Jeremi 2:26 - Sră Goh 2018

²⁶ Be dô nă cau ntung kơñau ƀàssìl, tòm tŭ gơkòl kup geh, Behơ̆ sơl hìu Israel kung rơp gơkòl ƀàssìl, Bol khai, ală cau bơtau bol khai dê, ală cau kwang bol khai dê, Ală cau gơnoar ơn phan duh khoai bol khai dê, mơ ală cau gơnoar hwơr bol khai dê, kung rơp ƀàssìl behơ̆.

Jeremi 2:26 Mawu Ofanana

Ejra 9:7

Bơh tòm ală ngai ồng pàng bol hi dê jơl tus di ngai do, bol hi neh ndơp tòm bơta tồi glài, mơ bơh ală bơta tồi glài bol hi, mơ ală cau bơtau, mơ ală cau gơnoar ơn phan duh khoai bol hi dê neh kong jào ală bơtau tòm lơgar in, tơnroh mơ đào mơ kong kup cèng, kong cau phà kơñau mơ kong ƀàssìl be neh gơs ngai do.

Đơs Crih 97:7

Jơh ală cau duh khoai rùp pac sềr rơp kòl ƀàssìl, Bol khai jòng să bơh ală rùp ràk ò kwơ; Jơh ală yàng ndai cùn khoai di đap Kơnràñ.

Esai 1:29

Đah mơ ai rơp kong ƀàssìl bơh ală tòm cha mơ ai lơh gơs tiah duh khoai, mơ la tiah ai kòñ gơboh; Ai rơp kong ƀàssìl ƀàsso tài bơh ală suơn mơ ai neh sac rwah.

Esai 44:11

Sền ne, jơh ală cau bal mơ khai rơp gơkòl tòm bơta ƀàssìl; ală cau chài lơh ală phan hơ̆ mìng la kòn mơnus lơm! Lòi jơh ală bol khai pơjum bal mơ ntào bal! Bol khai rơp gơkòl rngòt rơm să mơ ƀàssìl.

Esai 44:9

Jơh ală cau chài lơh rùp ràk la roh lơm, ală phan bol khai kòñ gơboh la ò kwơ dô êt lơi. Ală cau lơh cơng bol khai dê ò gŏ mơ kung ò git, behơ̆ bol khai rơp gơkòl tòm bơta ƀàssìl ƀàsso.

Jeremi 2:36

Ñchi bơh tài mê mhar ngan tòmgơl gùng dà mê dê. Bol mê rơp gơkòl ƀàssìl bơh Ejiptơ, kung be bol mê neh ƀàssìl bơh Asiri.

Jeremi 22:22

Jơh ală cau ê belàt bol mê rơp kong càl khồm pơrdô ngài, Ală cau kòñ gơboh mê rơp kong kup cèng pơrdô; Gen mê rơp kong bơta ƀàssìl mơ rngòt rngơt, Bơh jơh ală broă iơh mê dê.

Jeremi 32:32

tài bơh bơta iơh bơsak mơ kòn sau Israel mơ kòn sau Juda neh lơh nàng bơrcek Añ gơjrañ, bol khai, cau bơtau, kwang at bồ, cau gơnoar ơn phan duh khoai, cau gơnoar hwơr, cau Juda mơ làng bol Jerusalem sơl.

Jeremi 4:9

Yàng Jehôwa đơs: “Tòm ngai hơ̆, cau bơtau mơ ală kwang at bồ gơdô nùs; Ală cau gơnoar ơn phan duh rngòt rngơt, Ală cau gơnoar hwơr mơp dơl.”

Jeremi 48:27

Ai ngan neh òs dơñŏ tơnhial Israel. Kơlôi lah khai neh ò gơkòl kup digùl cau ntung kơñau, mơya tŭ lơi ai đơs bơh khai gen ai rtơs bồ!

Ejekiel 16:54

nàng ai kong bơta cau sền òsơp mơ bơta ƀàssìl ƀàsso bơh ală bơta ai neh lơh nàng ai bol khai in bơta pơndòm pơniang.

Ejekiel 22:26

Ală cau gơnoar ơn phan duh khoai gơ dê sang lòi bơta boh lam Añ jê mơ lơh ƀơ̆ ƀơl ală phan sàng goh Añ jê; bol khai ò cah is phan lơi la sàng goh mơ phan lơi la phan òs; bol khai kung ò bơto gơs bơta krơi is digùl phan ƀơ̆ ƀơl mơ phan sàng goh; mơ bol khai ñềm mat wèt ò kơlôi rcang hơ bơta prap gàr ală ngai Saƀat Añ jê, tian gơs lơh Añ in gơkòl sền òsơp digùl bol khai.

Sacari 5:4

Yàng Jehôwa Gơnap Gơnoar Dờng Làm Jơh đơs lah: “Añ rơp sồr sră lòt mơ gơ rơp mut tòm hìu cau ntung kơñau, mơ tòm hìu cau ai sơnđan Añ mơ srat să blac. Gơ rơp ơm tòm hìu hơ̆ mơ tơnroh hìu hơ̆, jơh ală chi mơ lŭ gơ dê.”

Rôma 6:21

Behơ̆ ală broă oh mi neh lơh lài òr gen ñchi cồng nha geh taih? Mơ tŭ do lơh oh mi in ƀàssìl, lồi dut ală broă hơ̆ dê la bơta chơt.