Jeremi 19:7 - Sră Goh 2018

⁷ Tòm tiah do Añ rơp lơh roh bơta rơndap Juda dê mơ Jerusalem dê. Añ rơp lơh bol khai in gơpừ bơh đào di đap cau sò tơm, mơ bơh tê ală cau kòñ tơnroh bơta kis bol khai dê; Añ rơp phi ƀồc bol khai ală sềm trồ mơ jơi phan poan jơng tòm ù lơh gơs phan sa.

Jeremi 19:7 Mawu Ofanana

II Ală Bơtau 21:14

Añ rơp tơnroh pơnah gam wơl bơh sre brê Añ jê, jào phi bol khai tòm tê cau sò tơm bol khai dê; bol khai rơp gơlik gơs phan pơndòm mơ phan kup geh ală cau sò tơm bol khai dê;

Jơnau Pơnđik 21:30

Ò gơs bơta jak chài, bơta git jak, hala kai gơrmơ̆i, mơ rgơi tòmdră jai mơ Yàng Jehôwa.

Esai 29:14

Behơ̆ Añ rơp lơh dô dơ̆ tai, dô bơta crih crài làng bol do in, nrơt nrơl mơ crih crài; bơta jak chài cau git wă dê rơp roh rui, mơ dơngoh jak ală cau git jak dê rơp pồn ndơp.”

Esai 8:10

Tòmbơyai tĕ bal mơ gơp, mơya gơ rơp gơlik roh lơm; Đơs tĕ dô jơnau, mơya gơ rơp ò ntào jai; bơh Yàng Tom Trồ ơm bal mơ bol he.

Jeremi 15:2

Dilah bol khai lùp mê lah: ‘Ntềng đah bol hi rơp lòt taih?’ gen đơs tĕ mơ bol khai lah: Yàng Jehôwa đơs be do: ‘Ală cau neh rcang lòi pluh plàng in, pal kong pluh plàng; Ală cau neh kong pềs tà in, pal kong pềs tà; Ală cau neh rcang lòi jơgloh rung in, pal kong jơgloh rung; Ală cau neh rcang lòi kong kup cèng pơrdô ngài, pal kong kup cèng pơrdô.’”

Jeremi 15:9

Cau ùr neh tơnggơs poh nă kòn, neh lơbơn òsô. Tă nhơm lồi; Mattơngai khai neh ñơp tŭ trồ ngai; Khai kong dơñŏ tơnhial mơ ƀàssìl ƀàsso; Ai ală cau gam wơl bol khai dê, Añ rơp jào đào ală cau sò tơm bol khai in.” Yàng Jehôwa đơs behơ̆.

Jeremi 16:4

“Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”

Jeremi 18:21

Behơ̆ gen, dan Kơnràñ phi tĕ ală kòn bol khai dê tòm bơta jơgloh rung, Sơrbì bol khai tòm gơnoar pềs tà dê. Lòi bau ùr bol khai dê roh kòn mơ gơlik gơs ùr bơnrau, Lòi bau klau bol khai dê kong chơt pluh, Ai ală cau klau pơnu bol khai dê kong sreh mơ đào tòm tiah tòmlơh.

Jeremi 21:7

Yàng Jehôwa đơs: ‘Tơnơ̆ mơ hơ̆, Añ rơp jào Jedekia, bơtau Juda, dĭ gơna mơ làng bol khai dê, hơ̆ la ală cau gam wơl tòm ƀòn dờng, neh klàs bơh pluh plàng, pềs tà, jơgloh rung, Añ rơp phi bol khai tòm tê Nebukatnessar, bơtau Babilôn, tòm tê ală cau sò tơm bol khai dê mơ ală cau kòñ jòi bơta kis bol khai dê. Nebukatnessar rơp tơnchơt bol khai mơ đào, ò pơlai, ò kòñ nđàc, ò git nđàc sơngit.’

Jeremi 22:19

Khai rơp kong tơp kung be dô nơm alàng; Rơp kong hwài mơ sang tơlik bơh di mpồng Jerusalem dê.

Jeremi 22:25

Añ rơp jào mê tòm tê ală cau kòñ jòi bơta kis mê, tòm tê ală cau mơ mê rngòt, hơ̆ la tòm tê Nebukatnessar, bơtau Babilôn, mơ tòm tê cau Kalde.

