Jeremi 19:4 - Sră Goh 2018

⁴ Tài bơh làng bol neh sang lòi Añ, neh lơh ƀơ̆ ƀơl tiah do tòm tŭ bol khai ơn phan duh khoai yàng ndai in tềng hơ̆, mơ bol khai hala ồng pàng bol khai dê, hala ală bơtau Juda dê kung òhềt git, mơ tài bơh bol khai neh lơh gơtuh bềng mhàm ò gơs glài tềng do.

Jeremi 19:4 Mawu Ofanana

II Ală Bơtau 21:16

Manase kung lơh gơtuh oă mhàm ò gơs glài, tian gơs Jerusalem kong bềng bơh đah do tus hơ đah ne. Di gah glài mơ khai neh lơh Juda in tìs glài, gen tàng bol khai neh lơh ală bơta iơh di đap Yàng Jehôwa.

II Ală Bơtau 23:10

Khai kung lơh ƀơ̆ ƀơl Tôphet tòm thòng Ben Hinôm, nàng ò gơs cau lơi chu kòn klau hala kòn ùr he tòm ồs, be dô nơm phan ơn rùp ràk Molok in tai.

II Ală Bơtau 24:4

mơ kung tài bơh mhàm ò gơs glài mơ khai neh lơh gơtuh; bơh khai neh lơh Jerusalem in bềng mhàm ò gơs glài, gen Yàng Jehôwa ò toh glài khai in.

Đơs Crih 106:38

Bol khai lơh gơhòr mhàm cau ò gơs glài, Hơ̆ la mhàm kòn klau kòn ùr bol khai dê Mơ bol khai lơh gơs phan ơn duh khoai rùp ràk lơgar Kanaan dê, Gen tàng lơgar gơlik ƀơ̆ ƀơl bơh mhàm hơ̆.

Esai 59:7

Jơng bol khai ntoat mhar tus hơ bơta iơh bơsak, bol khai sơrbac sơrbang lơh gơhòr mhàm ò gơs glài; Ală bơta kơlôi sơnơng bol khai dê la ală bơta kơlôi sơnơng bơh bơta iơh bơsak, bơta tơnroh mơ bơta phà tơrlah ơm tòm gùng dà bol khai dê.

Esai 65:11

Mơya bol mê la cau sang lòi Yàng Jehôwa, mơ hŭi mơnơm sàng goh Añ jê, la cau neh rcang yò cơnòng sa yàng bơta bơtoah mơ bơta sơbơng roh in, mơ tròc tơrnòm neh bơcă bềng mơngàn yàng lơh nền rài kis dê.

Jeremi 1:16

Añ rơp yal tơnggit bơta cahrña Añ tòmdră mơ bol khai, bơh bơta iơh bol khai neh lơh; tài bơh bol khai neh sang lòi Añ, chu kơlhô ală yàng ndai in, mơ duh khoai broă tê he lơh gơs.

Jeremi 11:13

Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 15:6

Yàng Jehôwa đơs lah: “Mê neh sang lòi Añ, Mê neh lòt ruc hơ ngkòi, Gen tàng Añ neh pò tê tòmdră mơ tơnroh mê. Añ neh làp dil bơta nđàc sơngit.

Jeremi 16:11

Gen đơs tĕ mơ bol khai lah: Yàng Jehôwa đơs: ‘Hơ̆ la tài bơh ồng pàng bol mê dê neh sang lòi Añ, lòt jat ală yàng ndai, nàng duh broă mơ duh khoai ală yàng hơ̆, mơ neh sang lòi Añ ò prap gàr bơta boh lam Añ jê.

Jeremi 17:13

Khoai Yàng Jehôwa, la bơta gơn kơnòm Israel dê, Ală cau lơi sang lòi Kơnràñ gen rơp kong ƀàssìl ƀàsso! Ală cau dô pleh bơh Kơnràñ rơp kong cih sơnđan hơđơm ù, Bơh bol khai neh sang lòi croh dà bơta kis, hơ̆ la Yàng Jehôwa.

Jeremi 17:20

Mê pal đơs lah: ‘Ơ ală cau bơtau lơgar Juda, bal mơ jơh ală làng bol Juda, mơ jơh ală làng bol Jerusalem, la cau òs lòt gan ală mpồng do, iat tĕ jơnau Yàng Jehôwa dê.

Jeremi 18:15

Mơya làng bol Añ neh hŭi Añ; Chu kơlhô rùp ràk ma blac in La rùp ràk lơh bol khai gơtup pừ tòm gùng bol khai dê, Tòm gùng lòt bơh rài yau òr, Lòt tòm gùng òhềt rcang wàs Mơ ò di gùng dờng.

Jeremi 2:13

“Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Jeremi 2:17

Ò di bol mê neh cèng bơta hơ̆ tus hơđang să tòm bol mê in, Bơh neh sang lòi Jehôwa Yàng Tom Trồ mê, Tŭ Kơnràñ neh lam bol mê tòm gùng lòt ơ?

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 2:30

“Añ neh pù lơh kòn sau bol mê dê la ò kwơ; Bol khai ò bài dòp bơta bơto sồr. Đào bol mê neh tơnroh ală cau gơnoar hwơr, Be klìu triă phà tơnroh.

Jeremi 2:34

Di tiang ào mê dê sơl kung gŏ mhàm ală cau rƀah ò gơs glài, bulah bol mê ò kup bol khai tò ƀlong hìu cau, mơya la tài bơh ală bơta iơh hơ̆.

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Jeremi 22:3

Yàng Jehôwa đơs be do: ‘Lơh tĕ bơta song ngan mơ song ring; dong cau kong kup bơklơn klàs bơh tê cau rồn bơklơn; bañ lơh tìs mơ bañ rồn bơklơn cau ơm tòp, cau kòn đòi hala cau ùr bơnrau, mơ bañ lơh gơtuh mhàm ò gơs glài tòm tiah do.

