Jeremi 2:3 - Sră Goh 2018

³ Israel la làng bol sàng goh Yàng Jehôwa in; La plai bồ sơnam cồng nha Kơnràñ dê. Dilah cau lơi sa loan làng bol hơ̆ rơp gơkòl glài; Bơta rung rài neh tus hơđang bol khai.’” Yàng Jehôwa đơs behơ̆.

Jeremi 2:3 Mawu Ofanana

Lik Ejiptơ 22:29

Bañ òbat ơn Añ in ală phan ơn bơh di ală đam jàr bol mê dê hala bơh di ală thùng tơrnòm bol mê dê. Bol mê pal ơn Añ in kòn klau tơnhoa tòm ală kòn klau bol mê dê

Lik Ejiptơ 23:16

Bol mê pal kah prap bơta Pơjum Sa Kơnhai Toès bal mơ ală plai đo bồ sơnam gơlik bơh ală phan bol mê tùc tam tòm ƀlàng sre bol mê dê. Pơjum Sa Kơnhai Tơrgòm Prap, la tòm tŭ bol mê tơrgòm ală plai đo bơh ƀlàng sre bol mê dê.

Esai 41:11

Jơh ală cau gơhào gơjrañ di mê rơp kong ƀàssìl mơ kòl sền òsơp. Ală cau tòmdră mơ mê rơp gơlik ò kwơ mơ kong roh rui.

Esai 47:6

Añ neh gơhào gơjrañ di làng bol Añ jê, Añ lơh ƀơ̆ ƀơl sre brê Añ, Añ jào bol khai tòm tê ai dê, mơ ai ò yal tơlik bơta nđàc sơngit, Ai ơn dô nơm yô kơnjơ̆ rlau ir hơđang cau kra krồñ.

Jeremi 12:14

Yàng Jehôwa đơs be do: “Ală cau gơp ƀòn iơh Añ jê, la cau tòmpìt sre brê mơ Añ neh ai làng bol Añ in, la Israel, lơh gơs phan jơtài: Añ rơp dus bol khai bơh digùl ù tiah bol khai dê, mơ rơp dus hìu Juda bơh digùl bol khai.

Jeremi 2:4

Ơ hìu Jakôp, bal mơ jơh ală hìu nhă Israel dê, iat tĕ jơnau Yàng Jehôwa!

Jeremi 30:16

Gen tàng ală cau loan mê rơp kong loan; Jơh ală cau sò tơm mê, kòp nă rơp kong kup cèng gơs dĭ; Ală cau phà kơñau bol mê rơp kong phà kơñau, Ai ală cau ơn dòm mê, Añ kung rơp lơh khai in kong ơn dòm.’

Jeremi 50:7

Jơh ală cau lơi tìp bol gơ, gen sa loan bol gơ; ală cau sò tơm bol gơ đơs lah: ‘Bol he ò gơkòl glài, bơh bol khai neh tìs glài tòmdră mơ Yàng Jehôwa, la ƀlàng ñhơt ngan, Yàng Jehôwa la bơta gơn kơnòm ală ồng pàng bol khai dê.’

Jôel 1:3

Yal wơl tĕ bơta do ală kòn bol mê in; mơ lòi ală kòn bol mê dê yal wơl ală kòn bol khai in, mơ ală kòn bol khai dê yal wơl ală kòn sau rài tơnơ̆ bol khai in.

Amôs 6:1

Bòl glar ngan cau lơi in ơm lơngai tòm Siôn, mơ cau lơi in tồnlah geh ơm ring lơngai hơđang mơnơm Samari! Bòl glar ngan bol mê in la ală cau ryŭ ryơm khà dùl tòm ală làng bol, bơh di bol khai gơlik gơs hìu Israel geh sac rwah!

Habakuk 1:11

Lồc behơ̆ bol khai lòt gan mhar kung be càl; bol khai lơh tìs glài mơ gơlik gơs tồi glài, bơta pràn tòm bol khai dê la yàng bol khai dê.”

