Jeremi 17:27 - Sră Goh 2018

²⁷ Mơya dilah bol mê ò bài iat Añ nàng ơn is ngai Saƀat gơlik gơs ngai sàng goh, mơ tòm ngai Saƀat tui ơnòng mơ mut tòm mpồng ƀòn dờng Jerusalem, gen Añ rơp ơn ồs di mpồng theng, ồs hơ̆ rơp chu pơrguc gơlang bơtau tòm Jerusalem, mơ rơp ò geh đơp chơt ò.’”

Jeremi 17:27 Mawu Ofanana

II Ală Bơtau 22:17

Tài bơh làng bol Juda neh sang lòi Añ, chu kơlhô ală yàng ndai in, bơrcek Añ gơjrañ bơh ală broă tê bol khai dê, gen tàng bơta gơjrañ Añ rơp gơhào khuh mơ tiah do, ò tŭ lơi rài.

II Ală Bơtau 25:9

Khai chu hìu duh khoai Yàng Jehôwa, gơlang bơtau dê, mơ ală hìu tòm ƀòn dờng Jerusalem; chu pơrguc jơh ală hìu dờng.

II Yal Yau 36:19

Bol khai ai ồs chu hìu duh khoai Yàng Tom Trồ dê mơ lơh tơrlah dơrñang ƀòn dờng Jerusalem dê; chu jơh ală gơlang bơtau mơ tơnroh jơh ală phan kas màng.

Đơs Crih 122:7

Dan bơta ring lơngai ơm đah dơlam dơrñang mê dê. Mơ dan ală theng kơp gàr mê dê geh ơm lơngap lơngai!”

Esai 1:20

Mơya dilah bol mê tòmdră mơ sang lòi, gen bol mê rơp gơkòl đào sa loan, bơh bơr Yàng Jehôwa dê neh đơs behơ̆.”

Esai 1:31

Cau gơnoar pràn rơp gơlik be dô nsồm sing ồs; mơ broă lơh khai dê be gơđat rnga ồs, bol khai mơ broă lơh bol khai dê rơp kong chu bal mơ gơp, ò gơs dô nă cau lơi đơp chơt gơ.”

Jeremi 17:24

Yàng Jehôwa đơs lah: ‘Dilah bol mê iat Añ, dilah bol mê ò tui ơnòng mut tòm mpồng ƀòn dờng hơ̆ tòm ngai Saƀat, dilah bol mê ơn is ngai Saƀat gơlik gơs ngai sàng goh mơ ò lơh broă tòm ngai hơ̆,

Jeremi 17:4

Bơh broă lơh să tòm bol mê dê Bol mê rơp lơh roh sre brê Añ neh ai mê in; Añ rơp kup mê duh broă cau sò tơm mê Tòm dô nơm lơgar mơ mê òhềt git; Bơh tòm bơta gơjrañ Añ jê be ồs neh sing mơ rơp sa hơng sùm sùm.

Jeremi 18:1

Jơnau Yàng Jehôwa đơs mơ Jeremi be do:

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 21:14

Yàng Jehôwa đơs: “Añ rơp lơh glài bol mê jat be cồng nha broă lơh bol mê dê; Añ rơp sing ồs tòm dơr brê bol mê, Ồs rơp sa loan jơh ală phan gùt dar gơ.”

Jeremi 22:5

Yàng Jehôwa đơs: Mơya dilah bol mê ò bài iat jơnau do, Añ srat să mơ să tòm Añ lah, hìu do rơp gơlik tiah lòi srau.’

Jeremi 32:29

Ală cau Kalde tòmlơh mơ ƀòn do rơp tus, ơn ồs mơ chu gơ, chu tơn ală hìu mơ cau neh ơn kơlhô Baal in hơđang rkàng hìu, mơ ơn phan pơdơng ñô ală yàng ndai, nàng bơrcek Añ gơjrañ.

Jeremi 39:8

Cau Kalde ngui ồs chu gơlang bơtau mơ hìu làng bol dê, phà tơrlah dơrñang ƀòn Jerusalem.

Jeremi 44:16

“Bơh bơta ồng ai sơnđan Yàng Jehôwa đơs mơ bol hi, gen bol hi ò bài iat ò.

Jeremi 49:27

“Añ rơp ai ồs chu dơrñang Damas, Gơ rơp chu pơrguc ală gơlang bơtau Benhadat.”

Jeremi 52:13

Khai chu hìu Yàng Jehôwa, gơlang bơtau, mơ jơh ală hìu ơm tòm Jerusalem. Ală hìu dờng cau màng ryŭ dê khai chu jơh.