Jeremi 32:28

Gen tàng, Yàng Jehôwa đơs be do: Añ rơp phi ƀòn do tòm tê cau Kalde, tòm tê Nebukatnessar, bơtau Babilôn, khai rơp tòmpìt ai.

Jeremi 34:20

Añ rơp phi bol khai tòm tê cau sò tơm, cau kòñ lơh iơh di bơta kis bol khai; ƀồc chơt bol khai rơp lơh gơs phan sa sềm trồ mơ phan poan jơng tòm ù in.

Jeremi 46:26

Añ rơp phi bol khai tòm tê ală cau jòi bơta kis bol khai, hơ̆ la tòm tê Nebukatnessar, bơtau Babilôn, mơ tòm tê ală cau kwang khai dê; tơnơ̆ mơ hơ̆ Ejiptơ rơp gam gơs làng bol ơm kung be yau òr, Yàng Jehôwa đơs behơ̆.

Jeremi 7:33

Ală ƀồc làng bol do rơp lơh gơs phan sa ală sềm trồ mơ phan poan jơng tòm ù in, ò gơs cau lơi bơtrơh tơrngòt bol gơ.

Jeremi 8:2

Cau rơp pràng ală ntìng ƀồc hơ̆ hơđơm mattơngai, mat kơnhai, mơ ală sơmañ hơđang trồ, hơ̆ la ală phan mơ bol khai kòñ gơboh, duh broă; la phan bol khai lòt jat, jòi jat mơ duh khoai. Gơ rơp ò geh tơrgòm wơl hala tơp bồr, gơ rơp kung be è hơđang ù.

Jeremi 8:8

Mbe bol mê rgơi đơs lah: “Bol he la àng jak, mơ bơta boh lam Yàng Jehôwa ơm bal mơ bol hi,” Mơya, gai cih ma blac ală cau gơnoar cih dê Neh lơh bơta boh lam hơ̆ gơlik bơta đơs blac!

Jeremi 8:9

Ală cau jak chài rơp gơkòl ƀàssìl, bol khai rơp gơdô nùs, mơ gơkòl kup cèng. Bơh di tŭ bol khai neh sang lòi jơnau Yàng Jehôwa dê; ñchi bơta jak chài gam ơm tòm bol khai taih?

Ñìm Rac 3:37

Ñcau rgơi ai gơnoar sồr mơ bơta hơ̆ geh lơh gơs, dilah ò di Yàng Jehôwa rơndap lơh nền taih?

Lebi 26:17

Añ rơp wèt mat Añ jê tòmdră mơ bol mê, lòi bol mê kong alah di đap ală cau sò tơm bol mê dê, ală cau gơjrañ kơuềng di bol mê rơp at bồ hơđang bol mê, mơ bol mê rơp ntoat dô bulah ò gơs cau ting jat bol mê.

Lebi 26:25

Mơ Añ rơp cèng đào tus hơđang bol mê nàng sal tê bơh bơta bol mê gơltac bơta ho bal. Tòm tŭ bol mê ruc wơl tòm ală ƀòn dờng bol mê dê, Añ rơp đùh bơta kòp jê pluh plàng digùl bol mê, mơ bol mê rơp kong jào phi tòm tê ală cau sò tơm bol mê dê.

Rôma 3:31

Behơ̆, bol he tài bơh bơta dòn mơ lơh bơta boh lam gơlik gơs ò kwơ ơ? Ò di behơ̆ ò! Gơpơrlơ̆ wơl, bol he lơh kơ̆ nền bơta boh lam.

Rôma 4:14

Mơ dilah bơta ho pơgon Yàng Tom Trồ dê ai ală cau kơnòm di bơta boh lam in, gen bơta dòn gơlik ò kwơ, mơ jơnau ho pơgon Yàng Tom Trồ dê gơlik sang gòi,

I Samuel 17:46

Ngai do Yàng Jehôwa rơp jào mê tòm tê añ, añ rơp lơh mê gơpừ di tiah mơ koh bồ mê. Ngai do añ rơp ai ƀồc mpồl ling cau Philistin dê ală sềm hơđang trồ in mơ ală phan poan jơng tòm ù in; mơ jơh lơgar dunnia rơp git lah gơs dô nă Yàng Tom Trồ tòm Israel.