Jeremi 2:15 - Sră Goh 2018

¹⁵ Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

Jeremi 2:15 Mawu Ofanana

Sră Jop 4:10

Bơta ơluh ơhùm klìu triă dê, sap ơluh ơhùm klìu triă jàñ bơsak dê, Mơ sề klìu triă brồ dam dê neh pă.

Đơs Crih 57:4

Añ bic digùl ală klìu triă, Hơ̆ la phan sa loan poac kòn mơnus; Bol gơ gơs sề be ală tà mơ ală kam, Mơ lơmpiat bol gơ be đào sồt.

Esai 1:7

Lơgar bol mê dê kong sang lòi ngềt ngơt, ală ƀòn dờng bol mê dê kong chu mơ ồs; di đap mat bol mê cau lơgar bơdìh tòmpìt ù tiah bol mê dê, gơkòl sang lòi ngềt ngơt be tòm tŭ ală cau làng bol bơdìh lơh gơprah gơpring.

Esai 24:1

Tŭ do, Yàng Jehôwa rơp lơh plai ù in srau gòi, mơ lơh gơ in gơkòl sang lòi ngềt ngơt; Kơnràñ lơh plai ù in gơtòmgơl rùp să, mơ lơh làng bol ơm tòm gơ gơprah gơpring.

Esai 5:29

Bol khai ơluh ơhùm be klìu triă, bol khai ơluh ơhùm kung be klìu triă brồ dam, bol khai ơluh ơhùm tòm tŭ kup geh phan mòc mơ cèng lòt, ò gơs dô nă cau lơi rgơi dong tă.

Esai 5:9

Yàng Jehôwa Gơnap Gơnoar Dờng neh srat să di tồr añ lah: “Ngan gơs oă hìu rơp lòi srau gòi, ală hìu dờng hàng mơnĕ rơp ò gơs cau ơm.

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Jeremi 10:22

Iat tĕ, dô sap đơs! Iat tĕ, gơ neh tus, gơs bơta nggồr nggàc dờng tus bơh đah đang, lơh ală ƀòn Juda dê gơlik gơs tiah lòi srau, gơlik gơs trồm so rhau ơm.

Jeremi 25:30

“Gen tàng mê ai tĕ ală jơnau do đơs hwơr tòmdră mơ bol khai, mơ đơs lah: ‘Yàng Jehôwa rơp rơnđơh bơh hơđang; Bơh tiah ơm sàng goh Kơnràñ tơlik sap đơs; Kơnràñ rơp rơnđơh pràn ngan tòmdră mơ mpồl belàt; Ai jơnau driau kung be ală cau pat plai ño, Tòmdră mơ jơh ală làng bol tòm plai ù.

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 26:9

Ñchi bơh tài mê ai sơnđan Yàng Jehôwa mơ đơs hwơr lah: ‘Hìu do rơp gơlik gơs kung be Silô, ƀòn dờng do rơp lòi srau mơ ò gơs cau ơm taih’?” Tŭ hơ̆ jơh làng bol gơrwàng gùt dar Jeremi tòm hìu Yàng Jehôwa.

Jeremi 33:10

Yàng Jehôwa đơs be do: ‘Tòm tiah do bol mê neh đơs: “Hơ̆ la dô bă tiah srau gòi; ò gam gơs cau ơm, kung ò gơs phan poan jơng;” tòm ală ƀòn cau Juda, mơ ală gùng ƀòn dờng Jerusalem dê, hơ̆ la ală tiah neh kong sang lòi ngềt ngơt, ò gơs cau ơm, ò gơs làng bol ơm, kung ò gơs phan poan jơng,

Jeremi 34:22

Yàng Jehôwa đơs: ‘Añ rơp ai gơnoar sồr mơ lơh bol khai in rê wơl hơ ƀòn do; bol khai rơp lơh, rơp tòmpìt ai, mơ ai ồs chu pơrguc gơ. Añ rơp lơh ală ƀòn Juda gơlik gơs tiah sang lòi ngềt ngơt, ò gơs làng bol ơm.’”

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Jeremi 50:17

Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Jeremi 51:38

Bol khai rơp dô bă bal ơluh ơhùm kung be klìu triă brồ dam, Ơhùm kung be klìu triă kòn.

Jeremi 6:8

Ơ Jerusalem, dòp tĕ bơta bơto tơnggit, hala Añ rơp sang lòi ai tòm ngkòr ngkàc, Mơ lơh ai in gơlik gơs tiah rhàng srau, dô bă tiah ò gơs cau ơm.”

