Jeremi 2:19 - Sră Goh 2018

¹⁹ Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 2:19 Mawu Ofanana

I Ală Bơtau 18:18

Eli ho lah: “Ò di añ lơh sơlồng sơlàng Israel; mơ la bơtau mơ hìu bèp bơtau dê, tài bơh bơtau neh sang lòi bơta sồr lam Yàng Jehôwa dê, mơ neh lòt jat Baal.

II Yal Yau 12:5

Gen cau gơnoar hwơr Semayah lòt tus hơ bơtau Rôbôam mơ ală cau kwang at bồ tòm Juda, neh pơjum bal tòm Jerusalem tài bơh Sisak, mơ đơs mơ bol khai lah: “Yàng Jehôwa đơs be do: ‘Bol mê neh sang lòi Añ; gen tàng Añ sang bol mê tòm tê Sisak.’”

II Yal Yau 21:10

Behơ̆ cau Edôm kư̆ bơtào tòmdră di bơta at bồ cau Juda dê jơl tus di ngai do. Kung tòm tŭ hơ̆, Lipna bơtào tòmdră bơtau at bồ khai dê, tài bơh Jehôram neh sang lòi Jehôwa Yàng Tom Trồ ală ồng pàng khai dê.

II Yal Yau 25:16

Tòm tŭ cau gơnoar hwơr ơm đơs, cau bơtau đơs mơ khai lah: “Bol hi neh pồ bơtào mê lơh gơs dô nă cau bơto sơnio cau bơtau in sơl ơ? Ơm tĕ mŏ mŏ! Ñchi bơh tài mê kòñ chơt taih?” Behơ̆ cau gơnoar hwơr ơm ò đơs tai, mơya đơs bơtơl lah: “Añ git la Yàng Tom Trồ neh lơh nền tơnroh bơtau, tài bơh bơtau neh lơh ală bơta do mơ ò bài iat jơnau bơto tơngkah añ jê.”

Đơs Crih 36:1

Bơta tồi glài đơs tòm nùs cau iơh bơsak dê; Ò gơs tŭ lơi khai duh rngòt di Yàng Tom Trồ.

Lik Ejiptơ 33:6

Behơ̆, di mơnơm Hôrep làng bol Israel neh hồ tă ală phan bơka să bol khai dê.

Jơnau Pơnđik 1:31

Behơ̆ tàng bol khai rơp sa plai đo gơlik bơh gùng dà bol khai dê, Mơ geh hừh nùs bơh kai gơrmơ̆i să tòm bol khai dê.

Jơnau Pơnđik 1:32

Bơh bơta kơldang nùs tơnchơt ală cau ƀă liă, Mơ bơta ai lơh tơl cau bơrngơl gơla dê rơp tơnchơt bol khai.

Jơnau Pơnđik 5:22

Ală cau iơh bơsak rơp kòl tồi glài bol khai dê kup bol khai kung be yar dă; Mơ bol khai kòl kơt bơh bơta bòl glar ală tồi glài bol khai dê.

Esai 3:9

Muh mat bol khai lơh cơng tòmdră wơl mơ bol khai; bol khai ràng tơlik tồi glài bol khai dê be Sôdôm neh lơh; bol khai ò rgơi pồn gơ. Bòl glar bol khai in! Bơh bol khai neh cèng bơta rung rài hơđang să tòm bol khai.

Esai 5:5

Tŭ do, Añ rơp yal bol mê in bơta Añ rơp lơh di suơn ño Añ jê: Añ rơp tă sang pơnggàr gơ dê, mơ gơ rơp kong sa loan; Añ rơp sòr tơrlah dơrñang gơ dê, mơ gơ rơp kong jă trơm.

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Jeremi 1:16

Añ rơp yal tơnggit bơta cahrña Añ tòmdră mơ bol khai, bơh bơta iơh bol khai neh lơh; tài bơh bol khai neh sang lòi Añ, chu kơlhô ală yàng ndai in, mơ duh khoai broă tê he lơh gơs.

Jeremi 13:22

Mơ dilah ai đơs is tòm nùs ai lah: “Ñchi bơh tài bơta do neh gơlik tus añ in taih?” Hơ̆ la bơh tồi glài dờng ngan ai dê, Gen tàng ồi mbơn ai kòl pò hơđang, Mơ ai kong jê sồt iơh rmơh ngan.

Jeremi 2:17

Ò di bol mê neh cèng bơta hơ̆ tus hơđang să tòm bol mê in, Bơh neh sang lòi Jehôwa Yàng Tom Trồ mê, Tŭ Kơnràñ neh lam bol mê tòm gùng lòt ơ?

