Jeremi 2:2 - Sră Goh 2018

² Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Jeremi 2:2 Mawu Ofanana

Đơs Crih 129:1

Lòi Israel đơs lah: “Bơh tòm tŭ añ gam pơnu bol khai òs sò tơm sùm di añ, mơya bol khai ò geh pha rlau mơ añ,

Lik Ejiptơ 14:31

Mơ tòm tŭ cau Israel neh gŏ gơnap gơnoar dờng Yàng Jehôwa dê tòmdră mơ cau Ejiptơ, gen làng bol rngòt di Yàng Jehôwa, dòn kơnòm di Kơnràñ mơ di Môise la cau duh broă Kơnràñ dê.

Lik Ejiptơ 16:8

Môise kung đơs lah: “Bol mê rơp git hơ̆ la Yàng Jehôwa tòm tŭ Kơnràñ ai poac bol mê in sa tòm trồ mho, mơ jơh ală piang lă bol mê kòñ gơs tòm àng drim, bơh Kơnràñ neh kơno bol mê yoam tòmdră mơ Kơnràñ rau. Bol hi la ñcau taih? Bol mê ò di yoam tòmdră mơ bol hi ò, mơya la yoam tòmdră mơ Yàng Jehôwa.”

Jơnau Pơnđik 1:20

Bơta jak chài ai jơnau đơs dờng đah bơdìh ƀòn, Ai sap đơs dờng tòm ală ƀlàng dờng tiah pơjum làng bol.

Đơs Chò 3:11

Ơ ală kòn ùr Siôn, lik lòt tĕ sền bơtau Salômôn, sơgơn bơtau mơ mè khai neh tơndau khai in, tòm ngai tòmbau khai, tòm ngai nùs khai hòn chò.

Đơs Chò 3:6

Cau ne la ñcau, tus bơh tòm ƀlàng ngềt ngơt, be jrong ñhŭ, ƀô bơlhu cài trŭ mơ kơlhô, bal mơ ală kơmbuh chi ƀô bơlhu cau kă bro dê taih?

Esai 58:1

“Driau dờng tĕ, bañ dơh wơl. Yò tơngguh tĕ sap mê dê be dô nơm kơlwòk. Yal tơnggit tĕ làng bol Añ in bơh bơta tòmdră bol khai dê, mơ hìu Jakôp in bơh ală bơta tồi glài bol khai dê.

Jeremi 11:6

Mơ Yàng Jehôwa đơs mơ añ lah: “Yal tơlik tĕ ală jơnau do tòm ală ƀòn dờng Juda dê mơ tòm ală gùng Jerusalem dê lah: ‘Iat tĕ ală jơnau ho bal do mơ lơh jat.’

Jeremi 19:2

mơ lòt tus tòm thòng kòn klau Hinôm, rềp gùng mut tòm Mpồng Ù Glah; tềng hơ̆, yal tĕ ală jơnau Añ rơp đơs mơ mê.

Jeremi 2:1

Gơs jơnau Yàng Jehôwa đơs mơ añ lah:

Jeremi 2:6

Bol khai ò tŭ lơi lùp: ‘Ntềng đah Yàng Jehôwa taih? La Bơtau neh cèng bol hi lik bơh lơgar Ejiptơ, Bơtau neh lam bol hi tòm ƀlàng ngềt ngơt, Tòm dô bă tiah ƀlàng bràs mơ ală trồm tơrluh, Tòm dô bă tiah ro rañ mơ klam jơngo cik, Tòm dô bă tiah ò gơs dô nă cau lơi lòt gan, tiah ò gơs dô nă cau lơi ơm?’

Jeremi 3:4

Bơh do jơl hìng nau mê rơp ò hòi di Añ lah: ‘Ơ bèp añ, Kơnràñ la cau bơyô añ jê, tŭ añ gam kơnòm să,

Jeremi 7:2

“Ntào tĕ di đap mpồng hìu Yàng Jehôwa, mơ tềng hơ̆ yal tơlik tĕ jơnau do mơ đơs lah: ‘Iat tĕ jơnau Yàng Jehôwa dê, ơ jơh tơl nă bol mê la cau Juda, la ală cau mut bơh mpồng do nàng duh khoai Yàng Jehôwa.

Ejekiel 16:22

Tòm jơh ală broă lơh cù kìr mơ bơta dri tơlàr dê, ai ò kah wơl ală ngai tòm tŭ ai gam kơnòm să, tòm tŭ ai ơm kuh lòi rồ mơ wañ tòm mhàm.’

Ejekiel 16:60

Bulah behơ̆, Añ rơp kah wơl bơta ho bal Añ neh bơtào mơ ai tòm ngai ai gam kơnòm să, mơ Añ rơp bơtào mơ ai dô bơta ho bal gam sùm sùm.

Ejekiel 16:8

Añ lòt gan ai tai mơ sền di ai, ai neh di tŭ git kòñ gơboh. Añ lă mum ào jrùh Añ jê hơđang ai, jơm să kuh ai dê. Añ ai să tòm Añ ho pơgon mơ ai mơ bơtào dô bơta ho bal mơ ai gen ai gơrê bal mơ Añ,’ Jehôwa Yàng Tom Trồ đơs behơ̆.

