơgar hơ̆ in. Epraim rơp kong sền òsơp, mơ Israel rơp kong ƀàssìl ƀàsso bơh ală rùp ràk bol khai dê.

Sră Ôse 12:1

Epraim ai bơta đơs blac, hìu Israel ai bơta blac pơrlồm mơ gơrwàng Añ; mơya Juda gam lòt bal mơ Yàng Tom Trồ, mơ prap gàr bơta dòn song mơ Bơtau Sàng Goh.

Sră Ôse 14:3

Asiri ò rgơi dong klàs bol hi; bol hi rơp ò hào ơseh tòmlơh. Bol hi rơp ò tŭ lơi đơs mơ phan bơh tê bol hi lơh gơs lah: Yàng Tom Trồ bol hi dê, bơh tòm Kơnràñ cau kòn đòi jòi bàn bơta kòñ nđàc.”

Sră Ôse 5:13

Tòm tŭ Epraim neh gŏ bơta kòp jê khai dê, mơ Juda neh gŏ tềl sồt, gen Epraim lòt tus hơ cau Asiri, mơ sồr lòt tus hơ bơtau dờng. Mơya khai ò rgơi sơm bơta kòp jê bol mê hala sơmbòi ală tềl sồt bol mê dê.

Sră Ôse 7:11

Epraim gơlik be dô nơm sềm ntòp, bơrngơl, mơ siơ̆u dơngoh jak; bol khai hòi Ejiptơ dong kòl, bol khai lòt tus hơ Asiri.