Jeremi 3:22

“Ơ kòn sau pơrlơ̆ dră, rê wơl tĕ! Añ rơp sơm bơta ò dòn song bol mê dê.” Bol mê đơs lah: “Do, bol hi rê wơl mơ Kơnràñ, Bơh Kơnràñ la Jehôwa Yàng Tom Trồ bol hi dê.

Jeremi 4:18

“Hơ̆ la ală gùng dà mơ broă lơh mê dê Neh cèng bơta do hơđang bol mê. Hơ̆ la pơnah mê dê, sràt bơtang ngan, gơ neh tus hơ kòp nơm nùs bol mê dê.”

Jeremi 5:22

Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Jeremi 5:24

Bol khai ò đơs tòm nùs lah: ‘Bol he duh rngòt tĕ Jehôwa Yàng Tom Trồ he Hơ̆ la Bơtau ai mìu jat kơnhai sơnam Ai mìu bồ sơnam mơ mìu lồi sơnam, Mơ prap gàr bol he in Prap lòi ală poh lơh nền kơnhai toès in.’

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Jeremi 7:19

Yàng Jehôwa đơs: “Añ la cau bol khai bơrcek di sơl? Hơ̆ ò di să tòm bol khai, cèng wơl bơta jê sồt bol khai in ò ơ?”

Jeremi 8:5

Behơ̆ ñchi bơh tài làng bol kư̆ dô ngài? Tòm bơta kư̆ tìs wơl sùm sùm ơ? Bol khai sơmbat prap bơta blac chừt, Bol khai ò bài rê wơl.

Ejekiel 23:30

neh cèng tus bơta do ai in, tài bơh ai neh lơh dri mơ ală làng bol mơ lơh ƀơ̆ ƀơl să tòm ai dê bơh ală rùp ràk bol khai dê.

Ejekiel 39:24

Añ neh lơh gơwèt mơ bol khai jat be bơta ƀơ̆ ƀơl mơ tồi glài bol khai dê, mơ Añ neh pồn ndơp mat Añ bơh di bol khai.”

Sră Ôse 11:7

Làng bol Añ jê neh kun pơrlac ngài bơh Añ. Bulah bol khai hòi tus hơ Bơtau Hơđang Rlau Jơh; Mơya Kơnràñ kung ò yò bol khai guh.

Sră Ôse 13:9

Ơ Israel, Añ rơp tơnroh mê, ñcau rơp dong kòl mê taih?

Sră Ôse 14:1

Ơ Israel, rê wơl tĕ hơ Jehôwa Yàng Tom Trồ mê dê, hơ̆ la tài bơh tồi glài mê dê neh lơh mê in gơplơ̆ gơpừ.

Sră Ôse 4:16

Bơh Israel kơldang bồ kung be dô nơm kơnrồ dra kơldang bồ, gen mbe Yàng Jehôwa rgơi ròng siam bol khai kung be belàt kòn tòm ƀlàng ñhơt taih?

Sră Ôse 5:5

Bơta pơnhừ să Israel dê lơh cơng tòmdră wơl mơ bol khai, Epraim gơpừ tòm tồi glài bol khai dê; Juda kung gơplơ̆ bal mơ bol khai sơl.

Sră Ôse 7:2

Mơya bol khai ò git sền sơwì lah Añ kah jơh ală broă lơh iơh bơsak bol khai dê. Broă lơh bol khai dê gơrwàng bol khai; bol gơ ơm sùm di đap Añ.

Sră Ôse 9:1

Ơ Israel bañ hòn chò; bañ chò hòp be ală làng bol ndai; Bơh mê neh lơh dri tơlàr mơ sang lòi Yàng Tom Trồ mê dê. Mê kòñ gơboh jền tơngai dô nă cau ùr dri tơlàr dê tòm kòp nơm làn pơrjòt kòi.

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Mice 1:5

Jơh ală bơta hơ̆ tài bơh bơta tìs glài Jakôp dê, mơ tài bơh ală bơta tồi glài hìu Israel dê. Bơta tìs glài Jakôp dê la ñchi taih? Hơ̆ ò di la Samari ò ơ? Tiah jơnhoa hơđang Juda dê la ñchi taih? Hơ̆ ò di la Jerusalem ò ơ?

Sacari 7:11

Mơya bol khai ò bài ơn nùs tồr, mơ wèt ngkòi kră kơldang, mơ sềt tồr ò bài iat.

Rôma 3:18

“Ò gơs bơta duh rngòt Yàng Tom Trồ ơm di đap mat bol khai.”

Ală Kwang Cahrña 10:13

Mơya bol mê neh sang lòi Añ mơ neh duh khoai ală yàng ndai, gen tàng Añ ò dong tă bol mê tai.