Jeremi 18:16 - Sră Goh 2018

¹⁶ Gen tàng lơgar bol khai gơlik ngềt ngơt, Lơh gơs bơta dơñŏ tơnhial sùm sùm; Kòp nă cau lòt gan gen mơp dơl Mơ rtơs bồ.

Jeremi 18:16 Mawu Ofanana

I Ală Bơtau 9:8

Hìu duh khoai do, rơp gơlik dô gơnru tơrlah tơrlơm, kòp nă lòt gan kung ai lơh krơi, sền òsơp mơ đơs lah: ‘Ñchi bơh tài Yàng Jehôwa neh lơh bơta be do gơwèt mơ lơgar do mơ hìu duh khoai do taih?’

II Yal Yau 29:8

Gen tàng, bơta gơjrañ Yàng Jehôwa dê neh tus hơđang Juda mơ Jerusalem; Kơnràñ neh lơh bol khai in gơlik gơs dô nơm phan rngòt rngơt cù kìr, ai lơh krơi mơ dơñŏ tơnhial be bol mê rgơi gŏ mơ mat tòm bol mê dê.

Đơs Crih 109:25

Ală cau yă añ bơtat bơtròh di añ; Tòm tŭ bol khai gŏ añ gen rơnggô bồ.

Đơs Crih 22:7

Jơh ală cau lơi gŏ añ gen dơñŏ tơnhial di añ, bol khai tong kơmbùng rtơs bồ mơ đơs lah:

Đơs Crih 44:14

Yàng lơh bol hi in be dô jơnau pơnđik digùl ală làng bol, mơ la dô jơnau dơñŏ tơnhial digùl ală làng bol.

Esai 37:22

gen do la jơnau Yàng Jehôwa neh đơs tòmdră mơ khai: ‘Cau ơruh dềt Siôn dê sền òsơp mơ dơñŏ tơnhial di mê. Kòn ùr Jerusalem rơnggô bồ bơh ngkòi mê.

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Jeremi 19:8

Añ rơp lơh ƀòn dờng do gơlik gơs dô nơm phan cau in dơñŏ tơnhial bơh ală bơta rung rài gơ dê.

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Jeremi 42:18

Ngan behơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Kung be bơta gơjrañ mơ bơta gơjrañ dờng Añ jê neh dùh hơđang làng bol Jerusalem mbe lơi, gen tŭ bol mê mut tòm Ejiptơ, bơta gơjrañ Añ kung rơp tuh tơlik bol mê in kàr hơ̆; tềng hơ̆ bol mê rơp lơh kai cau in srat sơntơm, cù kìr, srat rma, mơ sền òsơp; mơ bol mê kung rơp ò gŏ tiah do tai.’

Jeremi 44:12

Añ rơp ai cau Juda gam wơl, hơ̆ la ală cau neh lơh nền lòt hơ Ejiptơ nàng ơm tềng hơ̆; jơh tơl nă bol khai rơp kong tơnroh tềng hơ̆. Tòm Ejiptơ, bol khai rơp chơt bơh bơta kơlìn hala jơgloh rung, cau dềt bal mơ cau dờng rơp chơt bơh đào mơ jơgloh rung, lơh kai cau in dơñŏ tơnhial, cù kìr, sền òsơp.

Jeremi 48:27

Ai ngan neh òs dơñŏ tơnhial Israel. Kơlôi lah khai neh ò gơkòl kup digùl cau ntung kơñau, mơya tŭ lơi ai đơs bơh khai gen ai rtơs bồ!

Jeremi 49:13

Yàng Jehôwa đơs: “Bơh Añ neh sơnio să tòm Añ mơ srat să, Bôsra rơp gơlik gơs cù kìr mơ sền òsơp, kong phà tơrlah mơ srat sơntơm; ală ƀòn gơ dê rơp gơlik gơs dô gơnru lề lac jơl sùm sùm.”

Jeremi 49:17

Edôm rơp gơlik dô nơm phan cù kìr, kòp nă cau lòt gan rơp ai lơh krơi; gen dơñŏ tơnhial bơh bơta rung rài gơ dê.

Jeremi 50:13

Bơh bơta gơjrañ dờng Yàng Jehôwa dê, gơ rơp ò gơs cau ơm tai, Mìng gơlik gơs tiah lòi srau lơm; Ală cau lòt gan rềp Babilôn rơp rngòt rngơt, Mơ dơñŏ tơnhial bơh ală bơta sồt rmàñ gơ dê.

Jeremi 51:37

Babilôn rơp gơlik gơs gơnru tơrlah tơrlơm, Trồm so rhau ơm, Tiah ƀơ̆ iơh mơ bơrsèl tơnhial, Ò gơs làng bol ơm tai.

