Jeremi 18:21 - Sră Goh 2018

²¹ Behơ̆ gen, dan Kơnràñ phi tĕ ală kòn bol khai dê tòm bơta jơgloh rung, Sơrbì bol khai tòm gơnoar pềs tà dê. Lòi bau ùr bol khai dê roh kòn mơ gơlik gơs ùr bơnrau, Lòi bau klau bol khai dê kong chơt pluh, Ai ală cau klau pơnu bol khai dê kong sreh mơ đào tòm tiah tòmlơh.

Jeremi 18:21 Mawu Ofanana

II Yal Yau 36:17

Gen tàng Kơnràñ cèng bơtau Babilôn guh tòmdră mơ bol khai, khai ai đào sreh tơnchơt ală cau pơnu bol khai dê, tòm hìu sàng goh bol khai dê, mơ ò nđàc sơngit di cau pơnu hala cau ơruh, cau kra hala cau ryŭ ryơm; mơ Kơnràñ jào jơh ală phan hơ̆ tòm tê Nebukatnessar.

Đơs Crih 63:10

Bol khai rơp kong tơnchơt mơ đào, Lơh gơs phan sa so brê in.

Đơs Crih 63:11

Mơya cau bơtau rơp chò hòp tòm Yàng Tom Trồ; Jơh ală cau lơi sơnio Kơnràñ mơ srat să gen rơp jòng să tòm Kơnràñ; Bơh bơr ală cau đơs blac rơp gơkòl tơmềm wơl.

Lik Ejiptơ 22:24

Bơta gơjrañ Añ jê rơp gơhào khuh, mơ Añ rơp ai đào tơnchơt bol mê, gen bau ùr bol mê dê rơp gơlik cau ùr bơnrau, mơ kòn bol mê rơp gơlik kòn đòi.

Esai 13:18

Àtak bol khai dê rơp tơnchơt ală cau pơnu, bol khai ò nđàc sơngit di kòn se, gar mat bol khai ò nđàc di ală kòn dềt.

Esai 9:16

Ală cau tề lam làng bol do neh lòt tìs nrah, mơ ală cau geh tề lam gơkòl roh rui.

Esai 9:17

Behơ̆ tàng, Yàng Jehôwa ò niam nùs di ală cau pơnu, mơ Kơnràñ kung rơp ò nđàc sơngit cau kòn đòi mơ cau ùr bơnrau, bơh kòp nă bol khai la cau ò duh rngòt mơ iơh bơsak, bơr lơi kung đơs jơnau bơrngơl gơla. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Jeremi 12:3

Khoai Yàng Jehôwa, Kơnràñ git añ! Kơnràñ gŏ añ, lòng sền añ, nùs añ gơwèt hơ Kơnràñ. Dan hwài bol khai kung be belàt kong tề tus hơ tiah tơnchơt, Ơn is bol khai tòm ngai tơnchơt in.

Jeremi 14:16

Ală cau mơ bol khai yal jơnau đơs hwơr hơ̆ in, bal mơ bau ùr, kòn klau, kòn ùr bol khai rơp gơkòl sơrbì tòm gùng ƀòn dờng Jerusalem dê kong đào tà mơ jơgloh rung. Tềng hơ̆ ò gơs cau lơi tơp bol khai, să tòm bol khai, ală bau ùr bol khai dê, ală kòn klau mơ ală kòn ùr bol khai dê. Añ rơp tuh bơta iơh bol khai dê hơđang bol khai!

Jeremi 15:7

Añ neh ai đồng nggum bol khai Di ală mpồng ƀòn dờng tòm lơgar do. Añ neh tă cèng bol khai mơ tơnroh làng bol Añ, bol khai neh ò pleh bơh gùng dà bol khai dê.

Jeremi 15:8

Ală cau ùr bơnrau bol khai dê sơlo gơbơtơl oă, rlau mơ bràs dàlềng dê. Añ neh cèng cau tơnroh tus tòm gùl ngai, Nàng sò tơm di mè ală cau pơnu dê. Añ neh cèng bơta jê sồt mơ rngòt rngơt, dùh hơđang ală mè dô bă nisơna.

Jeremi 50:30

Gen tàng, ală cau pơnu gơ rơp gơplơ̆ hơđang ală jơnum gùng ƀòn, mơ tòm ngai hơ̆, ală cau ling gơ dê rơp gơkòl tơnroh,” Yàng Jehôwa đơs behơ̆.

Jeremi 9:21

Bơh bơta chơt neh tus di mpồng dềt bol he dê, gơ neh mut tòm ală gơlang bol he dê, Tơnchơt ală kòn dềt tòm ală gùng, Mơ cau pơnu ơruh digùl hìu drà.

Ñìm Rac 1:15

Yàng Jehôwa neh sang lòi ală cau ling jak tòmlơh bơh digùl añ. Kơnràñ neh yal tŭ tơngai tòmdră mơ añ, jă trơm ală cau pơnu añ. Yàng Jehôwa jă trơm ală cau ơruh dềt Juda dê, kung be cau pat tơrnòm ño.

Ñìm Rac 5:3

Bol hi gơlik gơs kòn đòi, ò gơs bèp, mè bol hi dê gơlik gơs ùr bơnrau.

Ejekiel 16:38

Añ rơp cahrña mơ lơh glài ai kung be lơh glài ală cau ùr rềs àr bơrnàn mơ lơh gơhòr mhàm; Añ rơp tuh hơđang ai mhàm bơta sal tê bơh bơta gơjrañ dờng mơ bơta ƀoah pơrñat Añ jê.

Ejekiel 22:25

Ală cau gơnoar hwơr gơ dê neh bơyai bơtào kai gơrmơ̆i kung be klìu triă ơluh ơhùm kap crè phan kup geh gơ dê; bol khai crè sa làng bol, tòmpìt ai ală đam jàr mơ ală phan màng, lơh gơlik gơs oă cau ùr bơnrau tòm gơ.

Amôs 4:10

“Añ neh sồr pluh plàng tus digùl bol mê kung be Añ neh lơh tòm Ejiptơ. Añ tơnchơt ală cau klau pơnu bol mê dê mơ đào; Añ neh kup cèng ală ơseh bol mê dê. Añ neh lơh ƀô ồm bơh tòm sàl bol mê dê gơmut tòm trồm muh bol mê dê, bulah behơ̆ bol mê kung ò rê wơl mơ Añ,” Yàng Jehôwa đơs behơ̆.

Yal Wơl 32:25

Tòm gùng kong tơnroh bơh đào, mơ tòm dơlam hìu gơs bơta rngòt rngơt, cau pơnu mơ cau ơruh, kòn gam pô mơ cau kra sŏ kò kung behơ̆ sơl.

II Timôthe 4:14

Aleksandria la cau chài tiar kòng, neh lơh iơh di añ oă ngan; Yàng rơp sal wơl khai in jat be broă khai dê.

I Samuel 15:33

Mơya Samuel đơs lah: “Kung be đào mê dê neh lơh ală cau ùr ò gam kòn, Behơ̆, mè mê kung rơp ò gam kòn digùl ală cau ùr sơl.” Gen Samuel tơnchơt Agak di đap Yàng Jehôwa tòm Gilgal.