Ejekiel 23:19

Bulah behơ̆, khai neh sơlo bơtơl oă bơta dri tơlàr bung jang khai dê tòm tŭ khai kah wơl ală ngai khai gam ơruh, tòm tŭ khai la ùr dri tòm lơgar Ejiptơ.

Ejekiel 23:3

Bol khai lơh dri tòm Ejiptơ, lơh dri bơh tŭ gam ơruh. Tềng hơ̆, toh bol khai neh cau at mơ hìu kòn bol khai dê neh cau git.

Ejekiel 23:8

Khai ò sang bơta dri tơlàr mơ khai neh rơp sơntòm bơh tòm Ejiptơ, tòm tŭ khai gam ơruh gơs cau bic mơ khai, tơnroh bơta sơmpiat cau ơruh dê, mơ tuh tơlik bơta dri tơlàr bol khai dê hơđang khai.

Sră Ôse 11:1

“Tòm tŭ Israel gam la cau kơnòm, Añ neh kòñ gơboh khai; Añ hòi kòn klau Añ jê lik bơh Ejiptơ.

Sră Ôse 2:15

Añ rơp jào wơl ală suơn ño khai in, mơ rơp lơh thòng Akôr gơlik gơs dô nơm mpồng gơn kơnòm. Tềng hơ̆ khai rơp đơs chò kung be tòm ngai khai gam kơnòm să, mơ kung be tòm ngai khai lik klàs bơh lơgar Ejiptơ.

Sră Ôse 2:17

Bơh Añ rơp tă tơlik ală sơnđan Baal bơh di bơr khai, ò gơs cau lơi hòi di ală sơnđan bol gơ dê tai.

Sră Ôse 2:7

Khai rơp ting jat ală cau klau khai tòmtir, ting mơya ò bàn: khai rơp jòi jat bol khai, mơ jòi ò gŏ. Gen khai rơp đơs lah: ‘Añ rơp rê wơl hơ bau klau sơnròp añ jê, bơh tŭ hơ̆ añ geh lơngai lơngò rlau mơ tŭ do.’

Sră Ôse 8:1

Ơn tĕ kơlwòk di sơndồi mê! Cau sò tơm gơlơh be klàng bung neh tus hơđang hìu Yàng Jehôwa dê, tài bơh bol khai neh sang lòi bơta ho bal Añ jê, mơ neh lòt rlau ir mơ bơta boh lam Añ jê.

Sră Ôse 9:10

Tòm tŭ Añ jòi bàn Israel, kung be jòi bàn tơrkum plai ño tòm ƀlàng ngềt ngơt; tòm tŭ Añ gŏ ală ồng pàng bol mê dê, gen kung be gŏ plai chi ƀal gơlik plai sơnròp tòm bồ sơnam. Mơya bol khai neh lòt tus hơ Baal Pheô, bol khai ơn să tòm bol khai rùp ràk ƀàssìl ƀàsso in, mơ gơlik gơs cù kìr kung be phan mơ bol khai neh kòñ gơboh.

Jôna 1:2

“Lòt tĕ mo tus hơ ƀòn dờng Ninibe mơ bơto tòmdră mơ gơ, bơh bơta iơh bơsak gơ dê neh guh tus di đap Añ.”

Mathiơ 11:15

Cau lơi gơs tồr gen iat tĕ.

Luka 12:13

Gơs dô nă cau tòm mpồl làng bol đơs mơ Yàng Jesu lah: “Ơ Cau Bơto, dan sồr bi añ tòmpà phan jơtài añ in, mơ mè bèp neh lòi wơl bol he in.”

Yal Wơl 2:7

Jehôwa Yàng Tom Trồ bol mê dê neh ai lơngai bol mê in tòm jơh ală broă tê bol mê neh lơh. Kơnràñ neh sền gàr gùng dà bol mê dê lòt gan ƀlàng ngềt ngơt dờng ơnàng do. Tòm poan jơt nam do Jehôwa Yàng Tom Trồ bol mê dê neh ơm bal mơ bol mê, mơ bol mê ò siơ̆u phan lơi ò.’

Yal Wơl 33:3

Di ngan Kơnràñ kòñ gơboh di làng bol; jơh ală cau sàng goh ơm tòm tê Kơnràñ dê; di jơng Kơnràñ jơh tơl nă bol khai cùn khoai, mơ bơh di Kơnràñ bol khai dòp geh jơnau bơto tơnggit.

Yal Wơl 8:2

Kah tĕ mbe Jehôwa Yàng Tom Trồ bol mê dê neh tề lam bol mê tòm jơh gùng dà tòm ƀlàng ngềt ngơt tòm poan jơt nam neh rlau, nàng tơnliah să bol mê, lòng bol mê nàng git ñchi bơta neh gơs tòm nùs bol mê dê, sền bol mê rơp prap gàr ală jơnau gơnoar sồr Kơnràñ dê hala ò.

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.

Yal Tơlik 2:4

Mơya bơta Añ ò bài mê, la mê neh sang lòi bơta kòñ gơboh mê neh gơs bơh sơnròp.