Jeremi 17:22 - Sră Goh 2018

²² Tòm ngai Saƀat, bañ tui ơnòng lik lòt bơh hìu bol mê dê, kung bañ lơh broă lơi; mơya ơn is tĕ ngai Saƀat gơlik gơs sàng goh, kung be Añ neh nting sồr ồng pàng bol mê dê.

Jeremi 17:22 Mawu Ofanana

Nehemi 13:15

Tòm ală ngai hơ̆, añ gŏ cau tòm Juda pat plai ño tòm ngai Saƀat. Gơs cau cèng kòi hơđang alàng, mơ kung pơdiang tơrnòm, plai ño, plai ƀal, mơ ală phan ndai hơ Jerusalem tòm ngai Saƀat. Behơ̆ tàng añ neh bơto pơrhơng bol khai bơh bơta tac phan sa tòm ngai hơ̆.

Lik Ejiptơ 23:12

Lơh tĕ broă bol mê dê tòm prau ngai, mơya tòm ngai poh gen bañ lơh broă, tồ kơnrồ mơ alàng bol mê dê geh rlô, mơ cau dĭ deh tòm hìu mê dê bal mơ cau làng bơdìh rgơi geh bơtơl pràn wơl.

Esai 58:13

Dilah bol mê prap gàr jơng bol mê dê nàng ò lơh tìs ngai Saƀat, bơh ting jat nùs bol mê kòñ tòm ngai sàng goh Añ jê; dilah bol mê sơnđan ngai Saƀat la ngai bol mê niam nùs, mơ ngai sàng goh Yàng Jehôwa dê la pal ki ngàm; mơ dilah mê ki ngàm di ngai hơ̆ mơ ò lòt tòm gùng is bol mê dê, mơ ò lơh jat nùs bol mê kòñ, hala đơs ală jơnau ò kwơ;

Jeremi 17:24

Yàng Jehôwa đơs lah: ‘Dilah bol mê iat Añ, dilah bol mê ò tui ơnòng mut tòm mpồng ƀòn dờng hơ̆ tòm ngai Saƀat, dilah bol mê ơn is ngai Saƀat gơlik gơs ngai sàng goh mơ ò lơh broă tòm ngai hơ̆,

Ejekiel 20:12

Añ kung neh ai bol khai in ală ngai Saƀat Añ jê be dô nơm tềl digùl Añ mơ bol khai, nàng bol khai in git lah Añ la Yàng Jehôwa neh lơh bol khai in gơlik gơs sàng goh.

Ejekiel 22:8

Ai neh sền òsơp di ală phan sàng goh Añ jê, mơ lơh ƀơ̆ ƀơl ală ngai Saƀat Añ jê.

Lebi 19:3

Kòp nă bol mê pal ki ngàm di mè bèp he dê, mơ bol mê pal prap gàr ngai Saƀat Añ jê. Añ la Jehôwa Yàng Tom Trồ bol mê dê.

Lebi 23:3

Gơs prau ngai nàng bol mê lơh broă, mơya ngai poh la dô ngai Saƀat nàng rlô, dô ngai pơjum sàng goh. Bol mê bañ lơh broă lơi; bulah bol mê ơm tiah lơi, hơ̆ la ngai Saƀat Yàng Jehôwa in.

Sacari 1:4

Bañ lơh kung be ồng pàng bol mê dê la cau mơ ală cau gơnoar hwơr tòm rài yau neh yal tơnggit bol khai in lah: Yàng Jehôwa Gơnap Gơnoar Dờng Làm Jơh đơs be do: ‘Pơrlac sang tĕ bơh di gùng iơh mơ bơh broă lơh iơh bol mê dê.’ Mơya bol khai ò bài iat, mơ kung ò ơn nùs tồr iat Añ, Yàng Jehôwa đơs behơ̆.

Luka 23:56

Gen rê wơl, rcang ală sơnơm ƀô mơ mơñà ƀô bơlhu. Di di ngai Saƀat bol khai ơm rlô jat be bơta sồr lam.

Luka 6:5

Kơnràñ đơs lah: “Kòn Mơnus la Yàng ngai Saƀat dê.”

Yal Tơlik 1:10

Tòm ngai Yàng dê añ gơs Yàng Hwềng lơh rngoh rngac, mơ añ kơno bơh tơnơ̆ añ gơs jơnau ntas dờng be kơlwòk lah: