Jeremi 2:11 - Sră Goh 2018

¹¹ Gơs lơgar lơi tòmgơl yàng gơ dê, Bulah gơ ò di la yàng sơl? Mơya làng bol Añ neh tòmgơl bơta gơklŏ bol khai dê Bơh ală rùp ràk ò kwơ!

Jeremi 2:11 Mawu Ofanana

I Ală Bơtau 11:33

Bơta do la tài bơh khai neh sang lòi Añ, lòt duh khoai Astarte yàng ùr Sidôn dê, Kemôs yàng lơgar Môap dê, mơ Milkôm yàng làng bol Ammôn dê. Khai ò lòt tòm ală gùng dà Añ jê, ò lơh ală bơta song ngan di đap Añ, mơ kung ò prap gàr bơta sồr lam mơ bơta boh lam Añ jê, be Dabit bèp khai neh lơh.

II Ală Bơtau 1:3

Mơya cau gơnrơh Yàng Jehôwa dê đơs mơ Eli, cau Thisebe lah: “Ñă tĕ, lòt tus tìp mơ ală cau kong sồr bơtau Samari dê, mơ đơs mơ bol khai lah: ‘Hơ̆ la tài bơh ò gơs Yàng Tom Trồ tòm Israel, gen tàng mê lòt lùp Baaljebup, yàng cau Ekrôn dê ơ?’

II Yal Yau 13:9

Ò di bol mê neh ting bơtrơh ală cau gơnoar ơn phan duh khoai Yàng Jehôwa dê la kòn sau Arôn mơ ală cau Lebi dê, mơ neh bơtào is bol mê in ală cau gơnoar ơn phan duh khoai kung be ală làng bol lơgar ndai ò ơ? Cau lơi lòt tus nàng ơn să khai bal mơ dô nơm kơnrồ dam mơ poh nơm be dam, gen gơlik gơs dô nă cau gơnoar ơn phan duh khoai ală yàng ò di la yàng.

Đơs Crih 106:20

Bol khai tòmgơl bơta gơklŏ Yàng Tom Trồ dê, Mơ ai rùp kơnrồ sa ñhơt.

Đơs Crih 115:4

Rùp ràk bol khai lơh mơ priă mơ màh, La broă bơh tê cau lơh gơs.

Đơs Crih 3:3

Mơya, ơ Yàng Jehôwa, Kơnràñ la khèl cang kìng añ jê; Kơnràñ la bơta gơklŏ añ jê, mơ la Bơtau pò tơngguh bồ añ jê.

Esai 37:19

sơrbì ală yàng bol khai dê tòm ồs mơ tơnroh jơh tài bơh bol gơ ò di la ală yàng ngan, mơya mìng chi mơ lŭ bơh tê kòn mơnus mòn gơs.

Jeremi 16:20

Kòn mơnus rgơi lơh is bol khai in ală yàng ơ? Mơ hơ̆ ò di la yàng!”

Jeremi 18:13

Behơ̆ gen, Yàng Jehôwa đơs be do: “Lùp tĕ tòm ală lơgar Gơs cau lơi neh kơno bơta behơ̆ sơl? Cau ơruh dềt Israel neh lơh broă cù kìr rlau jơh.

Jeremi 2:5

Yàng Jehôwa đơs be do: “Ồng pàng bol mê neh gŏ bơta lơi ò song ring tòm Añ, tàng neh lòt ngài bơh di Añ; Neh lòt jat bơta roh lơm, Mơ gơlik gơs ò kwơ să tòm bol khai in?

Jeremi 2:8

Ală cau gơnoar ơn phan duh khoai kung ò lùp: ‘Ntềng đah Yàng Jehôwa taih?’ Ală cau bơto bơta boh lam kung ò git Añ. Ală cau ê gàr neh pơrlơ̆ dră di Añ. Ală cau gơnoar hwơr ai sơnđan Baal mơ đơs hwơr, mơ lòt jat ală bơta ò gơs kwơ.”

Jeremi 5:7

Mbe Añ rgơi toh bol mê in taih? Ală kòn mê neh sang lòi Añ, mơ neh srat să bơh ală yàng ò di la yàng. Tòm tŭ Añ ròng siam bol khai in hòm lai, Ai bol khai gen tìs glài rềs àr bơrnàn, mơ pơjum tòm hìu ală cau dri tơlàr.

Ejekiel 14:5

nàng Añ rơp tơrgòm prap wơl nùs làng bol Israel dê, bơh bol khai neh lòt ngài bơh Añ mơ duh khoai rùp ràk.”’

Ejekiel 5:7

Gen tàng, Jehôwa Yàng Tom Trồ đơs be do: ‘Tài bơh mê neh kơldang bồ rlau mơ ală làng bol ơm gùt dar bol mê, ò lơh jat ală bơta sồr lam Añ jê hala prap gàr ală bơta boh lam Añ jê. Mơya bol mê lơh jat ală bơta boh lam jơh ală làng bol ơm gùt dar bol mê.’

Mice 4:5

Bơh jơh ală làng bol rơp lòt, kòp nă tòm sơnđan ală yàng bol khai dê; Mơya bol he rơp cơnđòa lòt tòm sơnđan Yàng Jehôwa la Yàng Tom Trồ bol he dê jơl sùm sùm ò lồi.

Rôma 1:23

Bol khai neh tòmgơl bơta gơklŏ Yàng Tom Trồ dê ò ồm lề mơ ai rùp să jơi kòn mơnus dê òs ồm lề, hala ală sềm, ală phan poan jơng, mơ ală phan wìn nsròng dê.

I Kôrintô 8:4

Behơ̆, bơh bơta sa phan duh khoai rùp ràk, bol he git rùp ràk tòm dunnia la ò gơs ngan, gơs mìng dô nă Yàng Tom Trồ lơm.

Galati 4:8

Mơya bơh yau òr oh mi ò git Yàng Tom Trồ, gen lơh gơs dĭ ală yàng dê mơya ngan ò di la Yàng.

Yal Wơl 32:16

Bol khai lơh Kơnràñ in ƀoah pơrñat bơh ală yàng lơgar ndai, mơ lơh Kơnràñ in gơjrañ mañ bơh ală broă iơh rmơh.

Yal Wơl 32:21

Bol khai lơh Añ in ƀoah pơrñat bơh bơta ò di la yàng, mơ bơrcek Añ gơjrañ bơh ală rùp ràk bol khai dê. Behơ̆ Añ rơp lơh bol khai in ƀoah pơrñat bơh dô làng bol ò di la làng bol, bơrcek bol khai gơjrañ bơh dô làng bol tùl gơla.

Yal Wơl 33:29

Ơ Israel, lơngai lơngò mê in! Ñcau ndròm be mê la dô nơm làng bol geh Yàng Jehôwa dong klàs, Kơnràñ la khèl đo mơ la bơta dong kòl mê dê, mơ la đào bơta pha lin mê dê. Ală cau sò tơm mê dê rơp cùn khoai di đap mê, mơ mê rơp jă hơđang ngkòi bol khai dê.”

I Pier 1:18

Bơh oh mi git lah ò di bơh phan òs roh rui be priă hala màh mơ oh mi neh geh tơwài lik klàs bơh bơta lơh lòt ò kwơ mơ ồng pàng lòi wơl he in ò,

I Samuel 4:21

Khai tơmoh sơnđan kòn hơ̆ la Ikabôt gơs gơtha lah: “Bơta gơklŏ neh cah ngài bơh Israel,” tài bơh Đài Yàng Tom Trồ dê neh gơkòl kup cèng mơ bơta chơt po bèp khai mơ bau klau khai dê.