Sacari 1:15

Mơ Añ gơjrañ ngan gơwèt mơ ală làng bol kơlôi lah bol khai ơm ring lơngai mơ khat gơboh. Añ neh gơjrañ dô êt, mơya bol khai neh gơbơtơl bơta rung rài iơh rlau jơh.’

Sacari 2:8

Bơh Yàng Jehôwa Gơnap Gơnoar Dờng Làm Jơh đơs lah (tơnơ̆ mơ tŭ bơta gơklŏ Kơnràñ dê neh sồr tus hơ añ) pơnah ală lơgar neh phà tơnroh bol mê lah: bơh cau lơi ƀư di bol mê hơ̆ la ƀư di kòn mat Kơnràñ dê,

Khà Làng Bol 18:12

Añ ai mê in jơh mơñà ôlibe niam rlau jơh mơ jơh tơrnòm niam rlau jơh mơ kòi mbo bol khai ơn Yàng Jehôwa in, lơh gơs phan ơn bồ sơnam.

Rôma 11:16

Dilah dô sơmbat kơmbuh sơnròp geh ơn la sàng goh, gen jơh dô kơnac kơmbuh kung sàng goh sơl; mơ dilah ryas la sàng goh, gen ală ntê kung sàng goh sơl.

Rôma 16:5

Kung dan còp să Hìu Jum Goh pơjum tòm hìu bol khai. Dan còp să Epainet, la cau kòñ gơboh añ jê; khai la cau sơnròp dòn Bơtau Krist tòm kơnhwàl Asia.

Ephesô 1:4

Lài mơ tŭ crơng gơs trồ tiah Kơnràñ neh sac rwah bol he tòm Bơtau Krist, nàng bol he in geh sàng goh, ò gơs tiah geh lah pơrhơng di đap Yàng Tom Trồ.

Yal Wơl 14:2

bơh bol mê la dô nơm làng bol goh Jehôwa Yàng Tom Trồ bol mê in. Yàng Jehôwa neh sac rwah bol mê bơh digùl jơh ală làng bol hơđang plai ù nàng lơh gơs phan tòm kas màng Kơnràñ dê.

Yal Wơl 26:19

Kơnràñ neh yal tơlik lah Kơnràñ rơp lơh bol mê in geh jòng ro, geh tiơng pơnro mơ geh ki ngàm hơđang rlau mơ jơh ală làng bol mơ Kơnràñ neh lơh gơs, mơ bol mê rơp la dô nơm làng bol sàng goh Jehôwa Yàng Tom Trồ bol mê in tòm toh be Kơnràñ neh ho pơgon.

Yal Wơl 7:6

Bơh bol mê la dô nơm làng bol ơn is sàng goh Jehôwa Yàng Tom Trồ bol mê in. Jehôwa Yàng Tom Trồ bol mê dê neh sac rwah bol mê bơh digùl jơh ală làng bol ơm hơđang plai ù nàng lơh gơs làng bol Kơnràñ dê, lơh gơs phan tòm kas màng Kơnràñ dê.

Jakơ 1:18

Kơnràñ jat nùs kòñ Kơnràñ dê mơ tơnggơs bol he kơnòm dê jơnau song, tồ bol he in gơlik be plai bồ sơnam tòm ală phan Kơnràñ neh crơng gơs.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

Yal Tơlik 14:4

Ală cau hơ̆ òhềt gơs ƀơ̆ ƀơl mơ ală cau ùr, bơh bol khai gam rlùng. Belàt Kòn lòt tiah lơi gen bol khai jat tiah hơ̆. Bol khai neh geh Yàng Tom Trồ tơwài bơh digùl jơi kòn mơnus, tồ gơlik gơs ală cau sơnròp geh ơn Yàng Tom Trồ in mơ Belàt Kòn in.