Jeremi 2:34 - Sră Goh 2018

³⁴ Di tiang ào mê dê sơl kung gŏ mhàm ală cau rƀah ò gơs glài, bulah bol mê ò kup bol khai tò ƀlong hìu cau, mơya la tài bơh ală bơta iơh hơ̆.

Jeremi 2:34 Mawu Ofanana

II Ală Bơtau 21:16

Manase kung lơh gơtuh oă mhàm ò gơs glài, tian gơs Jerusalem kong bềng bơh đah do tus hơ đah ne. Di gah glài mơ khai neh lơh Juda in tìs glài, gen tàng bol khai neh lơh ală bơta iơh di đap Yàng Jehôwa.

II Ală Bơtau 24:4

mơ kung tài bơh mhàm ò gơs glài mơ khai neh lơh gơtuh; bơh khai neh lơh Jerusalem in bềng mhàm ò gơs glài, gen Yàng Jehôwa ò toh glài khai in.

Lik Ejiptơ 22:1

Dilah cau lơi kơñau dô nơm kơnrồ dam hala dô nơm belàt, lồc behơ̆ tơnchơt gơ hala tac gơ, gen khai pal tơm wơl pram nơm kơnrồ dam ala dô nơm, mơ poan nơm belàt ala dô nơm.

Lik Ejiptơ 22:2

Dilah dô nă cau ntung kơñau gơkòl kup tòm tŭ mut kơñau tòm hìu cau mơ kong pòng chơt gen cau pòng chơt ò gơkòl kup glài lơh gơhòr mhàm cau;

Esai 57:5

Bol mê tòmbic tòmtir digùl ală tòm cha, mơ hơđơm kòp nơm rlau chi dờng; bol mê chu ală kòn sau bol mê dê lơh gơs phan ơn pơdơng tòm ală thòng mơ hơđơm ală tiah dàng lŭ klềr dê.

Esai 59:3

Bơh tê bol mê dê neh ƀơ̆ ƀơl bơh mhàm, ràs tê bol mê dê neh ƀơ̆ ƀơl bơh tìs glài. Sơndồi bol mê neh đơs blac, mơ lơmpiat bol mê đơs òm bơta iơh.

Esai 59:7

Jơng bol khai ntoat mhar tus hơ bơta iơh bơsak, bol khai sơrbac sơrbang lơh gơhòr mhàm ò gơs glài; Ală bơta kơlôi sơnơng bol khai dê la ală bơta kơlôi sơnơng bơh bơta iơh bơsak, bơta tơnroh mơ bơta phà tơrlah ơm tòm gùng dà bol khai dê.

Jeremi 19:4

Tài bơh làng bol neh sang lòi Añ, neh lơh ƀơ̆ ƀơl tiah do tòm tŭ bol khai ơn phan duh khoai yàng ndai in tềng hơ̆, mơ bol khai hala ồng pàng bol khai dê, hala ală bơtau Juda dê kung òhềt git, mơ tài bơh bol khai neh lơh gơtuh bềng mhàm ò gơs glài tềng do.

Jeremi 2:33

Mbe mê wàs niam gùng bol mê dê Nàng jòi jat cau kòñ gơboh! Tian gơs ală cau ùr iơh bơsak lòt jat gùng bol mê dê.

Jeremi 6:15

Bol khai lơh broă bềng bơta ƀàssìl, mơ tìs glài iơh rmơh; Mơya bol khai ò git ƀàssìl. Bol khai ò dum mat ƀàssìl dô êt lơi. Gen tàng bol khai rơp gơpừ digùl ală cau gơpừ. Di di tŭ Añ lơh glài bol khai, bol khai rơp kong tuh tơlup.” Yàng Jehôwa đơs behơ̆.

Jeremi 7:31

Bol khai neh bơt ală tiah jơnhoa Tôphet dê, tòm thòng kòn klau Hinôm dê, nàng chu kòn klau kòn ùr he tòm ồs, hơ̆ la bơta Añ òhềt sồr, la bơta Añ òhềt kơlôi sơnơng.”

Jeremi 7:6

dilah bol mê ò rồn bơklơn cau nac crih, cau kòn đòi, cau ùr bơnrau, mơ ò lơh gơtuh mhàm ò gơs glài tòm tiah do; kung ò lòt jat ală yàng ndai lơh iơh is să he,

Jeremi 8:12

Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ñìm Rac 4:14

Bol khai be cau jơngo mat lòt yơng rò gùng lơh ƀơ̆ ƀơl bơh mhàm, Tian gơs ò gơs cau lơi rgơi ƀư di ào jrùh bol khai dê.

Ejekiel 20:31

Tòm tŭ bol mê ơn phan ai gòi bol mê dê, ơn ală kòn klau bol mê chu tòm ồs, bol mê pơnjat lơh ƀơ̆ ƀơl să tòm bol mê dê bơh jơh ală rùp ràk bol mê dê jơl tus di ngai do. Ơ hìu Israel, Añ rơp lòi bol mê hòi lùp Añ ơ! Be Añ kis, Jehôwa Yàng Tom Trồ đơs behơ̆.

Ejekiel 22:25

Ală cau gơnoar hwơr gơ dê neh bơyai bơtào kai gơrmơ̆i kung be klìu triă ơluh ơhùm kap crè phan kup geh gơ dê; bol khai crè sa làng bol, tòmpìt ai ală đam jàr mơ ală phan màng, lơh gơlik gơs oă cau ùr bơnrau tòm gơ.

Ejekiel 23:45

Mơya ală cau song ring rơp cahrña lơh glài bol khai kung be lơh glài ală cau ùr rềs àr dri tơlàr mơ lơh gơtuh mhàm, tài bơh bol khai la cau rềs àr dri tơlàr mơ gơs mhàm di tê bol khai dê.

Ejekiel 24:7

Bơh mhàm mơ khai neh lơh gơhòr gam ơm tòm dơlam gơ; Khai neh ơn gơ hơđang dô pơnai lŭ mpòl; khai ò tuh gơtòm ù nàng bồr gơ mơ ù.

Ejekiel 9:9

Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’