Jeremi 16:7 - Sră Goh 2018

⁷ Ò gơs cau lơi cèng phan sa cau ñìm ƀồc in nàng pơndòm pơniang bol khai; ò gơs cau lơi bơh bơta chơt cau bèp hala cau mè mơ dòp mơngàn tòmpà bơta moat jrùng.

Jeremi 16:7 Mawu Ofanana

Sră Jop 42:11

Gen jơh ală oh mi ruh lŏ khai dê, mơ ală cau mòng git khai bơh lài lòt tus còp khai mơ sào bal mơ khai tòm hìu khai dê. Bol khai gơs dô bơta kơlôi sơnơng bal mơ pơndòm pơniang khai bơh ală bơta iơh mơ Yàng Jehôwa neh cèng tus hơđang khai; mơ kòp nă bol khai pà Jop in dô pet priă mơ dô nơm sơmbiat mơ màh.

Cau Bơto 4:1

Dô dơ̆ tai, añ sền ală bơta rồn bơklơn gơlik gơs hơđơm mattơngai; Sền ne, dà mat ală cau kong rồn bơklơn, mơ ò gơs cau lơi pơndòm pơniang bol khai! Cau rồn bơklơn gơs gơnap gơnoar, mơya ò gơs cau lơi pơndòm pơniang cau kong rồn bơklơn!

Jeremi 22:10

Bañ ñìm cau chơt in, bañ pơt wòl bơh khai. Chan ñìm cau lòt ngài in, bơh khai rơp ò rê wơl, ò gam gŏ wơl lơgar tòm khai.

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ejekiel 24:17

Rac ròc òm mơya ò di dờng jơnau, ò ñìm bơh cau chơt in. Pùt chèo di bồ mê mơ jă khŏ di jơng; bañ cang sơnò tềp hala sa piang lă cau còp iang.”

Sră Ôse 9:4

Bol khai rơp ò ơn phan duh khoai mơ tơrnòm ño Yàng Jehôwa in, ală phan ơn pơdơng bol khai dê rơp ò niam nùs Kơnràñ; ală phan ơn duh khoai hơ̆ rơp be la phan sa ală cau ñìm ƀồc; Jơh ală cau lơi sa gơ rơp gơlik ƀơ̆ ƀơl, piang lă bol khai dê rơp la phan sa lòi cau jơgloh bol khai in, gơ ò geh cèng tus hơ hìu Yàng Jehôwa dê.

Yal Wơl 26:14

Añ neh ò sa phan hơ̆ tòm tŭ añ neh ơm tòm bơta ñìm ƀồc, añ ò tă phan lơi tòm tŭ añ ò goh, mơ añ kung ò ơn phan lơi bơh di phan hơ̆ cau chơt in. Añ neh dòn bơr Jehôwa Yàng Tom Trồ añ jê; añ neh lơh jat jơh ală bơta mơ Kơnràñ neh sồr añ.