Jeremi 26:15

Mơya pal git nền la dilah oh mi tơnchơt añ, gen oh mi bal mơ ƀòn do mơ làng bol gơ rơp àñ mhàm ò gơs glài. Bơh Yàng Jehôwa ngan neh sồr añ tus mơ oh mi, sồr đơs ală jơnau do tòm tồr oh mi dê.”

Jeremi 26:23

cèng Uria bơh Ejiptơ rê wơl hơ bơtau Jehôyakim. Bơtau sồr ngui đào sreh tơnchơt khai mơ cơm ƀồc khai tòm bơtô ƀồc cau òs dê.

Jeremi 44:3

tài bơh glài iơh bol khai neh bơrcek Añ gơjrañ, lòt chu kơlhô mơ duh khoai ală yàng ndai mơ bol khai, bol mê bal mơ ồng pàng bol mê kung òhềt tŭ lơi git.

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Jeremi 7:6

dilah bol mê ò rồn bơklơn cau nac crih, cau kòn đòi, cau ùr bơnrau, mơ ò lơh gơtuh mhàm ò gơs glài tòm tiah do; kung ò lòt jat ală yàng ndai lơh iơh is să he,

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Ñìm Rac 4:13

Hơ̆ la tài bơh tồi glài ală cau gơnoar hwơr khai dê, mơ bơta iơh bơsak ală cau gơnoar ơn phan duh khoai khai dê. Bol khai neh lơh gơtuh mhàm ală cau song ring digùl ƀòn dờng khai dê.

Ejekiel 20:26

Añ lơh bol khai gơlik ƀơ̆ ƀơl bơh ală phan pà bol khai dê, bol khai ơn jơh ală kòn tơnhoa lơh gơs phan ơn duh khoai, tồ Añ tơmbềng bol khai mơ bơta rngòt rngơt, nàng bol khai git Añ la Yàng Jehôwa.

Ejekiel 7:22

Añ rơp pơrlac mat bơh di bol khai, mơ bol khai rơp lơh ƀơ̆ ƀơl tiah sàng goh Añ jê; ală cau ntung kơñau rơp mut tềng hơ̆ mơ lơh ƀơ̆ ƀơl tiah hơ̆.

Ejekiel 8:11

Di đap bol gơ gơs poh jơt nă cau kwang kra hìu Israel dê ơm ntào, digùl bol khai gơs Jaajania, kòn klau Saphan. Kòp nă at gri kơlhô tòm tê, ñhŭ ƀô bơlhu gơguh làm tiah.

Daniel 11:31

Mpồl ling khai sồr rơp lơh ƀơ̆ ƀơl tiah sàng goh mơ ƀòn dờng kơp gàr; ò ai ơn phan ơn chu kòp ngai, mơ bơtào bơta ngkòr ngkàc la bơta lơh gơlik gơs bơta tơnroh gơprah gơpring.

Luka 11:50

Behơ̆ jơi bơtiàn do rơp kong lơh glài bơh mhàm jơh ală cau gơnoar hwơr tồ mhàm jơh ală cau gơnoar hwơr neh hòr lik bơh ngai crơng gơs trồ tiah,

Yal Wơl 13:13

la neh gơs ală cau iơh bơsak bơtào tơngguh digùl bol mê, mơ neh tề lam làng bol ƀòn dờng bol khai dê lòt tìs nrah bơh đơs lah: “Bol he lòt lă mơ duh khoai ală yàng ndai,” la ală yàng bol mê ò git,

Yal Wơl 13:6

Dilah oh mi tòm bol mê dê, hala kòn klau kòn ùr bol mê dê, hala bau ùr mê kòñ gơboh, hala cau bơyô đềt mềr rlau jơh bol mê dê ơniai òm bol mê mơ đơs lah: “Bol he lòt tĕ duh khoai ală yàng ndai,” la ală yàng mơ bol mê mơ ală ồng pàng bol mê dê kung ò git,

Yal Wơl 28:20

Yàng Jehôwa rơp đùh bơta srat sơntơm hơđang bol mê bal mơ bơta sơlồng sơlàng mơ bơta lah pơrhơng tòm jơh ală phan mơ bol mê ơn tê hơđang jơl tus di tŭ bol mê kong tơnroh mơ kong bơta roh rui nisơna gơtơntus tài bơh bơta iơh bơsak mơ bol mê neh lơh, tài bơh bol mê neh sang lòi Kơnràñ.

Yal Wơl 28:36

Yàng Jehôwa rơp ting bơtrơh bol mê mơ cau bơtau mơ bol mê neh bơtào hơđang bol mê tus di dô nơm lơgar mơ bol mê bal mơ ală ồng pàng bol mê dê òhềt git. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ.

Yal Wơl 28:64

Gen Yàng Jehôwa rơp rsìh bol mê digùl jơh ală làng bol, bơh jơng trồ do tus hơ jơng trồ ne. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ mơ bol mê hala ală ồng pàng bol mê dê kung ò tŭ lơi git.

Yal Tơlik 16:6

Bơh bol khai neh lơh gơhòr mhàm ală cau sàng goh mơ ală cau gơnoar hwơr dê, gen Kơnràñ neh ai bol khai in hùc mhàm, la di pal ngan!”

Ală Kwang Cahrña 5:8

Tòm tŭ bol khai sac rwah ală yàng pa, gen bơta kơlìn gơtoă tus di mpồng ƀòn, mơ cau ò gŏ dô nơm khèl hala dô nơm tà digùl poan jơt rbô nă cau tòm Israel.