Jeremi 17:8 - Sră Goh 2018

⁸ Khai kung be chi tam di gah croh dà, Sro ryas jat gùng dà hòr; Gơ rơp ò rngòt tŭ bơta duh trơàl tus Mơ nha kư̆ tơlir niam sùm. Di sơnam prang jòng kung ò kơlôi rngòt, Kư̆ gơlik plai sùm ò dơh.

Jeremi 17:8 Mawu Ofanana

Sră Jop 29:19

Ryas añ sro lik tus hơ ală dà, mơ dà tŭ rơp ơm jơh mang hơđang ală ntê añ jê.

Sră Jop 8:16

Cau iơh bơsak bơtào tơngguh di đap mattơngai, gơ gơcat ntê pa làm jơh tòm suơn.

Đơs Crih 1:3

Cau hơ̆ kung be chi tam di gah hiòng dà, Gơlik plai jat kơnhai sơnam, Nha gơ kung ò ro jrùh sơl. Ală bơta khai lơh rơp gơlik cồng nha.

Jơnau Pơnđik 11:28

Cau lơi dòn kơnòm bơta pas sơm bol khai dê rơp gơkòl ro rañ; Ai cau song ring rơp be nha chi tơlir niam.

Esai 58:11

Yàng Jehôwa rơp kư̆ tề lam bol mê sùm sùm; Kơnràñ lơh bol mê in hừh nùs ală bơta pal càng tòm dô nơm lơgar rañ rsơh, mơ lơh ntìng bol mê in pràn kơldang. Bol mê rơp gơlik gơs kung be dô nơm suơn geh tuh dà, be dô nơm dà croh ò gơs tŭ lơi soat.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Jeremi 39:18

Bơh Añ ngan rơp dong klàs mê, mê rơp ò gơpừ hơđơm lơmpiat đào; mê rơp geh lik klàs bơh bơta chơt be phan dòp geh bơh bơta tòmlơh, bơh mê neh ơn nùs dòn kơnòm di Añ,’ Yàng Jehôwa đơs behơ̆.”

Ejekiel 31:3

Ơn nùs kơlôi tĕ bơh Asiri, bơh lài gơ la dô đòm chi nho rề tòm Liban, gơs ală ntê hàng mơnĕ, mƀur jơm gòm jơh brê me; gơ jơnhoa ngan hơđang, cồng gơ ơm digùl ală mhwal.

Ejekiel 47:12

Tơl ală jơi chi gơs plai di sa rơp hòn di bàr gah hiòng dà. Nha gơ rơp ò ro jrùh, plai gơ kung ò tŭ lơi jơh. Kòp kơnhai dô dơ̆ gơ gơs plai, tài bơh dà gơhòr bơh di tiah sàng goh tus di gơ. Plai gơ rơp ngui lơh gơs phan sa mơ nha gơ ngui nàng sơmbòi kòp jê.”