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Ejekiel 36:3

Gen tàng, đơs hwơr tĕ mơ đơs lah: “Jehôwa Yàng Tom Trồ đơs be do: ‘Tài bơh bol khai ngan neh phà tơnroh mơ sò tơm bol mê bơh kòp đah tồ lơh bol mê in gơlik gơs phan tòm gơrê bal mơ ală làng bol gam wơl tòm ală lơgar, mơ gơlik gơs phan đơs bơrsèl tơnhial mơ bơtat bơtròh digùl ală làng bol,’

Ejekiel 5:14

Rlau tai Añ rơp lơh mê in tơrlah tơrling mơ kong lah pơrhơng tòm ală lơgar gùt dar mê, di đap mat jơh ală cau lòt gan.

Sră Ôse 11:10

Bol khai rơp lòt jat Yàng Jehôwa, Kơnràñ rơp ơluh ơhùm be klìu triă: tòm tŭ Kơnràñ ơluh, ală kòn sau Kơnràñ dê rơp bơh đah mattơngai mut rơm să rngòt mơ tus.

Sră Ôse 5:14

Bơh Añ rơp kung be dô nơm klìu triă gơwèt hơ Epraim, dô nơm klìu triă brồ dam gơwèt hơ hìu Juda. Să tòm Añ rơp crè bol khai mơ lòt ngài; Añ rơp cèng pơrdô bol khai, mơ ò gơs dô nă cau lơi rơp dong tă.

Amôs 3:12

Yàng Jehôwa đơs be do: “Be cau ê belàt mìng tă bàr đah nơm jơng hala dô nơm tồr bơh di bơr klìu triă, behơ̆ ală làng bol Israel la ală cau ơm tòm Samari rơp geh dong tă di mum cơnòng jòng hala di gah cơnòng bic bol khai dê.

Amôs 3:4

Dô nơm klìu triă ơluh tòm brê tòm tŭ gơ ò kup geh phan sa sơl? Dô nơm klìu triă brồ dam ơhùm tòm trồm lŭ gơ dê dilah gơ ò geh kup phan lơi sơl?

Amôs 3:8

Tòm tŭ klìu triă ơluh ơhùm gen ñcau rơp ò rngòt taih? Tòm tŭ Jehôwa Yàng Tom Trồ neh đơs gen ñcau rgơi ò đơs hwơr taih?

Nahum 2:11

Tŭ do ntềng đah rgồng klìu triă, la tiah mơ klìu dềt geh pà sa, la đah klìu triă dam, klìu me mơ klìu kòn lòt rê, mơ ò gơs bơta lơi lơh gơ in pal rngòt, tŭ do ntềng đah trồm hơ̆ dê taih?

Sôphôni 1:18

Bulah priă hala màh bol khai dê kung ò rgơi dong klàs bol khai tòm ngai gơjrañ dờng Yàng Jehôwa dê. Jơh plai ù rơp kong chu pơrguc tòm ồs pơrñat; bơta gơjrañ dờng Yàng Jehôwa dê; bơh Kơnràñ rơp pơndut jơh dô bă rngòt rngơt jơh làng bol kis hơđang plai ù.”

Sôphôni 2:5

Bòl glar ngan làng bol in ơm di gah dàlềng, hơ̆ la làng bol Keret! Ơ Kanaan, ù tiah làng bol Philistin; Gơs jơnau Yàng Jehôwa tòmdră mơ mê, “mơ Añ rơp tơnroh mê jơl tus ò gam dô nă cau lơi.”

Sôphôni 3:6

Añ neh tơnroh ală làng bol, ală theng kơ̆ cê bol khai dê neh kòl tơnroh. Añ neh lòi ală gùng bol khai dê ngềt ngơt, gen tàng ò gơs cau lơi lòt tềng hơ̆. Ală ƀòn dờng bol khai dê neh kong tơnroh; ò gơs làng bol, ò gơs cau ơm.

Sacari 11:3

Iat tĕ jơnau pơt wòl ală cau ê belàt dê; bơta gơklŏ bol khai dê gơkòl lơh gơprah; Iat tĕ sap ơluh ơhùm ală klìu triă dê; ală rlau chi Jordan dê neh kòl tơnroh!

Ală Kwang Cahrña 14:5

Gen Samsôn mù hơ Thimna bal mơ mè bèp khai. Tòm tŭ bol khai tus rềp hơ ală suơn ño Thimna dê, nisơna gơs dô nơm klìu triă ơhùm di khai.