Jeremi 2:25 - Sră Goh 2018

²⁵ Kơrmap gàr tĕ jơng mê bañ lòt jơng gòi, Mơ ngko rnồng mê bañ tơhìr! Mơya mê đơs lah: ‘Hơ̆ la ò gơs gơn kơnòm! Bơh añ neh kòñ gơboh ală cau crih mat, Mơ añ rơp jat bol khai.’

Jeremi 2:25 Mawu Ofanana

II Yal Yau 28:22

Tòm tŭ tìp bơta bòl glar jê sồt, bơtau Aca neh gơlik ò dòn song rlau tai mơ Yàng Jehôwa.

II Yal Yau 28:23

Khai ơn ală phan ơn duh khoai ală yàng Damas in la yàng neh lơh khai in kong alah; bơh khai kơlôi lah: “Tài bơh ală yàng cau Aram dê neh dong kòl bol khai, gen añ ơn phan ơn duh khoai ală yàng hơ̆ nàng ală yàng hơ̆ rơp dong kòl añ.” Mơya ală yàng hơ̆ la bơta roh rui khai in mơ jơh Israel.

Esai 2:6

Yàng neh sang lòi làng bol Kơnràñ dê la hìu Jakôp, lơgar bềng lìu ală bơta juh proh bơh đah mattơngai lik, òs sền dà kung be cau Philistin, mơ at tê tòmsòr bal mơ ală cau làng bol bơdìh.

Esai 57:10

Bol mê neh bòl glar bơh lòt gùng ngài, mơya bol mê neh ò đơs lah: “Hơ̆ la ò kwơ.” Bol mê neh bàn wơl bơta kơp kòñ bol mê dê, behơ̆ tàng bol mê rơp ò gơkòl lơbơn lơño.

Jeremi 13:21

Ñchi ai rơp đơs tòm tŭ bol khai geh at bồ hơđang ai, la ală cau mơ ai neh bơto Lơh gơs cau dô bă bal mơ ai? Bơta jê sồt rơp ò sơmbat kup ai, Kung be cau ùr jê deh ơ?

Jeremi 13:22

Mơ dilah ai đơs is tòm nùs ai lah: “Ñchi bơh tài bơta do neh gơlik tus añ in taih?” Hơ̆ la bơh tồi glài dờng ngan ai dê, Gen tàng ồi mbơn ai kòl pò hơđang, Mơ ai kong jê sồt iơh rmơh ngan.

Jeremi 14:10

Yàng Jehôwa đơs bơh làng bol do be do: “Ngan bol khai kòñ gơboh lòt gơlềng gơlàng, Bol khai ò kơryan jơng he, Gen tàng Yàng Jehôwa ò bài dòp bol khai. Tŭ do Kơnràñ kah wơl bơta tìs glài bol khai dê Mơ lơh glài tơmàl tồi glài bol khai dê.”

Jeremi 18:12

Mơya bol khai đơs lah: ‘Hơ̆ la bơta ò kwơ! Bol hi kư̆ jat bơta rơndap bol hi dê; mơ kòp nă tòm bol hi rơp lơh jat bơta kră kơldang nùs iơh bol hi dê.’”

Jeremi 2:31

Ơ jơi bơtiàn bol mê! Sền nền tĕ jơnau Yàng Jehôwa đơs: Añ la dô nơm ƀlàng ngềt ngơt, hala dô bă ù tiah klam jơngo cik gơwèt hơ làng bol Israel ơ? Behơ̆ gen ñchi bơh tài làng bol Añ đơs lah: ‘Bol hi geh khat gơboh, Bol hi rơp ò tus mơ Kơnràñ tai’?

Jeremi 22:20

Guh tĕ hơ Liban mơ driau, Ai jơnau driau nggà tòm Basan; Driau tĕ bơh mơnơm Abarim! Bơh jơh ală cau kòñ gơboh mê neh kong jă tơnlề.

Jeremi 22:21

Añ neh đơs mơ mê tòm tŭ mê ơm tòm bơta bơtoah bơtoài; mơya mê đơs lah: ‘Añ ò bài iat.’ Do la gùng dà mê bơh tŭ kơnòm să, Mê neh ò dòn jơnau Añ.

Jeremi 3:13

‘Mìng mê pal dòp git tồi glài mê dê, Mê neh pơrlơ̆ dră mơ Jehôwa Yàng Tom Trồ mê dê; Mê neh lòt nrah nring digùl ală yàng ndai hơđơm kòp nơm chi tơlir, Mơ ò lơh jat jơnau Añ.’” Yàng Jehôwa đơs behơ̆.

