Jeremi 18:11 - Sră Goh 2018

¹¹ Behơ̆ tàng tŭ do, yal tĕ mơ cau Juda mơ làng bol Jerusalem: ‘Yàng Jehôwa đơs be do: Do, Añ rcang bơta rung rài tòmdră mơ bol mê, mơ bơtào kai gơrmơ̆i tòmdră mơ bol mê. Tŭ do, jơh tơl nă bol mê pơrlac sang tĕ gùng iơh bol mê dê, mơ lơh niam wơl gùng dà mơ ală broă lơh bol mê dê!’

Jeremi 18:11 Mawu Ofanana

Sơnròp Gơlik Gơs 11:7

Behơ̆, Bol He mù lă, nàng lơh sơlồng sơlàng jơnau đơs bol khai dê, nàng bol khai in ò tòm wă jơnau đơs cau do mơ cau ne.”

I Ală Bơtau 22:23

Behơ̆ bơtau sền tĕ, Yàng Jehôwa neh ơn dô nơm hwềng đơs blac tòm bơr ală cau gơnoar hwơr bơtau dê, mơ Yàng Jehôwa neh lơh nền cèng bơta rung rài bơtau in.

II Ală Bơtau 17:13

Bulah Yàng Jehôwa yal tơnggit Israel mơ Juda in, bơh di ală cau gơnoar hwơr mơ ală cau git lài, lah: “Pơrlac tĕ bơh di ală gùng iơh bơsak bol mê dê, kơrmap gàr tĕ bơta sồr lam mơ bơta boh lam Añ jê, jat be jơh ală bơta boh lam Añ neh nting sồr ală ồng pàng bol mê dê, mơ Añ neh sồr bol mê bơh ală dĭ gơna Añ jê la ală cau gơnoar hwơr.”

II Ală Bơtau 22:13

“Lòt tĕ hòi dan mơ Yàng Jehôwa añ in, làng bol in, mơ jơh Juda in, bơh ală jơnau tòm sră pa geh jòi bàn. Bơh bơta gơjrañ Yàng Jehôwa dê gơhào tòmdră mơ bol he ngan la dờng, tài bơh ồng pàng bol he ò bài dòn bơr ală jơnau tòm sră do, mơ ò lơh jat ală bơta neh cih bol he in.”

II Ală Bơtau 5:5

Bơtau Aram đơs lah: “Gen lòt tĕ, añ rơp pơyoa dô pang sră pơyoa bơtau Israel in.” Khai lòt cèng bal jơt talơng priă, prau rbô đong màh, mơ jơt yô ào.

Esai 5:5

Tŭ do, Añ rơp yal bol mê in bơta Añ rơp lơh di suơn ño Añ jê: Añ rơp tă sang pơnggàr gơ dê, mơ gơ rơp kong sa loan; Añ rơp sòr tơrlah dơrñang gơ dê, mơ gơ rơp kong jă trơm.

Esai 57:1

Cau song ring chơt roh, ò gơs cau lơi ơn nùs kơlôi tus; Cau dòn duh kong tă tơlik, ò gơs cau lơi git wă lah cau song ring kong tă tơlik klàs bơh di bơta rung rài;

Jeremi 11:11

Gen tàng, Yàng Jehôwa đơs be do: ‘Añ rơp cèng bơta rung rài dùh hơđang bol khai, mơ bol khai ò rgơi pleh klàs; bulah bol khai rơp hòi dan mơ Añ, Añ rơp ò iat bol khai.

Jeremi 11:19

Ai añ, kung be belàt kòn lơbơn niam Kong tề tus hơ tiah tơnchơt, Mơ añ ò git bol khai bơtào kai tòmdră mơ añ, mơ lah: “Bol he tơnroh tĕ chi bal mơ plai, Bol he pơndut tĕ khai bơh lơgar cau kis, Tồ sơnđan khai rơp ò gam kah tai.”

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 19:3

Mê pal đơs lah: ‘Ơ ală cau bơtau Juda, mơ làng bol Jerusalem, iat tĕ jơnau Yàng Jehôwa dê. Yàng Jehôwa Gơnap Gơnoar, Yàng Tom Trồ Israel dê, đơs be do: Do, Añ rơp dùh bơta rung rài hơđang tiah do, tian gơs cau lơi kơno kung pal nggồr tồr;

Jeremi 25:2

la jơnau mơ cau gơnoar hwơr Jeremi neh đơs di đap làng bol Juda mơ jơh ală làng bol tòm Jerusalem lah:

Jeremi 25:5

Tòm tŭ ală cau hơ̆ đơs lah: ‘Kòp nă tòm bol mê sang tĕ gùng iơh he dê mơ rê wơl; sang tĕ broă lơh iơh bơsak bol mê dê, mơ ơm tòm lơgar mơ Yàng Jehôwa neh ai oh mi mơ ồng pàng oh mi in sùm sùm.

Jeremi 26:13

Tŭ do oh mi pal rcang wơl gùng dà mơ broă lơh oh mi dê, dòn bơr lơh jat tĕ jơnau đơs Jehôwa Yàng Tom Trồ oh mi dê, gen Yàng Jehôwa rơp tòmgơl bơh bơta rung rài mơ Kơnràñ neh yal tơnggit tòmdră mơ oh mi.

Jeremi 26:3

Digơlan bol khai rơp iat mê, mơ kòp nă rơp sang gùng iơh bol khai dê; tồ Añ in rơp tòmgơl nùs bơh bơta rung rài mơ Añ neh lơh nền tuh hơđang bol khai, bơh broă iơh bol khai neh lơh.

