Jeremi 2:13 - Sră Goh 2018

¹³ “Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Jeremi 2:13 Mawu Ofanana

II Ală Bơtau 22:17

Tài bơh làng bol Juda neh sang lòi Añ, chu kơlhô ală yàng ndai in, bơrcek Añ gơjrañ bơh ală broă tê bol khai dê, gen tàng bơta gơjrañ Añ rơp gơhào khuh mơ tiah do, ò tŭ lơi rài.

Đơs Crih 36:9

Bơh croh dà bơta kis la bal mơ Kơnràñ; Kơnòm di bơta àng Kơnràñ dê, bol hi gŏ bơta àng.

Cau Bơto 1:14

Añ neh sền gŏ ală broă lơh hơđơm mattơngai; mơ ne, jơh ală la roh lơm, jat dô ròs càl khồm.

Cau Bơto 1:2

Cau bơto đơs: Roh lơm bơta roh lơm dê, roh lơm bơta roh lơm dê, jơh ală la roh lơm.

Cau Bơto 12:8

Cau bơto đơs lah: Roh lơm bơta roh lơm dê; jơh ală la roh lơm.

Cau Bơto 2:11

Gen añ sền sơwì ală broă tê añ neh lơh, mơ bơta bòl glar he neh kong nàng lơh; mơ dô dơ̆ tai jơh ală bơta hơ̆ la roh lơm mơ jat dô ròs càl khồm, mơ ò gơs kwơ dô êt lơi hơđơm mattơngai.

Cau Bơto 2:21

Tài bơh gơs cau lơh broă bòl glar mơ bơta jak chài, àng loh, mơ chài rgơi pal sang lòi jơh ală bơta cau ndai in la cau ò kong lơh broă bòl glar bơh gơ. Bơta hơ̆ kung la dô bơta roh lơm, mơ dô bơta iơh dờng ngan.

Cau Bơto 2:26

Bơh Yàng Tom Trồ ai bơta jak chài, àng loh, mơ bơta chò hòp cau lơi in geh niam nùs Kơnràñ; mơya Kơnràñ ai cau glài in broă lơh mơ tơrgòm prap, mìng ai cau lơi in geh niam nùs Yàng Tom Trồ. Bơta hơ̆ kung la bơta roh lơm, jat dô ròs càl khồm.

Cau Bơto 4:4

Gen añ kung neh gŏ ală broă bòl glar mơ ală cau chài rgơi lơh broă gơlik bơh bơta tòmpơrlòng dô nă cau dê mơ dô nă cau ndai. Bơta hơ̆ kung la bơta roh lơm, jat dô ròs càl khồm.

Esai 1:3

Kơnrồ git cau tòm gơ dê, alàng git bòng ñhơt cau tòm gơ dê, mơya Israel gen ò git, làng bol Añ jê ò git wă.”

Esai 1:4

Ơ hơh! Lơgar lơi gơs bềng tồi glài, làng bol àñ kơnjơ̆ bơta tồi glài iơh bơsak, jơi bơtiàn lơh bơta iơh bơsak, ală kòn sau gơlềng gơlàng ne! Bol khai neh sang lòi Yàng Jehôwa, sền òsơp di Bơtau Sàng Goh Israel dê, bol khai neh gơlik be cau crih mat ngan.

Esai 12:3

Bol mê rơp bơ̆ dà bơh tơrlung bơta dong klàs mơ bơta hòn chò.

Esai 5:13

Behơ̆ tàng, làng bol Añ jê pal kong kup cèng gơs dĭ tài bơh ò gơs bơta git wă, cau dờng ryŭ bol khai dê rơp chơt jơgloh, jơh mpồl làng oă bol bol khai dê rơp chơt tơhìr.

Esai 55:2

Ñchi bơh tài bol mê tơm jền nàng blơi phan ò di la piang lă, mơ kong bòl glar lơh broă nàng geh phan ò lơh hòm klung taih? Kơrhia tĕ, Iat tĕ Añ! Mơ sa tĕ phan niam, mơ lơh să tòm bol mê hòn chò bơh phan bơkah rlau jơh.

