Jeremi 2:32 - Sră Goh 2018

³² Dô nă kòn ơruh rgơi hŭi phan bơka să khai dê, Hala dô nă ƀan pa hŭi phan soh mơ phan bơka să he dê ơ? Mơya làng bol Añ neh hŭi Añ bơh ală ngai ò jai kòp.

Jeremi 2:32 Mawu Ofanana

Sơnròp Gơlik Gơs 24:22

Tŭ làkđa neh sir hùc rau, gen cau dĭ ai dô nơm sơmbiat màh kơnjơ̆ nggùl sieklơ mơ dô yô kòng kơnjơ̆ jơt sieklơ,

Sơnròp Gơlik Gơs 24:30

Dơ̆ khai gŏ sơmbiat màh mơ dô yô kòng di tê oh ùr khai, mơ neh kơno jơnau Rebeka yal wơl lah: “Cau do đơs behơ̆!” gen lòt tus di khai ntào rềp di ală làkđa, di gah tơrlung.

Sơnròp Gơlik Gơs 24:53

Khai ai phan ngui mơ priă, mơ màh, mơ ồi ào ai Rebeka in, khai kung ai ală phan màng ai bi klau mơ mè Rebeka in.

II Samuel 1:24

Ơ ală kòn ùr Israel dê, ñìm tĕ bơh Sol, Khai neh tơnsoh bol ai in ồi ào dà phồng màng ryŭ. Khai bơka ồi ào bol ai dê mơ màh.

Đơs Crih 106:21

Bol khai hŭi Yàng Tom Trồ la Bơtau dong klàs bol khai dê, La Bơtau neh lơh ală broă dờng tòm Ejiptơ,

Đơs Crih 9:17

Cau iơh bơsak gơkòl tơlo dùh tòm lơgar làng ƀồc, Mơ jơh ală lơgar hŭi Yàng Tom Trồ kung behơ̆ sơl.

Esai 17:10

Bơh bol mê neh hŭi Yàng Tom Trồ Bơtau Dong Klàs bol mê dê, ò kah Pơnai Lŭ Kìng Crŭ mê dê. Gen tàng bulah bol mê tam ală chi niam rlau jơh, mơ tam ală tòm ño cèng tus bơh lơgar ndai,

Esai 57:11

Bol mê neh rngòt mơ rơm să di ñcau mơ tian gơs bol mê neh đơs blac, mơ ò kah Añ mơ kung ò kơlôi sơnơng bơh bơta hơ̆ taih? Hơ̆ ò di la tài bơh Añ neh ơm mŏ mŏ ñềm mat Añ jê, gen tàng bol mê ò rngòt di Añ?

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Jeremi 13:10

Làng bol iơh do ò bài iat jơnau Añ, cơnđòa jat bơta kơldang nùs bol khai dê, jat ală yàng ndai duh broă mơ duh khoai bol gơ, gen rơp gơlik kung be che but do ò gam niam dô êt lơi.”

Jeremi 13:25

Yàng Jehôwa đơs: “Hơ̆ la pơnah ai dê, Pơnah Añ was ai in, Yàng Jehôwa đơs behơ̆. Bơh ai neh hŭi Añ, Mơ dòn kơnòm di yàng blac pơrlồm.

Jeremi 18:15

Mơya làng bol Añ neh hŭi Añ; Chu kơlhô rùp ràk ma blac in La rùp ràk lơh bol khai gơtup pừ tòm gùng bol khai dê, Tòm gùng lòt bơh rài yau òr, Lòt tòm gùng òhềt rcang wàs Mơ ò di gùng dờng.

Jeremi 2:11

Gơs lơgar lơi tòmgơl yàng gơ dê, Bulah gơ ò di la yàng sơl? Mơya làng bol Añ neh tòmgơl bơta gơklŏ bol khai dê Bơh ală rùp ràk ò kwơ!

Jeremi 2:33

Mbe mê wàs niam gùng bol mê dê Nàng jòi jat cau kòñ gơboh! Tian gơs ală cau ùr iơh bơsak lòt jat gùng bol mê dê.

Jeremi 23:27

Bol khai kòp nă yal wơl bơta mpau cau gơp ƀòn in, kơlôi lah rơp lơh làng bol hŭi sơnđan Añ, kung be ồng pàng bol khai tài bơh Baal hŭi sơnđan Añ.

Jeremi 3:21

Gơs jơnau đơs bơh hơđang ală dòr kơlờl: Hơ̆ la sap kòn sau Israel ñìm rac, Tài bơh bol khai neh lơh rkwet rkwe gùng bol khai dê; bol khai neh hŭi Jehôwa Yàng Tom Trồ bol khai dê.

Ejekiel 22:12

Digùl ai, cau dòp ală phan loă nàng lơh gơtuh mhàm; ai ai cau càn jền mơ sa cồng kơnjơ̆ ngan, mơ ai kơnòm di bơta sa kơrlơm cau ơm rềp mơ he mơ dòp cồng nha ò song ring. Mơ ai neh hŭi Añ, Jehôwa Yàng Tom Trồ đơs behơ̆.

Sră Ôse 8:14

Israel neh hŭi Bơtau crơng gơs bol khai, mơ bơt bơtào ală hìu gơlang; Juda neh bơtơl oă ƀòn dờng kơ̆ cê. Mơya Añ rơp sồr ồs tus hơđang ală ƀòn dờng bol khai dê, mơ gơ rơp sa pơrguc jơh ală tiah kơ̆ cê hơ̆ bol khai dê.

Yal Wơl 32:15

Jesurun sơlo pas sơm mơya pơrlơ̆ dră; khai gơlik gơs dờng mơ lơmă, Khai sang lòi Yàng Tom Trồ la Bơtau neh crơng gơs khai mơ sền òsơp Pơnai Lŭ Bơtau Dong klàs khai dê.

Yal Tơlik 21:2

Añ gŏ ƀòn dờng sàng goh la Jerusalem pa, mù bơh đang trồ bơh dê Yàng Tom Trồ; gơ neh rcang sir be dô nă bau ùr pa neh bơka să ơm gơn bau klau khai dê.

Ală Kwang Cahrña 8:34

Bol khai ò kah Jehôwa Yàng Tom Trồ bol khai dê la Bơtau neh dong tă bol khai bơh tê ală cau sò tơm ơm làm gùt dar.