Jeremi 19:11 - Sră Goh 2018

¹¹ mơ đơs mơ bol khai lah: Yàng Jehôwa Gơnap Gơnoar đơs be do: ‘Añ rơp pòng bơcah làng bol do mơ ƀòn dờng do kung be pòng bơcah gri mơ ù, ò rgơi lơh niam wơl; cau rơp tơp ƀồc tòm tiah Tôphet, tian gơs ò tơl tiah nàng tơp.’

Jeremi 19:11 Mawu Ofanana

Đơs Crih 2:9

Kòn rơp ngui gai jra lòs mơ pòng bơcah bol khai, Kòn rơp lơh bơcah lề bol khai be gri cau chài mòn gơ.”

Jơnau Pơnđik 6:15

Tài bơh hơ̆, bơta rung rài gơlik tus di khai dô bă nisơna; Tòm dô ơthoa khai kong roh gơprah nền cê ngan.

Esai 30:14

Gơ rơp bơcah rpot rpet be dô nơm gri mơ ù, gơ bơcah ò pơlai dô êt lơi, tian gơs nsàng gơ ò gơs dô pet lơi rgơi ngui ơn rnga ồs tòm bơnhă hala bơ̆ dà bơh tơrlung.”

Jeremi 13:14

Yàng Jehôwa đơs: ‘Añ rơp lơh cau do in tòmdră mơ cau ne, mè bèp mơ kòn sò tơm bal; Añ rơp ò sơnđàc, ò pơlai hala nđàc sơngit, tòm tŭ Añ tơnroh bol khai.’”

Jeremi 19:12

Yàng Jehôwa đơs: ‘Añ rơp lơh tiah do bal mơ làng bol gơ; mơ Añ rơp lơh ƀòn dờng do gơlik gơs kung be Tôphet.

Jeremi 19:6

Behơ̆ gen, Yàng Jehôwa đơs: ‘Ne, ngai tus, tŭ hơ̆ tiah do rơp ò sơnđan la Tôphet, kung ò sơnđan la thòng kòn klau Hinôm tai, mơya la Thòng Bơta Tơnchơt.

Jeremi 25:34

Ơ ală cau ê, ñìm rac tĕ, pơt wòl tĕ! Ơ ală cau ê mpồl belàt, pơrlac tĕ să tòm bùh! Tài bơh ală ngai bol mê kong tơnchơt neh tus rau, mơ ngai mê kong nrah nring neh tus; Bol mê rơp gơpừ mơ bơcah kung be gri màng ryŭ.

Jeremi 48:38

Hơđang ală rkàng hìu cau Môap mơ tòm ală hìu dờng gơ dê, mìng la ală bơta ñìm rac lơm, bơh Añ neh pòng bơcah Môap kung be gri ò gơs cau kòñ gơboh,” Yàng Jehôwa đơs behơ̆.

Jeremi 51:63

Tòm tŭ mê neh sền sră do sir rau, gen kơt tĕ dô nơm lŭ di gơ mơ sơrbì gơ tus digùl hiòng Ơphrat,

Ñìm Rac 4:2

Ală kòn sau kas màng Siôn dê, kwơ màng kung be màh ngan, mbe lơh bol khai kong sền òsơp kung be ală gri lơh mơ ù kơnàng la broă lơh bơh tê cau chài mòn ù dê!

Broă 21:11

Khai tus còp bol hi, gen ai che but Pol dê, cap jơng tê tòm khai dê mơ đơs lah: “Do la jơnau Yàng Hwềng Goh đơs: ‘Tòm Jerusalem cau Juda rơp cap cau gơs che but do behơ̆, mơ bơtào khai tòm tê cau làng bol Bơdìh.’”

Yal Tơlik 2:27

Cau hơ̆ rơp at bồ mơ dô nơm gai lòs, khai gơs gơnoar pòng bơcah bol khai be ală gri mơ ù, kung be să tòm Añ neh dòp gơnoar hơ̆ bơh di Bèp Añ,