Jeremi 19:3 - Sră Goh 2018

³ Mê pal đơs lah: ‘Ơ ală cau bơtau Juda, mơ làng bol Jerusalem, iat tĕ jơnau Yàng Jehôwa dê. Yàng Jehôwa Gơnap Gơnoar, Yàng Tom Trồ Israel dê, đơs be do: Do, Añ rơp dùh bơta rung rài hơđang tiah do, tian gơs cau lơi kơno kung pal nggồr tồr;

Jeremi 19:3 Mawu Ofanana

Đơs Crih 102:15

Ală làng bol rơp duh rngòt di sơnđan Yàng Jehôwa, Mơ jơh ală cau bơtau dunnia dê rơp duh rngòt di bơta gơklŏ Kơnràñ dê.

Đơs Crih 110:5

Yàng Jehôwa ơm đah ma mê; Kơnràñ rơp lơh bơcah lề ală cau bơtau tòm ngai Kơnràñ gơhào gơjrañ.

Đơs Crih 2:10

Behơ̆, ơ ală cau bơtau, jak chài tĕ; Ơ ală kwang cahrña tòm dunnia, dòp tĕ bơta bơto sồr.

Esai 28:19

Kòp dơ̆ bơta rung rài lòt gan gơ rơp cèng pơrdô bol mê; àng drim do tus àng drim ne, tòm trồ ngai mơ tòm trồ mang, bơta rung rài gơ rơp lòt gan. Mìng bơta rngòt rngơt rgơi lơh bol mê in git wă jơnau bơto sồr do.

Jeremi 13:18

Đơs tĕ mơ bơtau mơ mè bơtau dê lah: “Nggui tĕ tòm tiah liah; Bơh sơgơn bơtau hàng mơnĕ, neh gơdùh bơh bồ bol mê dê rau.”

Jeremi 17:20

Mê pal đơs lah: ‘Ơ ală cau bơtau lơgar Juda, bal mơ jơh ală làng bol Juda, mơ jơh ală làng bol Jerusalem, la cau òs lòt gan ală mpồng do, iat tĕ jơnau Yàng Jehôwa dê.

Jeremi 18:11

Behơ̆ tàng tŭ do, yal tĕ mơ cau Juda mơ làng bol Jerusalem: ‘Yàng Jehôwa đơs be do: Do, Añ rcang bơta rung rài tòmdră mơ bol mê, mơ bơtào kai gơrmơ̆i tòmdră mơ bol mê. Tŭ do, jơh tơl nă bol mê pơrlac sang tĕ gùng iơh bol mê dê, mơ lơh niam wơl gùng dà mơ ală broă lơh bol mê dê!’

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 25:29

Sền tĕ, Añ rơp sơntòm tuh bơta rung rài hơđang ƀòn geh sơnđan bơh sơnđan Añ; tơ ài lah bol mê, ngan rơp geh klàs bơh bơta lơh glài ơ? Ò! Bol mê rơp ò klàs bơh bơta lơh glài ò; bơh Añ rơp sồr pềs tà tus hơđang kòp làng bol ơm hơđang plai ù,’” Yàng Jehôwa Mpồl Ling đơs behơ̆.

Jeremi 35:17

Gen tàng, Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Do, Añ rơp dùh hơđang Juda mơ jơh làng bol Jerusalem in ală bơta rung rài mơ Añ neh yal lài tòmdră mơ bol khai; bơh Añ đơs mơ bol khai ò bài iat, Añ hòi mơ bol khai ò ho wơl.’”

Jeremi 44:3

tài bơh glài iơh bol khai neh bơrcek Añ gơjrañ, lòt chu kơlhô mơ duh khoai ală yàng ndai mơ bol khai, bol mê bal mơ ồng pàng bol mê kung òhềt tŭ lơi git.

Jeremi 6:19

Ơ ù tiah, iat tĕ! Do, Añ rơp cèng bơta rung rài tus hơđang làng bol do, cồng nha bơh ală kai gơrmơ̆i bol khai dê, Tài bơh bol khai ò bài ai tồr iat ală jơnau Añ jê, Mơ bơh bơta bơto sồr Añ jê bol khai neh sang lòi gơ.

Ejekiel 7:5

Jehôwa Yàng Tom Trồ đơs be do: ‘Sền ne, bơta rung rài pơnjat bơta rung rài! Gơ tus rau.

Mathiơ 10:18

Bol mê rơp kòl hwài tus di đap ală cau kwang đơng lơgar mơ ală cau bơtau tài bơh Añ, nàng lơh cơng di đap bol khai mơ ală làng bol Bơdìh.

Yal Tơlik 2:29

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh.’”

I Samuel 3:11

Mơ Yàng Jehôwa đơs mơ Samuel lah: “Sền Añ mòr lơh dô êt bơta tòm Israel, mơ rơp lơh nggồr jơh bàr đah tồr cau lơi kơno bơta hơ̆.