Jeremi 2:31 - Sră Goh 2018

³¹ Ơ jơi bơtiàn bol mê! Sền nền tĕ jơnau Yàng Jehôwa đơs: Añ la dô nơm ƀlàng ngềt ngơt, hala dô bă ù tiah klam jơngo cik gơwèt hơ làng bol Israel ơ? Behơ̆ gen ñchi bơh tài làng bol Añ đơs lah: ‘Bol hi geh khat gơboh, Bol hi rơp ò tus mơ Kơnràñ tai’?

Jeremi 2:31 Mawu Ofanana

I Ală Bơtau 11:22

Pharaôn đơs mơ khai lah: “Ñchi phan mê siơ̆u mê ơm mơ añ, mơ tŭ do mê kòñ jòi nàng rê hơ lơgar tòm mê behơ̆ taih?” Khai ho lah: “Ò di, lòi tĕ añ in lòt.”

II Yal Yau 31:10

mơ Ajaria cau gơnoar lam bồ ơn phan duh khoai, bơh di hìu nhă Jadôk, ho wơl lah: “Bơh di tŭ làng bol rơp sơntòm ơn phan ơn bol khai dê hìu duh khoai Yàng Jehôwa in, bol hi gơs tơl phan nàng sa, mơ gam tơngkah nàng prap lòi, tài bơh Yàng Jehôwa neh ai lơngai làng bol Kơnràñ in, mơ jơh ală phan do la phan gam tơngkah wơl.”

Sră Jop 21:14

Bol khai đơs mơ Yàng Tom Trồ lah: ‘Lòi tĕ dò bol hi, bol hi ò kòñ git ală gùng dà Kơnràñ dê.

Đơs Crih 10:4

Cau iơh bơsak lơh muh mat pơnhừ să đơs lah: “Yàng Tom Trồ rơp ò jòi bàn;” Jơh ală bơta kơlôi sơnơng khai dê la: “Ò gơs Yàng Tom Trồ.”

Đơs Crih 12:4

Hơ̆ la cau đơs lah: “Kơnòm di lơmpiat bol he geh pha rlau, Sơndồi bol he gơrê mơ bol he; ñcau la cau tòm bol he dê taih?”

Jơnau Pơnđik 30:9

Rngòt tŭ hòm lai añ pơndang sang Yàng, mơ lah: Yàng Jehôwa la ñcau taih? Mơ pơrlơ̆ wơl dilah añ rƀah lơòi, gen ntung kơñau, mơ lơh ƀơ̆ iơh sơnđan Yàng Tom Trồ añ jê sơl.

Esai 45:19

Añ neh ò đơs ndơp ndơr, tòm dô nơm lơgar klam jơngo. Añ ò di neh đơs mơ jơi bơtiàn Jakôp lah: ‘Bol mê jòi Añ la ò kwơ.’ Añ la Yàng Jehôwa, đơs jơnau song, bơto yal jơnau di.”

Jeremi 2:20

“Bơh lài òr Añ neh dơrpă yô mê dê, Gơltac che sreng mê dê, Mơ mê đơs lah: ‘Añ rơp ò duh broă!’ Hơđang kòp nơm dòr jơnhoa, mơ hơđơm kòp nơm chi tơlir, Mê neh kun să mơ lơh bơta dri tơlàr.

Jeremi 2:25

Kơrmap gàr tĕ jơng mê bañ lòt jơng gòi, Mơ ngko rnồng mê bañ tơhìr! Mơya mê đơs lah: ‘Hơ̆ la ò gơs gơn kơnòm! Bơh añ neh kòñ gơboh ală cau crih mat, Mơ añ rơp jat bol khai.’

Jeremi 5:5

Lòi Añ lòt tus mơ ală cau pas sơm Mơ đơs mơ bol khai, ngan bol khai git loh gùng dà Yàng Jehôwa dê, Bơta boh lam Yàng Tom Trồ bol khai dê.” Mơya, bol khai jơh ală gơlơh be dơrpă yô, mơ bol khai neh gơltac ală che cap.

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Ejekiel 14:5

nàng Añ rơp tơrgòm prap wơl nùs làng bol Israel dê, bơh bol khai neh lòt ngài bơh Añ mơ duh khoai rùp ràk.”’

Sră Ôse 13:6

Tòm tŭ Añ ròng siam bol khai, gen bol khai geh hừh nùs, bol khai geh hừh nùs, gen nùs bol khai gơlik pơnhừ să, gen tàng bol khai neh hŭi Añ.

Amôs 1:1

Do la ală jơnau Amôs dê, la dô nă tòm ală cau ê belàt tòm Tekôa, bơta khai gŏ gơwèt hơ Israel, tòm tŭ Ujia la bơtau at bồ Juda, mơ Jerôbôam, kòn klau Jôas, la bơtau at bồ Israel, bàr nam lài mơ tŭ lơnggơr ù.

Mice 6:9

Ơm iat tĕ! Jơnau Yàng Jehôwa hòi driau tòm ƀòn dờng, hơ̆ la cau jak chài pal duh rngòt dê sơnđan Kơnràñ. Ơ jơi bơtiàn mơ mpồl jơnum ơm tòm ƀòn dờng!

I Kôrintô 4:8

Oh mi neh hòm tơl rau, oh mi neh pas gơs rau, oh mi neh at bồ rau ai bol hi gen ò, ngan oh mi neh gơlik gơs bơtau nàng bol hi kung at bồ bal mơ oh mi sơl.

Yal Wơl 31:20

Tòm tŭ Añ neh cèng bol khai mut tòm lơgar bềng lìu dà toh mơ dà lơwe, la lơgar Añ neh ho mơ srat să mơ ală ồng pàng bol khai dê, mơ tòm tŭ bol khai neh sa hòm mơ lơmă rau, gen bol khai wèt mat hơ ală yàng ndai mơ duh khoai bol gơ, sền òsơp dê Añ mơ sang lòi bơta ho bal Añ jê.

Yal Wơl 32:15

Jesurun sơlo pas sơm mơya pơrlơ̆ dră; khai gơlik gơs dờng mơ lơmă, Khai sang lòi Yàng Tom Trồ la Bơtau neh crơng gơs khai mơ sền òsơp Pơnai Lŭ Bơtau Dong klàs khai dê.

Yal Wơl 32:18

Bol mê ò ơn nùs kơlôi di Pơnai Lŭ neh tơnggơs bol mê; bol mê neh hŭi Yàng Tom Trồ la Bơtau neh deh bol mê.