Jeremi 17:25 - Sră Goh 2018

²⁵ gen ală cau bơtau mơ ală cau kwang at bồ nggui hơđang sơbàn Dabit, rơp hào rơndeh, hào ơseh, bal mơ ală cau kwang at bồ cau Juda, bal mơ làng bol Jerusalem bơh mpồng theng hơ̆ mơ mut; mơ ƀòn dờng hơ̆ rơp gam wơl sùm sùm.

Jeremi 17:25 Mawu Ofanana

II Samuel 7:16

Hìu mê mơ lơgar bơtau mê dê rơp geh bơtào kơ̆ nền gam sùm sùm di đap mê; sơbàn mê rơp geh bơtào kơ̆ gam sùm sùm.’”

II Samuel 8:4

Dabit kup dô rbô rơndeh poh rhiang nă cau ling hào ơseh khai dê, mơ bàr jơt rbô ling lòt jơng. Dabit koh ară jơng jơh ală ơseh hwài rơndeh tòmlơh, mơya lòi tơl dô rhiang nơm ơseh hwài rơndeh tòmlơh lơm.

Lik Ejiptơ 12:14

Hơ̆ la ngai bol mê pal kah prap; tòm ală rài tơnơ̆ bol mê rơp pơjum hòn chò tòm ngai hơ̆ lơh gơs dô bơta pơjum sa dờng Yàng Jehôwa in, hơ̆ la dô bơta sồr lam gam sùm sùm.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 13:13

Gen mê đơs tĕ mơ bol khai lah: ‘Yàng Jehôwa đơs be do: Ne, Añ rơp lơh jơh ală làng bol tòm lơgar do, ală cau bơtau nggui hơđang sơbàn Dabit, ală cau gơnoar ơn phan duh khoai, ală cau gơnoar hwơr, mơ jơh làng bol Jerusalem bơñul ñô.’

Jeremi 22:2

mơ đơs lah: ‘Ơ bơtau Juda dê, nggui hơđang sơbàn Dabit, mê bal mơ dĭ gơna mê mơ làng bol mê mut tòm ală mpồng do, iat tĕ jơnau Yàng Jehôwa dê!’

Jeremi 22:30

Yàng Jehôwa đơs be do: “Cih tĕ cau do tòm ală cau ò gơs kòn sau, Tòm ală cau jơh rài kis ò geh cồng nha; Bơh jơh kòn sau khai rơp ò gơs dô nă cau lơi bơtoah bơtoài, nggui hơđang sơbàn Dabit mơ at bồ tòm Juda tai!”

Jeremi 22:4

Bơh dilah ngan bol mê dòn bơr mơ lơh jat bơta do, gen rơp gơs bơtau nggui hơđang sơbàn Dabit, cau hào rơndeh mơ ơseh, khai bal mơ dĭ gơna khai mơ làng bol khai rơp mut bơh ală mpồng do.

Jeremi 25:5

Tòm tŭ ală cau hơ̆ đơs lah: ‘Kòp nă tòm bol mê sang tĕ gùng iơh he dê mơ rê wơl; sang tĕ broă lơh iơh bơsak bol mê dê, mơ ơm tòm lơgar mơ Yàng Jehôwa neh ai oh mi mơ ồng pàng oh mi in sùm sùm.

Jeremi 33:15

Tòm ală ngai hơ̆ mơ tŭ tơngai hơ̆, Añ rơp lơh dô nơm Ntê bơta song ring gơcat Dabit in; Bơtau hơ̆ rơp lơh gơs bơta song ring song ngan tòm lơgar do.

Jeremi 33:17

Mơ tai, Yàng Jehôwa đơs be do: ‘Dabit rơp ò siơ̆u dô nă cau klau nàng nggui hơđang sơbàn hìu Israel;

Jeremi 33:21

gen sồng rgơi tơnroh bơta ho bal Añ jê mơ Dabit, dĭ gơna Añ, mơ khai rơp ò gơs kòn sau at bồ hơđang sơbàn khai tai, mơ tơnroh bơta ho bal Añ jê bal mơ ală cau gơnoar ơn phan duh khoai, hơ̆ la cau Lebi, cau duh broă Añ.

Jeremi 7:3

Yàng Jehôwa Gơnap Gơnoar, Yàng Tom Trồ Israel dê, đơs be do: Rcang niam wơl tĕ ală gùng dà mơ broă lơh bol mê; mơ Añ rơp ơm mơ bol mê tòm tiah do.

Jeremi 7:7

gen Añ rơp ơm bal mơ bol mê tòm tiah do, tòm ù tiah mơ Añ neh ai ồng pàng bol mê in bơh rài yau jơl tus sùm sùm ò lồi.

Yal Wơl 17:16

Rlau mơ hơ̆, cau bơtau ò di bơt bơtào he in dô mpồl gal ngan ơseh hala sồr làng bol rê wơl hơ Ejiptơ nàng jòi bơtơl tai ơseh, bơh Yàng Jehôwa neh đơs mơ bol mê lah: ‘Bol mê ò di rê wơl gùng hơ̆ tai.’

Hebrơ 12:22

Mơya oh mi neh tus hơ mơnơm Siôn, tus hơ ƀòn dờng Yàng Tom Trồ gam kis sùm, la Jerusalem hơđang trồ, tus hơ tơlak tơmàn cau gơnrơh jơnum bal,

I Samuel 8:11

Khai đơs lah: “Do la bơta cau bơtau at bồ bol mê dê rơp lơh hơđang bol mê: Khai rơp kup ală kòn klau bol mê dê at ală rơndeh lòs tòmlơh mơ lơh gơs ală cau ling hào ơseh, mơ ntoat lài mơ ală rơndeh lòs tòmlơh khai dê.