Jeremi 51:43

Ală ƀòn gơ neh gơlik bơta rngòt rngơt, Gơlik tiah ro rañ, ngềt ngơt, Ò gơs làng bol ơm, Ò gơs cau lơi lòt gan.

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Ñìm Rac 1:12

Ò gơs bơta lơi bol mê in! Ơ bol mê la ală cau lòt gan? Sền mơ rmê tĕ dilah gơs bơta moat jrùng lơi be bơta moat jrùng añ jê, la ală bơta neh cèng tus hơđang añ, hơ̆ la bơta Yàng Jehôwa neh lơh glài añ in tòm ngai Kơnràñ gơhào gơjrañ.

Ejekiel 12:19

Đơs tĕ mơ làng bol tòm lơgar lah: Do la jơnau Jehôwa Yàng Tom Trồ đơs bơh ală cau ơm tòm Jerusalem mơ ơm tòm lơgar Israel: ‘Bol khai rơp sa phan sa bol khai dê tòm bơta rngòt rngơt, mơ hùc dà bol khai dê tòm bơta kơlôi rngòt, bơh ală phan hơđang lơgar bol khai dê rơp gơkòl tă cèng jơh tài bơh bơta iơh bơsak jơh ală làng bol ơm tòm hơ̆.

Ejekiel 27:36

Ală cau kă bro digùl ală làng bol hwac di mê; mê neh tus hơ bơta lồi dut cù kìr ngan, mơ mê rơp sùm sùm ò gam tai!’”

Ejekiel 36:3

Gen tàng, đơs hwơr tĕ mơ đơs lah: “Jehôwa Yàng Tom Trồ đơs be do: ‘Tài bơh bol khai ngan neh phà tơnroh mơ sò tơm bol mê bơh kòp đah tồ lơh bol mê in gơlik gơs phan tòm gơrê bal mơ ală làng bol gam wơl tòm ală lơgar, mơ gơlik gơs phan đơs bơrsèl tơnhial mơ bơtat bơtròh digùl ală làng bol,’

Ejekiel 6:14

Añ rơp pò tê tòmdră mơ bol khai, Añ rơp lơh ù tiah hơ̆ gơlik gơs tiah srau gòi, tòm làm bă tiah lơi bol khai ơm, bơh ƀlàng ngềt ngơt tus di Riblah. Gen bol khai rơp git Añ la Yàng Jehôwa.”

Lebi 26:32

Añ rơp lơh lơgar gơlik gơs tiah sang lòi rhàng gòi, tian gơs ală cau sò tơm di bol mê ơm tềng hơ̆ kung ai lơh krơi ngan.

Lebi 26:43

Bơh lơgar bol khai dê pal kong bol khai sang lòi ngềt ngơt mơ rơp geh ơm rlô lơngai tòm ală nam Saƀat gơ dê tòm tŭ gơ ơm ngềt ngơt ò gơs mat bol khai dê. Bol khai pal kong lơh glài bơh ală bơta tồi glài bol khai dê, tài bơh bol khai sang lòi ală bơta boh lam Añ jê mơ cù kìr di ală bơta lơh nền Añ jê.

Mice 6:16

Mê neh prap gàr ală bơta sồr lam Ômri dê, mơ jơh ală broă lơh hìu Ahap dê, mê neh lòt jat ală bơta bơyai bol khai dê. Gen tàng Añ rơp lơh mê in kòl sang srau gòi, làng bol mê tòm bơta bơtat bơtròh; Behơ̆ mê rơp kong àñ bơta sền òsơp làng bol Añ jê.

Mathiơ 27:39

Ală cau lòt gan dơñŏ tơnhial, rtơs bồ,

Jơnau Niam Jat Mak 15:29

Ală cau lòt gan tềng hơ̆ dơñŏ tơnhial di Yàng Jesu, rtơs bồ mơ đơs lah: “Hơi! Mê la cau sòr tơrlah hìu duh khoai mơ bơtào gơs wơl tòm pe ngai,

Yal Wơl 28:59

gen Yàng Jehôwa rơp đùh oă bơta rung rài pal rngòt rngơt hơđang bol mê mơ hơđang ală kòn sau bol mê dê, ală bơta rung rài kơnjơ̆ ngan mơ gơ ơm jŏ jòng ngan, ală bơta kòp jê pal rngòt rngơt gơ ơm tòm jŏ ngai.

Yal Wơl 29:23

Jơh dô nơm lơgar rơp gơlik kung be dô bă tiah sang lòi gòi bơh neh ồs sa, gơs mìng boh mơ siau, ò tùc tam, ò phan lơi hòn lik, ò chi che biap nha lơi hòn tềng hơ̆. Gơ rơp gơlik gơs kung be bơta tơnroh Sôdôm mơ Gômôrơ, Atma mơ Sebôim mơ Yàng Jehôwa neh tơnroh tòm bơta gơjrañ dờng Kơnràñ dê.