Jeremi 17:11 - Sră Goh 2018

¹¹ Cau lơi geh pas gơs ò jat bơta song ring, Kung be sềm tap tra krơm tap mơ gơ ò tap; Tus di nggùl rài, khai kong roh jơh, mơ tòm ngai lồi dut khai gơlik gơs cau bơrngơl gơla.

Jeremi 17:11 Mawu Ofanana

Sră Jop 20:21

Ò gơs phan lơi gam wơl tơnơ̆ mơ tŭ bol khai neh sa; gen tàng bơta pas gơs bol khai dê ò gam jŏ.

Đơs Crih 49:13

Hơ̆ la bơta lồi dut ală cau bơrngơl gơla. Bal mơ jơh ală cau jòi jat bơta niam nùs bol khai dê. (Selah)

Đơs Crih 55:23

Mơya, ơ Yàng Tom Trồ, Yàng rơp tơmut bol khai tòm trồm bơta roh rui; Hơ̆ la cau kòñ lơh gơtuh mhàm mơ cau blac pơrlồm ò geh kis tus digùl ngai Yàng neh lơh nền bol khai in. Ai añ, añ rơp dòn kơnòm di Yàng.

Jơnau Pơnđik 13:11

Phan mơna ò di pal ngan pal kong roh gơcoh; Ai cau lơi kư̆ dòñ prap rơp geh bơtơl oă.

Jơnau Pơnđik 15:27

Cau hàm hà cồng nha ò song ring lơh sơlồng sơlàng hìu bol khai dê; Ai cau gơjrañ phan sa loă rơp geh kis.

Jơnau Pơnđik 21:6

Phan mơna geh bơh lơmpiat blac pơrlồm, hơ̆ la nhơm tă mhar jơh la dă pơt bơta chơt.

Jơnau Pơnđik 23:5

Kòn ngan neh ơn mat sền bơta pas gơs ơ? Gơ neh ò gam tai; bơh gơ ngan neh hòn pơnđar, mơ par guh be klàng bung sơl.

Jơnau Pơnđik 28:16

Kwang siơ̆u bơta git wă kung rồn bơklơn cau oă; ai cau gơjrañ di bơta sềt pơniă rơp geh kis jŏ.

Jơnau Pơnđik 28:20

Cau ơm song ngan rơp geh lơngai lơngò lìu làc; ai cau lơi sơrbac sơrbang geh pas gơs ngan rơp ò klàs bơh bơta lơh glài.

Jơnau Pơnđik 28:22

Cau gơs nùs sềt pơniă, mhar gơlik pas gơs, mơ ò git lah bơta roh gơcoh ngan rơp tus.

Jơnau Pơnđik 28:8

Cau lơi kơnòm di cồng nha mơ sa cồng oă rlau mơ bơta boh lam mơ lơh phan mơna he in gơbơtơl oă, gen prap lòi phan hơ̆ cau gơs nùs nđàc sơngit cau rƀah lơòi in.

Jeremi 22:13

Bòl glar cau lơi in bơt hìu jat bơta ò song ring, Bơtào ơdŭ tap hơđang bơh bơta ò song ngan; cau ngui cau gơp ƀòn he lơh broă gòi, Ò tơm jền tơngai;

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Jeremi 6:13

“Bơh tòm bol khai bơh cau dềt rlau jơh tus di cau dờng rlau jơh, kòp nă cau la hàm hà jòi cồng nha ò song ring, mơ cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac.

Jeremi 8:10

Gen tàng, Añ rơp jào bau ùr bol khai dê cau ndai in, Mìr sre bol khai dê cau phà tòmpìt in; Tài bơh, bơh cau dềt rlau jơh tus cau dờng rlau jơh, jơh tơl nă hàm hà cồng nha ò song ring; Bơh cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac lơm.

Amôs 3:10

Yàng Jehôwa đơs lah: “Bol khai ò git mbe lơh bơta song ring, bol khai pơjum tơrgòm ală bơta jàñ bơsak mơ phan ntung kơñau tòm ală theng kơ̆ cê bol khai dê.”

Mice 2:9

Bol mê bơtrơh ală cau ùr làng bol Añ jê lik bơh di ală hìu ơm niam nùs bol khai dê. Bol mê tă bơta gơklŏ gam sùm sùm Añ jê bơh di kòn sau bol khai dê.

Mice 7:3

Jơh bàr đah tê bol khai chài rgơi lơh bơta iơh. Kwang at bồ mơ kwang cahrña lùp ală phan sa loă, cau gơs gơnoar pràn sồr ai phan lơi bol khai kòñ; bơta song ring bol khai dê la bơta rkwet rkwe.

Sôphôni 1:9

Tòm ngai hơ̆, Añ rơp lơh glài jơh ală cau sơnđoh di ƀlong mpồng, ală cau tơmbềng hìu cau tòm bol khai dê mơ bơta rhung rhang mơ bơta sa kơrlơm.

Sacari 5:4

Yàng Jehôwa Gơnap Gơnoar Dờng Làm Jơh đơs lah: “Añ rơp sồr sră lòt mơ gơ rơp mut tòm hìu cau ntung kơñau, mơ tòm hìu cau ai sơnđan Añ mơ srat să blac. Gơ rơp ơm tòm hìu hơ̆ mơ tơnroh hìu hơ̆, jơh ală chi mơ lŭ gơ dê.”

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Luka 12:20

Mơya Yàng Tom Trồ đơs mơ cau pas sơm hơ̆ lah: ‘Ơ cau bơrngơl gơla! Tòm mang do Añ rơp tă wơl hwềng soàn mê, gen ală phan mơna mơ mê neh rcang prap lòi rơp gơrê mơ ñcau taih?’

I Timôthe 6:9

Mơya cau kòñ bơta pas sơm gen gơtơmut tòm bơta ơniai, gơkòl yar dă, gơdùh tòm oă bơta hàm kòñ is, bơrngơl gơla sơbơng roh, la bơta lơh cau in gơtơnkram tòm bơta roh lơm mơ roh rui.

Sră Pơyoa Pol Dê Pơyoa Tit In 1:11

mê pal lơh bơr bol khai in ơm mŏ mŏ; bơh cồng nha ƀơ̆ ƀơl mơ bol khai bơto bơta ò di pal bơto, mơ lơh gơprah jơh hìu nhă cau ƀà dê.

II Pier 2:14

Gar mat bol khai dê bềng bơta rềs àr bơrnàn, tìs glài ò git dil, pơndòm ơniai ală cau ò kơ̆ cê, nùs bol khai bềng bơta hàm hà. Bol khai la ală cau pal kong srat sơntơm.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.