Jeremi 44:17

Mơya bol hi ngan rơp lơh wil tơl ală jơnau neh lik bơh bơr bol hi, rơp chu kơlhô mơ ơn phan ơn ưnngài yàng ùr hơđang trồ, kung be bol hi bal mơ ồng pàng bol hi, cau bơtau, cau kwang at bồ bol hi neh lơh tòm ală ƀòn Juda dê mơ tòm ală gùng ƀòn dờng Jerusalem; Tài bơh tŭ hơ̆ bol hi gơs ƀañ nàng sa hòm să he, geh lơngai, ò gŏ rung rài lơi.

Ñìm Rac 1:2

Khai ñìm rac sràt bơtang tòm trồ mang, dà mat hòr hơđang tơrmồ khai dê. Digùl ală cau khai kòñ gơboh ò gơs cau lơi pơndòm pơniang khai. Jơh ală cau bơyô khai dê tòmdră wơl mơ khai, bol khai gơlik gơs ală cau sò tơm khai dê.

Ñìm Rac 4:4

Lơmpiat kòn se gơđềt tòm dò, rnồng khai tơhìr dà. Kòn dềt dan phan sa, mơya ò gơs cau lơi ai bol khai in dô êt lơi.

Ejekiel 20:32

Gơs bơta lơi bol mê kơlôi tòm dơngoh rơp ò gơlik gơs, bol mê đơs lah: “Lòi bol hi gơlik ndròm be ală lơgar mơ ală làng bol tòm dunnia duh khoai chi mơ lŭ.”’

Sră Ôse 2:3

Dilah ò gen Añ rơp hồ tă jơh ồi ào khai dê, lòi khai ơm kuh be ngai khai pa deh; Añ rơp lơh khai in gơlik gơs be ƀlàng ngềt ngơt, be ù rañ rsơh, mơ lòi khai in chơt tơhìr.

Sră Ôse 2:5

Ngan behơ̆, mè bol khai dê neh lơh dri tơlàr, mơ bun deh bol khai tòm bơta ƀàssìl ƀàsso. Bơh khai đơs lah: ‘Añ rơp lòt jat ală cau klau añ kòñ gơboh la ală cau ai añ in phan sa dà hùc, sơnò belàt mơ bài, mơñà mơ tơrnòm.’

Malaci 3:14

Bol mê neh đơs lah: ‘Duh broă Yàng Tom Trồ la ò kwơ. Ñchi bol he neh dòp geh tòm tŭ prap gàr ală bơta Kơnràñ sồr mơ cơnđòa lòt tòm bơta jê sồt moat jrùng di đap Yàng Jehôwa Gơnap Gơnoar Dờng Làm Jơh taih?

Luka 15:22

Mơya cau bèp đơs mơ ală cau dĭ lah: ‘Cèng tĕ mhar ào jrùh niam rlau jơh tơnsoh khai in, tơndò sơmbiat di ràs tê, ai khŏ tơnjă di jơng.

Luka 16:24

Cau pas sơm hòi driau lah: ‘Abraham ơ bèp, dan nđàc sơngit di añ, sồr ƀà Lasarơ iurŭ ràs tê tòm dà nàng lơh mrềt lơmpiat añ in, bơh añ kòl pơnjê pơngkồr oă ir tòm ồs do.’

Rôma 8:24

Bơh bol he neh geh dong klàs tòm bơta gơn kơnòm; mơya tòm tŭ cau neh gŏ bơta he gơn kơnòm rau, behơ̆ ò di la bơta gơn kơnòm tai: Bơh ñcau gam gơn kơnòm bơta he neh gŏ rau taih?

Yal Wơl 28:48

gen tàng tòm ngai jơgloh mơ tơhìr, ơm kuh mơ dồn sa rƀah, bol mê rơp duh broă ală cau sò tơm mơ Yàng Jehôwa neh sồr tus tòmdră mơ bol mê. Kơnràñ rơp ơn dô nơm yô mơ lòs di ngko bol mê dê jơl tus di tŭ Kơnràñ neh tơnroh bol mê.

Yal Wơl 32:16

Bol khai lơh Kơnràñ in ƀoah pơrñat bơh ală yàng lơgar ndai, mơ lơh Kơnràñ in gơjrañ mañ bơh ală broă iơh rmơh.