Jeremi 18:8 - Sră Goh 2018

⁸ dilah lơgar mơ Añ đơs hơ̆ pơrlac sang bơta iơh gơ dê, gen Añ rơp tòmgơl nùs ò tơndùh bơta rung rài Añ lơh nền hơđang bol khai.

Jeremi 18:8 Mawu Ofanana

II Yal Yau 12:6

Gen Bơtau mơ ală cau at bồ tơnliah să bol khai dê mơ đơs lah: “Yàng Jehôwa ơm tòm bơta song ring.”

Đơs Crih 106:45

Bơh bol khai mơ Kơnràñ kah wơl bơta ho bal Kơnràñ dê, Mơ kòñ nđàc bol khai jat bơta kòñ gơboh kơ̆ dơn tơngkah tơngkañ Kơnràñ dê.

Đơs Crih 135:14

Bơh Yàng Jehôwa rơp dong tò làng bol Kơnràñ dê, Mơ gơs nùs nđàc sơngit di ală cau duh broă Kơnràñ dê.

Đơs Crih 90:13

Ơ Yàng Jehôwa, dan wèt sền di bol hi, bol hi gơn nđò jŏ taih? Dan nđàc sơngit di bol hi la cau duh broă Kơnràñ dê.

Lik Ejiptơ 32:12

Ñchi bơh tài cau Ejiptơ rgơi đơs lah: ‘Hơ̆ la tài bơh nùs iơh mơ Kơnràñ neh cèng bol khai lik nàng tơnchơt bol khai tòm ală mơnơm, mơ nàng tơnroh jơh bol khai bơh di hơđang plai ù’? Dan Yàng pơrlac wơl bơh di bơta gơjrañ dờng Kơnràñ dê, dan nđàc sơngit mơ bañ đùh bơta rung rài hơđang làng bol Kơnràñ dê.

Lik Ejiptơ 32:14

Gen Yàng Jehôwa nđàc mơ ò đùh hơđang làng bol Kơnràñ dê bơta rung rài mơ Kơnràñ neh khơm rơp đùh hơđang bol khai.

Jeremi 12:16

Dilah bol khai ngac ngar bơtê gùng dà làng bol Añ jê, ai sơnđan Añ mơ srat să lah: ‘Ngan kung be Yàng Jehôwa kis gam sùm sùm!’ Kung be bol khai neh bơto làng bol Añ sơnio Baal mơ srat să, gen bol khai rơp geh bơt bơtào digùl làng bol Añ.

Jeremi 15:6

Yàng Jehôwa đơs lah: “Mê neh sang lòi Añ, Mê neh lòt ruc hơ ngkòi, Gen tàng Añ neh pò tê tòmdră mơ tơnroh mê. Añ neh làp dil bơta nđàc sơngit.

Jeremi 26:13

Tŭ do oh mi pal rcang wơl gùng dà mơ broă lơh oh mi dê, dòn bơr lơh jat tĕ jơnau đơs Jehôwa Yàng Tom Trồ oh mi dê, gen Yàng Jehôwa rơp tòmgơl bơh bơta rung rài mơ Kơnràñ neh yal tơnggit tòmdră mơ oh mi.

Jeremi 26:19

Ejekia bơtau Juda, mơ jơh Juda, neh tơnchơt khai sơl? Ò di Ejekia neh duh rngòt Yàng Jehôwa mơ rac dan bơta nđàc Yàng Jehôwa dê ò ơ? Behơ̆ gen Yàng Jehôwa neh tòmgơl bơh bơta rung rài mơ Kơnràñ neh yal tơnggit tòmdră mơ bol khai. Ngai do dilah bol he tơnchơt Jeremi, hơ̆ la tìs glài kơnjơ̆ gen rơp toès wơl bơta rung rài să tòm he in.”

Jeremi 26:3

Digơlan bol khai rơp iat mê, mơ kòp nă rơp sang gùng iơh bol khai dê; tồ Añ in rơp tòmgơl nùs bơh bơta rung rài mơ Añ neh lơh nền tuh hơđang bol khai, bơh broă iơh bol khai neh lơh.

Jeremi 36:3

Tồ cau Juda rơp git ală bơta rung rài lơh nền dùh hơđang bol khai, nàng kòp nă rê wơl sang gùng iơh he, tồ Añ in rgơi toh bơta iơh bơsak mơ tồi glài bol khai dê.”