Jeremi 3:1

Yàng Jehôwa đơs: “Dilah dô nă cau klau sang lòi bau ùr khai dê, Mơ bau ùr lòt bau mơ cau klau ndai, Gen bau klau rơp rê wơl bau mơ cau ùr hơ̆ sơl? Bơta hơ̆ ò lơh lơgar in ngkòr ngkàc dờng ngan sơl ơ? Mê neh lơh gơlềng gơlàng mơ oă ngan cau gơboh, mơ mê kòñ rê wơl mơ Añ ơ?

Jeremi 3:22

“Ơ kòn sau pơrlơ̆ dră, rê wơl tĕ! Añ rơp sơm bơta ò dòn song bol mê dê.” Bol mê đơs lah: “Do, bol hi rê wơl mơ Kơnràñ, Bơh Kơnràñ la Jehôwa Yàng Tom Trồ bol hi dê.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Jeremi 36:3

Tồ cau Juda rơp git ală bơta rung rài lơh nền dùh hơđang bol khai, nàng kòp nă rê wơl sang gùng iơh he, tồ Añ in rgơi toh bơta iơh bơsak mơ tồi glài bol khai dê.”

Jeremi 36:7

Digơlan bol khai rơp hòi dan Yàng Jehôwa, mơ pleh bơh gùng iơh he; bơh bơta gơjrañ mơ bơta gơjrañ dờng Yàng Jehôwa neh yal tòmdră mơ làng bol do.”

Jeremi 4:1

Yàng Jehôwa đơs: “Ơ Israel, dilah mê rê wơl, Dilah mê rê wơl mơ Añ, Mơ dilah mê sang ală phan cù kìr ngài bơh di đap Añ, Mơ ò wañ lơnggơr.

Jeremi 4:14

Ơ Jerusalem, rào goh tĕ nùs bol mê dê bơh bơta iơh bơsak, Tồ mê in geh dong tă. Nđò jŏ mê lòi bơta bơyai iơh ơm tòm dơlam mê taih?

Jeremi 4:23

Añ sền di ù tiah, ne, gơ la roh lơm mơ brong gòi; mơ sền hơ ală tap trồ, gen ò gơs bơta àng.

Jeremi 4:6

Yò tơngguh tĕ bồng bi wèt hơ Siôn! Ntoat dô nàng geh dong tă, bañ lơh òbat! Bơh Añ cèng bơta rung rài bơh đah đang, mơ dô bơta gơprah gơpring dờng.

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Jeremi 7:3

Yàng Jehôwa Gơnap Gơnoar, Yàng Tom Trồ Israel dê, đơs be do: Rcang niam wơl tĕ ală gùng dà mơ broă lơh bol mê; mơ Añ rơp ơm mơ bol mê tòm tiah do.

Ejekiel 13:22

Tài bơh bol ai neh ai bơta đơs blac lơh gơplơ̆ nùs cau song ring tòm tŭ Añ ò lơh bol khai in moat jrùng, mơ tài bơh bol ai chồl nùs cau iơh bơsak nàng bol khai ò rê wơl bơh di ală gùng iơh bol khai dê tồ dong klàs bơta kis bol khai dê,

Ejekiel 18:23

Jehôwa Yàng Tom Trồ đơs lah: ‘Añ rơp niam nùs bơh bơta chơt cau iơh bơsak dê, sơl ơ? Gơsơlơ̆u wơl, ò di la Añ niam nùs tòm tŭ bol khai pơrlac wơl bơh di ală gùng dà bol khai dê mơ geh kis ò ơ?

Jôna 3:8

Kòn mơnus mơ phan poan jơng pal soh ƀào sơnò kiat, mơ bol khai pal hòi dan rac ròc dô bă pràn ngan mơ Yàng Tom Trồ. Kòp nă pal sang tĕ ală gùng iơh mơ bơta jàñ bơsak hơ̆ bơh tê bol khai lơh.

Mice 2:3

Behơ̆ tàng Yàng Jehôwa đơs be do: “Añ lòi wơl dô bơta iơh tòmdră mơ làng bol do, bol mê ò rgơi hồ bơh di ngko bol mê dê; mơ bol mê ò rgơi cơnđòa lòt pò bồ; bơh hơ̆ rơp la dô tŭ tơngai iơh rmơh ngan.

Sacari 1:3

Gen tàng đơs tĕ mơ bol khai lah, Yàng Jehôwa Gơnap Gơnoar Dờng Làm Jơh đơs be do: ‘Rê wơl tĕ hơ Añ.’ Yàng Jehôwa Gơnap Gơnoar Dờng Làm Jơh đơs: ‘Gen Añ rơp rê wơl hơ bol mê.’ Yàng Jehôwa Gơnap Gơnoar Dờng Làm Jơh đơs behơ̆.

Broă 26:20

Mơya sơnròp ngan tòm Damas, tòm Jerusalem mơ làm jơh lơgar Jude, lồc behơ̆ tus di ală làng bol bơdìh, añ neh bơto yal lah pal gơjrañ sang glài mơ rê wơl hơ Yàng Tom Trồ, mơ lơh broă di pal mơ bơta gơjrañ sang glài.

Jakơ 4:13

Tŭ do, ơ oh mi la cau đơs lah: “Ngai do hala ngai hìng bol hi rơp lòt tus hơ ƀòn dờng ne, ơm tềng hơ̆ dô nam, kă bro mơ jòi cồng nha.”

Jakơ 5:1

Tŭ do, ơ oh mi la ală cau pas sơm! Ñìm rac tĕ, hòi driau tài bơh ală bơta rung rài rơp tuh hơđang bol mê.