Jeremi 18:10 - Sră Goh 2018

¹⁰ mơya dilah lơgar hơ̆ lơh bơta iơh di đap Añ mơ ò iat jơnau Añ, gen Añ rơp tòmgơl nùs bơh bơta lơngai mơ Añ lơh nền bol khai in.

Jeremi 18:10 Mawu Ofanana

Đơs Crih 125:5

Ai ală cau lòt jat gùng rkwet rkwe, Gen Yàng Jehôwa rơp lam bol khai lik ngài bal mơ cau lơh bơta iơh bơsak. Dan Israel in geh bơta lơngap lơngai!

Ejekiel 18:24

Mơya dilah dô nă cau song ring pơrlac wơl bơh di bơta song ring khai dê mơ tìs glài, mơ lơh ală bơta cù kìr ndròm bal be cau iơh bơsak lơh gen khai rơp geh kis sơl? Ò gơs dô nơm broă song ring lơi khai neh lơh rơp geh kah wơl. Tài bơh bơta ò dòn song gen khai kong lơh nền glài, mơ tài bơh tồi glài khai neh tìs gen khai rơp chơt.’

Ejekiel 33:12

Mơ mê, ơ kòn mơnus, đơs tĕ mơ làng bol mê dê lah: Bơta song ring cau song ring dê rơp ò dong klàs khai tòm tŭ khai tìs glài, mơ bơta iơh bơsak cau iơh bơsak dê rơp ò lơh khai in gơtup pừ tòm tŭ khai pơrlac sang bơta iơh bol khai dê. Mơ cau song ring rơp ò geh kis kơnòm bơta song ring bol khai dê tòm tŭ bol khai tìs glài.

Ejekiel 33:18

Tòm tŭ cau song ring pơrlac sang bơta song ring bol khai dê mơ lơh bơta iơh bơsak, gen bol khai rơp chơt bơh gơ.

Ejekiel 45:20

Bol mê kung pal lơh ndròm bal behơ̆ tòm ngai dơ̆ poh tòm kơnhai kòp nă cau lơi in tìs glài ò git hala tài bơh bơrngơl gơla; behơ̆ bol mê tơwài glài hìu duh khoai in.

Sôphôni 1:6

Mơ ală cau wèt ngkòi ò lòt jat Yàng Jehôwa, la ală cau ò jòi jat Yàng Jehôwa hala hòi lùp Kơnràñ.

Khà Làng Bol 14:22

ò gơs dô nă cau klau lơi neh sền gŏ bơta gơklŏ Añ jê mơ ală tềl krơi Añ neh lơh tòm Ejiptơ mơ tòm ƀlàng ngềt ngơt mơya neh ò dòn bơr Añ mơ lòng Añ jơt dơ̆,

Khà Làng Bol 14:23

ò gơs dô nă cau klau lơi tòm bol khai rơp sền gŏ lơgar mơ Añ neh srat să ho ai ală ồng pàng bol khai in. Cau lơi neh sền òsơp di Añ rơp ò gơs tŭ lơi sền gŏ ù tiah hơ̆.

Khà Làng Bol 14:34

Tòm poan jơt nam, dô nam ala dô ngai, tòm poan jơt ngai bol mê lòt rwang sền lơgar; bol mê rơp kong bòl glar tài bơh tồi glài bol mê dê mơ git bơta Añ tòmdră mơ bol mê la mbe lơi.

I Samuel 13:13

Samuel đơs mơ Sol lah: “Mê neh lơh dô bă bơrngơl gơla. Mê ò lơh jat jơnau Jehôwa Yàng Tom Trồ neh sồr mê, dilah mê neh lơh jat gen Kơnràñ neh bơt bơtào kơ̆ gơnoar at bồ mê dê hơđang Israel jơl sùm sùm.

I Samuel 15:11

“Añ wòl să bơh neh bơtào Sol lơh gơs bơtau at bồ, tài bơh khai neh pơrlac sang Añ mơ ò lơh gơlik gơs jat be jơnau Añ neh sồr khai.” Samuel gơjrañ ngan, khai rac dan mơ Yàng Jehôwa jơh mang.

I Samuel 15:35

Samuel ò tìp Sol tai jơl tus di ngai khai chơt, mơya Samuel ñìm rac bơh Sol. Mơ Yàng Jehôwa moat jrùng bơh neh bơtào Sol gơs bơtau at bồ Israel.

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.