Jeremi 6:17

Añ kung neh bơtào ală cau kơp gàr bol mê in; ‘Ai tĕ tồr iat ntas kơlwòk!’ Mơya bol khai đơs lah: ‘Bol hi rơp ò ai tồr iat!’

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Ñìm Rac 2:6

Kơnràñ neh lơh tơrlơm ală tum kung be dô nơm suơn; Kơnràñ neh tơnroh cơnòng duh khoai Kơnràñ dê; Yàng Jehôwa neh jùt sang tòm Siôn ngai pơjum sa mơ ngai Saƀat; Tòm bơta gơhào gơjrañ Kơnràñ dê, Kơnràñ neh sang tơlik bơtau mơ cau gơnoar ơn phan duh khoai.

Ñìm Rac 4:11

Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ejekiel 16:41

Bol khai rơp ai ồs chu ală hìu ai dê mơ lơh glài ai di đap oă cau ùr. Añ rơp pơndut bơta rềs àr dri tơlàr ai dê, mơ ai rơp ò tai ai jền tơngai ală cau ai kòñ gơboh in.

Ejekiel 21:15

Gen tàng ală nùs lề lac, mơ gơs oă cau rơp gơpừ. Añ neh ơn đào sreh tơnchơt di jơh ală mpồng mut tòm ƀòn bol khai dê. Ơ hơh! Đào neh tiar gơcrà be puhlèp, gơ neh cau at nàng sreh tơnchơt.

Ejekiel 21:3

mơ đơs mơ ù tiah Jerusalem lah: ‘Yàng Jehôwa đơs be do: Añ tus nàng tòmdră mơ mê. Añ rơp tă đào Añ jê bơh di sơmprồm nàng tơnroh bơh di mê ală cau song ring mơ ală cau iơh bơsak.

Ejekiel 22:8

Ai neh sền òsơp di ală phan sàng goh Añ jê, mơ lơh ƀơ̆ ƀơl ală ngai Saƀat Añ jê.

Ejekiel 23:38

Bol khai kung neh lơh bơta do Añ in: Tòm dô ngai bol khai neh lơh ngkòr ngkàc tiah sàng goh Añ jê, mơ sền òsơp ală ngai Saƀat Añ jê be ngai òs.

Sră Ôse 8:14

Israel neh hŭi Bơtau crơng gơs bol khai, mơ bơt bơtào ală hìu gơlang; Juda neh bơtơl oă ƀòn dờng kơ̆ cê. Mơya Añ rơp sồr ồs tus hơđang ală ƀòn dờng bol khai dê, mơ gơ rơp sa pơrguc jơh ală tiah kơ̆ cê hơ̆ bol khai dê.

Amôs 1:10

Añ rơp sồr ồs tus hơđang ală dơrñang ƀòn Tirơ, ồs hơ̆ rơp chu pơrguc jơh ală gơlang kơ̆ cê gơ dê.”

Amôs 1:12

Añ rơp sồr ồs tus hơđang Theman, gơ rơp chu pơrguc jơh ală gơlang kơ̆ cê Bôjra dê.”

Amôs 1:14

Behơ̆ Añ rơp sing ồs chu ală dơrñang ƀòn Rapbah, ồs hơ̆ rơp sa loan jơh ală gơlang kơ̆ cê gơ dê bal mơ ală jơnau hòi driau tòm ngai tòmlơh, bal mơ càl pràn tòm ngai càl rbut dờng.

Amôs 1:4

Behơ̆ Añ rơp sồr ồs tus hơđang hìu Hajael, mơ gơ rơp sa loan ală ƀòn dờng kơ̆ cê Benhadat dê.

Amôs 1:7

Añ rơp sồr ồs tus hơđang ală dơrñang ƀòn Gaja dê, gơ rơp sa loan jơh ală gơlang kơ̆ cê gơ dê.

Amôs 2:2

Añ rơp sồr ồs tus hơđang Môap, mơ gơ rơp chu pơrguc ală gơlang kơ̆ cê Keriôt dê. Môap rơp chơt digùl bơta nggồr nggàc, digùl ală jơnau hòi driau mơ ntas kơlwòk.

Yal Wơl 32:22

Bơh dô nơm ồs neh sa hơng bơh bơta gơjrañ dờng Añ jê, mơ chu pơrguc tus di tiah jrô lơgar làng ƀồc; gơ sa loan plai ù mơ ală phan gơlik bơh gơ, mơ chu tòm ồs ală mơnàng ală mơnơm dê.

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.