Jeremi 17:12 - Sră Goh 2018

¹² Sơbàn gơklŏ geh bơtào gơs bơh sơnròp, Hơ̆ la Hìu Duh Khoai Sàng Goh bol he dê!

Jeremi 17:12 Mawu Ofanana

Đơs Crih 103:19

Yàng Jehôwa neh bơtào kơ̆ sơbàn Kơnràñ dê hơđang ală tap trồ, Lơgar Kơnràñ dê at bồ hơđang jơh ală bơta.

Đơs Crih 96:6

Bơta jòng ro mơ bơta ryŭ ryơm ơm di đap Kơnràñ; Bơta pràn kơldang mơ bơta hàng mơnĕ ơm tòm tiah sàng goh Kơnràñ dê.

Esai 6:1

Tòm nam bơtau Ôsia sang rài, añ gŏ Yàng Jehôwa nggui hơđang dô nơm sơbàn jơnhoa ngan, tiang ào jrùh Kơnràñ dê bềng hìu duh khoai.

Esai 66:1

Yàng Jehôwa đơs be do: “Trồ la sơbàn Añ, mơ plai ù la kơrnòl jơng Añ. Bol mê rơp bơt hìu mbe lơi Añ in taih? Mơ tiah ơm rlô bòl Añ jê mbe lơi taih?

Jeremi 14:21

Bơh sơnđan Kơnràñ dê, bañ bơtrơh tơlik bol hi, bañ sền òsơp sơbàn gơklŏ Kơnràñ dê! Dan kah wơl mơ bañ sang lòi jơnau ho bal Kơnràñ dê mơ bol hi.

Jeremi 3:17

Tòm rài hơ̆ cau rơp sơnđan Jerusalem la sơbàn Yàng Jehôwa dê, mơ jơh ală lơgar gen pơjum wơl tòm Jerusalem, bơh sơnđan Yàng Jehôwa; mơ ò cơnđòa jat bơta kră kơldang nùs iơh bơsak he dê tai.

Ejekiel 1:26

Mơ đah hơđang dơwàng hơđang bồ bol gơ dê gơs gơlơh kung be dô nơm sơbàn mơ lŭ màng tơlir trồ; mơ hơđang sơbàn gơs gơlơh kung be dô nă kòn mơnus.

Ejekiel 43:7

Khai đơs mơ añ lah: “Ơ kòn mơnus, do la tiah ơn sơbàn Añ jê, mơ la tiah ơn kơndòl jơng Añ jê. Do la tiah Añ rơp ơm sùm sùm digùl kòn sau Israel. Hìu Israel, bol khai hala ală cau bơtau bol khai dê, rơp ò tŭ lơi lơh ƀơ̆ ƀơl tai sơnđan sàng goh Añ jê bơh bơta dri tơlàr bol khai dê, mơ bơh ală rùp ràk ò gơs bơta kis ală cau bơtau bol khai dê hơđang ală tiah jơnhoa.

Mathiơ 25:31

“Tòm tŭ Kòn Mơnus ơm tòm bơta gơklŏ Kơnràñ dê tus bal mơ jơh ală cau gơnrơh, gen Kơnràñ rơp nggui hơđang sơbàn gơklŏ.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Hebrơ 4:16

Behơ̆ bol he kơ̆ tĕ nùs tus rềp di sơbàn Bơtau ai bơta nđàc dê, nàng dòp geh bơta nđàc sơngit mơ jòi geh bơta kòñ nđàc nàng dong kòl bol he tòm tŭ pal càng.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.