Esai 63:8

Bơh Kơnràñ neh đơs lah: “Ngan, bol khai la làng bol Añ jê, la ală kòn sau ò lơh bơta ma blac mơ Añ;” mơ Kơnràñ neh gơlik gơs Bơtau Dong Klàs bol khai dê.

Jeremi 1:16

Añ rơp yal tơnggit bơta cahrña Añ tòmdră mơ bol khai, bơh bơta iơh bol khai neh lơh; tài bơh bol khai neh sang lòi Añ, chu kơlhô ală yàng ndai in, mơ duh khoai broă tê he lơh gơs.

Jeremi 14:3

Ală cau ryŭ ryơm khai dê sồr cau dĭ gơna lòt jòi dà; Bol khai lòt tus hơ tơrlung ơn dà. Bol khai jòi ò geh dà, Bol khai rê wơl mơ gri gòi; Bol khai ƀàssìl mơ rngòt rngơt, Mơ gòm bồ bol khai dê.

Jeremi 15:6

Yàng Jehôwa đơs lah: “Mê neh sang lòi Añ, Mê neh lòt ruc hơ ngkòi, Gen tàng Añ neh pò tê tòmdră mơ tơnroh mê. Añ neh làp dil bơta nđàc sơngit.

Jeremi 17:13

Khoai Yàng Jehôwa, la bơta gơn kơnòm Israel dê, Ală cau lơi sang lòi Kơnràñ gen rơp kong ƀàssìl ƀàsso! Ală cau dô pleh bơh Kơnràñ rơp kong cih sơnđan hơđơm ù, Bơh bol khai neh sang lòi croh dà bơta kis, hơ̆ la Yàng Jehôwa.

Jeremi 18:14

Gơs cau lơi neh gŏ piar hơđang Liban hòr bơh bồ mơnơm? Hala dà mrềt niam Hòr bơh hơđang mơnơm soat sơl ơ?

Jeremi 19:4

Tài bơh làng bol neh sang lòi Añ, neh lơh ƀơ̆ ƀơl tiah do tòm tŭ bol khai ơn phan duh khoai yàng ndai in tềng hơ̆, mơ bol khai hala ồng pàng bol khai dê, hala ală bơtau Juda dê kung òhềt git, mơ tài bơh bol khai neh lơh gơtuh bềng mhàm ò gơs glài tềng do.

Jeremi 2:11

Gơs lơgar lơi tòmgơl yàng gơ dê, Bulah gơ ò di la yàng sơl? Mơya làng bol Añ neh tòmgơl bơta gơklŏ bol khai dê Bơh ală rùp ràk ò kwơ!

Jeremi 2:17

Ò di bol mê neh cèng bơta hơ̆ tus hơđang să tòm bol mê in, Bơh neh sang lòi Jehôwa Yàng Tom Trồ mê, Tŭ Kơnràñ neh lam bol mê tòm gùng lòt ơ?

Jeremi 2:26

Be dô nă cau ntung kơñau ƀàssìl, tòm tŭ gơkòl kup geh, Behơ̆ sơl hìu Israel kung rơp gơkòl ƀàssìl, Bol khai, ală cau bơtau bol khai dê, ală cau kwang bol khai dê, Ală cau gơnoar ơn phan duh khoai bol khai dê, mơ ală cau gơnoar hwơr bol khai dê, kung rơp ƀàssìl behơ̆.

Jeremi 4:22

“Bơh làng bol Añ jê tùl gơla, Bol khai ò đal git Añ. Bol khai la kòn sau bơrngơl gơla, Bol khai ò gơs bơta git wă, Bol khai chài rgơi lơh bơta iơh, Mơya ò git mbe lơi lơh bơta niam.”

Jeremi 5:26

Bơh digùl làng bol Añ jê gơs ală cau iơh; Bol khai kơp mòc kung be cau pơndòm sềm, Pơt dă nàng kup cau.

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Ejekiel 14:5

nàng Añ rơp tơrgòm prap wơl nùs làng bol Israel dê, bơh bol khai neh lòt ngài bơh Añ mơ duh khoai rùp ràk.”’

