Jeremi 17:4 - Sră Goh 2018

⁴ Bơh broă lơh să tòm bol mê dê Bol mê rơp lơh roh sre brê Añ neh ai mê in; Añ rơp kup mê duh broă cau sò tơm mê Tòm dô nơm lơgar mơ mê òhềt git; Bơh tòm bơta gơjrañ Añ jê be ồs neh sing mơ rơp sa hơng sùm sùm.

Jeremi 17:4 Mawu Ofanana

I Ală Bơtau 9:7

gen Añ rơp tă tơlik Israel bơh di ù tiah Añ neh ai bol khai in, mơ rơp tă tơlik bơh di đap mat Añ hìu mơ Añ neh ơn is sàng goh sơnđan Añ in, mơ Israel rơp gơlik gơs jơnau đơs pơnđik mơ bơta dơñŏ tơnhial digùl jơh ală làng bol.

II Ală Bơtau 25:21

Bơtau Babilôn sồr tơnchơt bol khai tòm Ripla, tòm tiah Hamat. Behơ̆, cau Juda kong kup cèng lik bơh lơgar tòm bol khai dê.

Nehemi 9:28

Mơya tòm tŭ bol khai neh geh bơta ring lơngai rau, gen bol khai neh lơh wơl ală bơta iơh bơsak di đap Kơnràñ, gen tàng Yàng neh phi bol khai tòm tê cau sò tơm nàng cau sò tơm at bồ bol khai. Mơya tòm tŭ bol khai neh rac dan mơ Kơnràñ gen Kơnràñ neh kơno bơh đang trồ, mơ tài bơh nùs kòñ nđàc Kơnràñ dê gen Kơnràñ neh dong klàs bol khai oă dơ̆.

Esai 14:3

Tòm tŭ Yàng Jehôwa ai bol mê in rlô bòl, bơh bơta jê sồt, dơrcul, lơh broă kơnjơ̆ bơh dê ală cau rồn bơklơn mê,

Esai 30:33

Bơh Tôphet neh rcang bơh jŏ rau; gơ geh rcang sir cau bơtau in. Brong ồs gơ dê jrô mơ ơnàng, gơs ồs mơ lòng oă ngan; nhơm tă Yàng Jehôwa dê kung be dô nơm croh siau sa hơng gơ.

Esai 5:25

Tài behơ̆ tàng bơta gơjrañ Yàng Jehôwa dê gơhào khuh tòmdră mơ làng bol Kơnràñ dê; Kơnràñ neh pò tơlik tê sòdră mơ lơh bol khai. Ală mơnơm gơlơnggơr, mơ ală ƀồc cau chơt kung be sù siă tòm ală gùng. Bơh bơta hơ̆, bơta gơjrañ Kơnràñ dê ò pleh ngài, mơ tê Kơnràñ gam pò tơlik.

Esai 50:11

Mơya tŭ do, jơh ală bol mê la cau sing ồs mơ rcang lài să tòm he in ală sơmpòl ồs; Ñă tĕ! Lòt tòm bơta àng ồs bol mê dê, mơ tòm bơta àng ală sơmpòl ồs mơ bol mê neh chu. Do la bơta mơ bol mê rơp dòp geh bơh tê Añ: Bol mê rơp bic tòm bơta jê sồt bòl glar.”

Esai 66:24

Bol khai rơp lik lòt mơ sền gŏ ƀồc chơt ală cau tòmdră mơ Añ; tu rhài bol khai dê rơp ò chơt, ồs bol khai dê kung rơp ò tŭ lơi chơt; mơ bol khai rơp la dô bơta ƀơ̆ ƀơl cù kìr jơh jơi poac să in.”

Jeremi 12:7

Añ neh sang hìu Añ; Neh sang lòi sre brê Añ; Neh jào phi làng bol mơ nùs Añ kòñ gơboh Tòm tê cau sò tơm khai dê.

Jeremi 15:14

Añ rơp lơh bol mê in duh broă ală cau sò tơm bol mê dê, Tòm dô nơm lơgar mơ bol mê òhềt git, Tài bơh tòm bơta gơjrañ Añ jê be ồs neh hơng, Mơ rơp chu pơrguc sùm sùm.”

