Jeremi 2:28 - Sră Goh 2018

²⁸ Mơya ntềng đah ală yàng bol mê dê, bol mê neh mòn să tòm bol mê in taih? Lòi bol gơ tus, dilah bol gơ rgơi dong tă bol mê! Tòm tŭ bol mê gơtìp bơta bòl glar. Ơ Juda, bol mê gơs oă ală yàng rùp ràk, kung be bol mê gơs oă ƀòn dờng behơ̆ sơl!

Jeremi 2:28 Mawu Ofanana

II Ală Bơtau 3:13

Elise đơs mơ bơtau Israel lah: “Ñchi bơta gơs digùl añ mơ bơtau taih? Lòt tĕ hòi lùp ală cau gơnoar hwơr mè bèp bơtau dê.” Bơtau Israel ho lah: “Ò di behơ̆; bơh Yàng Jehôwa neh hòi pe nă bơtau do tus, nàng jào bol hi tòm tê Môap.”

Esai 45:20

Bol mê la ală cau gam kis bơh di ală lơgar, pơjum bal tĕ mơ tus, ală cau tùng ală rùp ràk lơh mơ chi, mơ hòi dan mơ ală yàng ò rgơi dong klàs, bol khai la ală cau ò gơs bơta git wă.

Esai 46:2

Bol khai gơpừ mơ kun tơmù bal mơ gơp; ò rgơi dong tă bơta ơnòng kơnjơ̆, bơh să tòm bol khai kung gơkòl kup cèng.

Esai 46:7

Bol khai yò ơn gơ hơđang pơnì mơ tui gơ, bol khai bơtào gơtòm tiah gơ dê, mơ gơ ntào tềng hơ̆. Bơh tềng hơ̆ gơ ò rgơi ơwañ. Dilah gơs dô nă cau hòi dan mơ gơ gen gơ ò ho wơl, gơ ò rgơi dong dô nă cau lơi klàs bơh ală bơta rung rài.

Esai 57:13

Tòm tŭ bol mê hòi dan, lòi tĕ ală rùp ràk mơ bol mê neh tơrgòm dong tă bol mê! Càl rơp cèng pơrdô jơh ală rùp ràk hơ̆, dô nhơm tă rơp khồm pơrdô bol gơ. Mơya cau lơi kìng crŭ tòm Añ rơp pơrdòn ù, mơ geh mơnơm sàng goh Añ jê lơh gơs sre brê.

Jeremi 1:16

Añ rơp yal tơnggit bơta cahrña Añ tòmdră mơ bol khai, bơh bơta iơh bol khai neh lơh; tài bơh bol khai neh sang lòi Añ, chu kơlhô ală yàng ndai in, mơ duh khoai broă tê he lơh gơs.

Jeremi 11:12

Tŭ hơ̆ làng bol Juda mơ làng bol Jerusalem rơp lik lòt hòi lùp ală yàng mơ bol khai neh òs chu kơlhô; mơya ală yàng hơ̆ rơp ò tŭ lơi dong tă bol khai tòm tŭ tìp bơta rung rài.

Jeremi 11:13

Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 30:7

Bòl glar ngan! Ngai hơ̆ cù kìr dờng ngan, Tian gơs òhềt gơs dô ngai lơi tòm toh behơ̆. Hơ̆ la tŭ bòl glar Jakôp dê! Mơya khai rơp geh dong klàs bơh bơta hơ̆.’

Jeremi 37:19

Ntềng đah ală cau gơnoar hwơr neh đơs hwơr bơtau in lah: ‘Bơtau Babilôn rơp ò tus tòmdră mơ bol mê hala tòmdră mơ tiah do ơ’?

Sră Ôse 10:1

Israel la dô tòm chi ño tơlir niam, gơlik plai gơ dê. Tòm tŭ plai khai dê sơlo bơtơl oă, khai bơt bơtào bơtơl ală cơnòng duh khoai tai; lơgar khai dê sơlo ntoat tơngguh, khai pò dờng ơnàng ală jrong duh khoai khai dê.

Habakuk 2:18

Dô nơm rùp ràk bơh dô nă cau neh mòn gơs bơta lơi kwơ taih? Dô nơm rùp duh khoai, bơto jơnau ma blac gơs kwơ lơi taih? Bơh cau neh mòn gơ dòn kơnòm di phan khai neh lơh gơs; bulah khai lơh gơs rùp ràk ò rgơi đơs.

Habakuk 2:19

Bòl glar ngan cau lơi in đơs mơ chi lah: ‘Guh tĕ!’ Hala đơs mơ lŭ ò gơs bơta kis lah: ‘Ñă ntào tĕ!’ Gơ rgơi bơto sơl? Sền tĕ, gơ neh geh ƀềp mơ màh mơ priă, mơya ò gơs dô êt lơi nhơm tă tòm gơ.

Yal Wơl 32:37

Kơnràñ rơp đơs lah: “Tŭ do ntềng đah ală yàng bol khai dê, mơ ntềng đah pơnai lŭ mơ bol khai kìng crŭ,

Ală Kwang Cahrña 10:14

Lòt tĕ rac dan mơ ală yàng bol mê neh sac rwah; lòi bol gơ dong tă bol mê tòm tŭ gơs bơta bòl glar kalke.”