Jeremi 17:23 - Sră Goh 2018

²³ Mơya, bol khai ò bài iat, ò bài ơn tồr kơno; bol khai kơldang ngko mơ ò bài iat Añ mơ ò bài dòp jơnau nting sồr.’

Jeremi 17:23 Mawu Ofanana

Đơs Crih 50:17

Bơh mê gơjrañ kơuềng di bơta lơh glài tơmàl, Ală jơnau đơs Añ jê mê sang lòi đah ngkòi mê dê.

Jơnau Pơnđik 1:3

Nàng dòp geh jơnau bơto sồr tòm bơta lơh lòt chài rgơi, Bơta song ring, bơta cahrña song ngan mơ bơta ring bal;

Jơnau Pơnđik 1:5

Lòi ală cau jak chài in kung kơno mơ geh bơtơl bơta git jak, Mơ cau git kơlôi sơwì dòp geh bơta chài rgơi,

Jơnau Pơnđik 29:1

Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

Jơnau Pơnđik 5:12

Mơ kòn đơs lah: “Ôih, ñchi bơh tài añ gơjrañ di bơta lơh glài tơmàl, Mơ nùs añ sền òsơp di bơta lah pơrhơng taih?

Jơnau Pơnđik 8:10

Dòp tĕ bơta bơto sồr añ, bañ dòp leng jền priă, Bơta git jak rlau mơ sac rwah màh;

Esai 48:4

Bơh Añ neh git mê kơldang nùs la kàr lơi; mơ ară ngko mê dê la lòs, bìng liang mê dê la kòng.

Jeremi 11:10

Bol khai wèt wơl hơ tồi glài iơh bơsak ồng pàng bol khai dê bơh yau òr, la ală cau neh ò bài iat jơnau Añ; bol khai neh lòt jat ală yàng ndai mơ duh broă bol gơ. Hìu Israel mơ hìu Juda neh sang lòi bơta ho bal mơ Añ neh bơt bơtào bal mơ ồng pàng bol khai dê.

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 32:33

Bol khai ò wèt mat mơ Añ, mơya wèt ngkòi. Bulah Añ neh bơto sồr bol khai, guh gòñ mơ bơto tơngkah, mơya bol khai ò bài iat, ò dòp bơta bơto sồr.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Jeremi 6:8

Ơ Jerusalem, dòp tĕ bơta bơto tơnggit, hala Añ rơp sang lòi ai tòm ngkòr ngkàc, Mơ lơh ai in gơlik gơs tiah rhàng srau, dô bă tiah ò gơs cau ơm.”

Jeremi 7:28

Mê pal yal bol khai in lah: ‘Do la làng bol ò iat jơnau Jehôwa Yàng Tom Trồ bol khai dê, mơ ò bài dòp bơta bơto pơnniam. Bơta song ngan neh roh rau, neh tă tơlik bơh bơr bol khai.

Ejekiel 20:13

Mơya hìu Israel tòmdră mơ Añ tòm ƀlàng ngềt ngơt; bol khai ò lơh jat jơnau sồr Añ jê, mơya sang lòi ală bơta sồr lam Añ jê, bulah cau lơi lơh jat gen rơp geh kis bơh gơ, mơ bol khai neh sền òsơp oă ngan di ală ngai Saƀat Añ jê. Behơ̆ Añ neh kơlôi Añ rơp tuh bơta gơjrañ dờng Añ jê hơđang bol khai tòm ƀlàng ngềt ngơt, nàng tơnroh bol khai.

Ejekiel 20:16

Tài bơh bol khai neh sang lòi ală bơta boh lam Añ jê, mơ ò lơh jat ală jơnau sồr Añ jê, mơ sền òsơp di ală ngai Saƀat Añ, bơh nùs bol khai wèt hơ ală rùp ràk bol khai dê.

Ejekiel 20:21

Mơya ală kòn sau pơrlơ̆ dră mơ Añ; bol khai neh ò lơh jat ală jơnau sồr Añ jê, bol khai neh ò kơrhia prap gàr ală bơta boh lam Añ jê, bơh cau lơi lơh jat gen kòp nă rơp geh kis; mơ bol khai sền òsơp di ală ngai Saƀat Añ jê. Gen Añ kơlôi Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm ƀlàng ngềt ngơt.

Sôphôni 3:7

Añ neh đơs is lah: “Ngan ƀòn dờng rơp duh rngòt di Añ, mơ gơ rơp dòp bơta bơto lơh niam wơl, tiah gơ dê rơp ò kong tơnroh, gơ rơp ò roh jơh ală bơta Añ neh cèng tus hơđang gơ.” Mơya bol khai sơlo lin rlau tai lơh ală bơta iơh rmơh.

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!

Ală Kwang Cahrña 6:10

Añ neh đơs mơ bol mê lah: “Añ la Jehôwa Yàng Tom Trồ bol mê dê, bol mê bañ duh khoai ală yàng ală làng bol Amôr dê tòm lơgar lơi bol mê ơm,” mơya bol mê ò bài ơn tồr iat jơnau Añ jê.’”