Ejekiel 47:1

Cau hơ̆ cèng añ rê wơl hơ gùng mut tòm hìu duh khoai, mơ añ gŏ dà gơhòr lik bơh di hơđơm mpồng hìu duh khoai dê wèt hơ đah mattơngai lik (bơh hìu duh khoai wèt hơ đah mattơngai lik). Dà hơ̆ gơhòr mù bơh đah đơm hìu duh khoai, đah đơm cơnòng ơn phan duh khoai.

Mice 2:8

Mơya bol mê guh tòmdră mơ làng bol Añ jê kung be dô nă cau sò tơm. Bol mê hồ ào jrùh bơh di ală cau ơm ring lơngai, bơh di ală cau lòt gùng dòn kơnòm mơ ò kơlôi bơh bơta kơlìn.

Mice 6:3

Ơ làng bol Añ jê, ñchi Añ neh lơh bol mê in taih? Ñchi bơta Añ neh lơh bòl glar bol mê in taih? Ho wơl tĕ Añ in!

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Jang 4:10

Yàng Jesu ho lah: “Dilah ai git bơta pà gòi Yàng Tom Trồ dê, mơ git cau đơs mơ ai lah: ‘Ai Añ in ƀà hùc’ la ñcau, gen ngan ai rơp dan mơ Khai, mơ Khai rơp pà ai in dà kis.”

Jang 4:11

Cau ùr đơs lah: “Ơ Ồng, Ồng ò gơs phan nàng bơ̆, mơ tơrlung gen jrô, behơ̆ mbơh geh dà kis hơ̆ taih?

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Jang 7:37

Ngai lồi dut, la ngai dờng màng tòm ală ngai pơjum sa, Yàng Jesu ntào, hòi dờng lah: “Dilah cau lơi tơhìr, tus tĕ hơ Añ mơ hùc.

Yal Wơl 31:16

Yàng Jehôwa đơs mơ Môise lah: “Tŭ do mê rơp bic mơ ală ồng pàng mê dê. Ai làng bol do rơp lơh dri tơlàr mơ ală yàng lơgar bơdìh tòm lơgar mơ bol mê rơp mut, bol khai rơp sang lòi Añ mơ ò prap gàr jơnau ho bal mơ Añ neh bơtào mơ bol khai.

II Pier 2:17

Ală cau hơ̆ kung be ală croh ò gơs dà, be dà tŭ kòl càl dờng khồm pơrdô; bơta klam jơngo cik la bơta neh rcang lòi bol khai in.

Yal Tơlik 21:6

Kơnràñ đơs tai mơ añ lah: “Sir rau. Añ la Alpha mơ Ômega, Bơtau sơnròp mơ lồi dut. Cau lơi tơhìr, gen Añ rơp ai dà hùc be phan pà gòi bơh croh dà bơta kis.

Yal Tơlik 22:1

Cau gơnrơh sơnio añ in gŏ hiòng dà bơta kis ơm digùl gùng ƀòn dờng dê; hiòng hơ̆ gơcrà be krơh àng goh, mơ gơhòr lik bơh di sơbàn Yàng Tom Trồ mơ Belàt Kòn dê.

Yal Tơlik 22:17

Yàng Hwềng mơ bau ùr pa đơs bal lah: “Tus tĕ!” Cau lơi kơno gen đơs tĕ lah: “Tus tĕ!” Cau lơi tơhìr gen tus tĕ. Cau lơi kòñ gen dòp gòi tĕ dà bơta kis.

Ală Kwang Cahrña 10:13

Mơya bol mê neh sang lòi Añ mơ neh duh khoai ală yàng ndai, gen tàng Añ ò dong tă bol mê tai.

I Samuel 12:10

Gen bol khai rac dan mơ Yàng Jehôwa mơ đơs lah: ‘Bol hi neh tìs glài, bol hi neh sang lòi Yàng Jehôwa, mơ neh duh broă Baal mơ Astarte. Mơya tŭ do dan dong tă bol hi bơh di tê ală cau sò tơm di bol hi, gen bol hi rơp duh broă Kơnràñ.’