Jeremi 16:13

Gen tàng Añ rơp sơrbì bol mê lik bơh lơgar do, mut tòm dô nơm lơgar mơ bol mê bal mơ ồng pàng bol mê dê kung òhềt tŭ lơi git, tềng hơ̆ bol mê rơp duh broă ală yàng hơ̆ mang mơ ngai; bơh Añ ò yal tơlik bơta nđàc bol mê in tai.’”

Jeremi 18:23

Ơ Yàng Jehôwa, Kơnràñ git jơh kai gơrmơ̆i bol khai dê nàng tơnchơt añ. Dan bañ toh bơta iơh bơsak bol khai dê, Bañ jùt tồi glài bol khai dê bơh di đap mat Kơnràñ; Lòi bol khai gơtup pừ di đap Kơnràñ; Dan lơh di bol khai tòm ngai gơhào gơjrañ Kơnràñ dê!

Jeremi 2:14

Israel la dô nă cau dĭ ơ? Khai la cau duh broă deh tòm hìu ơ? Ñchi bơh tài khai gơkòl phi tòm bơta tòmpìt sơmbrơt taih?

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 22:28

Behơ̆ Jekônia do ngan la dô nơm gri bơcah mơ kong sền òsơp sơl? Dô nơm gri ò gơs cau lơi kòñ ơ? Ñchi bơh tài khai mơ kòn sau khai kong sang tơlik, Kong sang ngài tus tòm dô nơm lơgar bol khai òhềt tŭ lơi git taih?

Jeremi 5:19

Gen tòm tŭ làng bol mê đơs lah: ‘Ñchi bơh tài Jehôwa Yàng Tom Trồ bol he dê neh lơh ală bơta do bol he in taih?’ gen mê pal yal bol khai in lah: ‘Kung be bol mê neh sang lòi Añ mơ duh broă ală yàng cau bơdìh tòm lơgar he mbe lơi, gen bol mê kung rơp duh broă ală làng bol bơdìh tòm dô nơm lơgar ò gơrê bal mơ bol mê behơ̆ sơl.’

Jeremi 5:29

Yàng Jehôwa đơs: “Añ rơp ò lơh glài bol khai bơh ală bơta hơ̆ ơ? Mơ Añ rơp ò cèng bơta sal tê hơđang dô nơm lơgar behơ̆ ơ?

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Ñìm Rac 1:12

Ò gơs bơta lơi bol mê in! Ơ bol mê la ală cau lòt gan? Sền mơ rmê tĕ dilah gơs bơta moat jrùng lơi be bơta moat jrùng añ jê, la ală bơta neh cèng tus hơđang añ, hơ̆ la bơta Yàng Jehôwa neh lơh glài añ in tòm ngai Kơnràñ gơhào gơjrañ.

Ñìm Rac 5:2

Sre brê bol hi neh gơrê tòm tê ală cau crih mat, Hìu đam bol hi dê gơrê mơ cau lơgar bơdìh.

Ejekiel 21:31

Añ rơp tuh bơta gơjrañ dờng Añ jê hơđang bol mê mơ khồm ồs bơta gơjrañ Añ jê hơđang bol mê, Añ rơp jào phi bol mê tòm tê ală cau iơh rmơh ngan, jak chài tòm bơta tơnroh.

Ejekiel 7:24

Añ rơp cèng tus dô làng bol iơh bơsak rlau jơh tòm ală làng bol nàng tòmpìt ai ală hìu bol khai dê; Añ rơp tơnlồi bơta jòng să cau pràn kơldang dê, mơ ală tiah duh khoai bol khai dê rơp kong lơh gơlik gơs ƀơ̆ ƀơl.

Yal Wơl 28:25

Yàng Jehôwa rơp lòi bol mê kong alah di đap ală cau sò tơm bol mê dê. Bol mê rơp bơh dô đah brồ lơh bol khai mơya rơp ntoat dô tòm poh đah, mơ bol mê rơp gơlik gơs dô nơm phan cù kìr di đap jơh ală lơgar hơđang ù.