Jeremi 42:10

‘Dilah bol mê kư̆ ơm wơl tòm lơgar do, gen Añ rơp bơtào bol mê wơl mơ ò phà tơnroh, Añ rơp tam bol mê mơ ò dus sang; bơh Añ neh tòmgơl bơh bơta rung rài mơ Añ neh dùh hơđang bol mê.

Ejekiel 18:21

Mơya dilah cau iơh bơsak pơrlac sang jơh ală tồi glài khai neh tìs, prap gàr jơh ală jơnau sồr Añ jê, mơ lơh bơta song mơ di, gen ngan la khai rơp kis, khai rơp ò chơt ò.

Ejekiel 33:11

Đơs tĕ mơ bol khai lah: ‘Jehôwa Yàng Tom Trồ đơs lah: Ngan be Añ kis sùm, Añ ò niam nùs tòm bơta chơt cau iơh bơsak dê, mơya Añ niam nùs gŏ bol khai pơrlac sang ală gùng dà bol khai dê mơ kis. Pơrlac sang tĕ! Pơrlac sang ală gùng dà iơh bơsak bol mê dê! Ñchi bơh tài bol mê kòñ chơt, ơ hìu Israel?’

Ejekiel 33:12

Mơ mê, ơ kòn mơnus, đơs tĕ mơ làng bol mê dê lah: Bơta song ring cau song ring dê rơp ò dong klàs khai tòm tŭ khai tìs glài, mơ bơta iơh bơsak cau iơh bơsak dê rơp ò lơh khai in gơtup pừ tòm tŭ khai pơrlac sang bơta iơh bol khai dê. Mơ cau song ring rơp ò geh kis kơnòm bơta song ring bol khai dê tòm tŭ bol khai tìs glài.

Ejekiel 33:13

Bulah Añ đơs mơ cau song ring lah di ngan bol khai rơp kis, mơya dilah bol khai kơnòm di bơta song ring bol khai dê mơ tìs glài, gen ò gơs dô bơta song ring lơi bol khai dê geh kah wơl; mơya bol khai rơp chơt bơh bơta tồi glài mơ bol khai neh tìs.

Ejekiel 33:14

Bulah Añ đơs mơ cau iơh bơsak lah: ‘Ngan, mê rơp chơt!’ Mơya dilah bol khai pơrlac sang tồi glài khai dê mơ lơh wil tơl bơta boh lam mơ bơta di;

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Amôs 5:15

Gơjrañ kơuềng tĕ di bơta iơh mơ kòñ gơboh tĕ di bơta niam; mơ bơt bơtào tĕ bơta song ring di mpồng ƀòn dờng. Digơlan Jehôwa Yàng Tom Trồ Gơnap Gơnoar Dờng Làm Jơh rơp ai bơta nđàc gơwèt hơ ală cau gam wơl Jôsep dê.

Jôna 4:2

Khai hòi dan mơ Yàng Jehôwa lah: “Ơ Yàng Jehôwa, hơ̆ ò di la bơta mơ añ neh đơs tòm tŭ añ gam ơm tòm lơgar tòm añ jê ò ơ? Tài behơ̆ tàng añ sơrbac sơrbang dô pleh tus hơ Tarsi. Bơh añ git Kơnràñ la Yàng Tom Trồ gơs nùs kòñ nđàc, òbat gơjrañ, bềng bơta kòñ gơboh kơ̆ dơn, mơ tòmgơl nùs ò lơh glài.

Yal Wơl 32:36

Ngan Yàng Jehôwa rơp cahrña làng bol Kơnràñ dê, mơ gơs nùs nđàc sơngit di ală cau duh broă Kơnràñ dê, tòm tŭ Kơnràñ gŏ bơta pràn kơldang bol khai dê ò gam tai, bulah cau dĭ hala cau khat gơboh kung ò gam wơl.

Ală Kwang Cahrña 2:18

Tŭ lơi Yàng Jehôwa bơtào tơngguh bol khai in dô nă cau kwang cahrña, Kơnràñ ơm bal mơ cau kwang cahrña hơ̆ tòm jơh rài kis khai dê nàng dong Israel lik bơh di tê cau sò tơm bol khai dê; bơh Yàng Jehôwa gơs nùs nđàc sơngit di bol khai tòm tŭ bol khai rơnđơh, bơh ală cau kup kơryan mơ rồn bơklơn bol khai.