Jeremi 16:6 - Sră Goh 2018

⁶ “Cau dờng kung be cau dềt rơp chơt tòm lơgar do; ò geh tơp, ò gơs cau lơi ñìm bơh bol khai; cau ò còr is poac he hala siat sŏ bơh bol khai.

Jeremi 16:6 Mawu Ofanana

II Yal Yau 36:17

Gen tàng Kơnràñ cèng bơtau Babilôn guh tòmdră mơ bol khai, khai ai đào sreh tơnchơt ală cau pơnu bol khai dê, tòm hìu sàng goh bol khai dê, mơ ò nđàc sơngit di cau pơnu hala cau ơruh, cau kra hala cau ryŭ ryơm; mơ Kơnràñ jào jơh ală phan hơ̆ tòm tê Nebukatnessar.

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Esai 24:2

Tŭ hơ̆ jơh tơl nă cau rơp gơlik gơs ndròm bal, ală cau gơnoar ơn phan duh khoai kung be làng bol, cau klau tòm kung be cau klau duh broă, cau ùr tòm kung be cau ùr duh broă, cau tac kung be cau blơi, cau càn kung be cau ai càn, cau kòl dồs kung be cau tòm dồs.

Jeremi 13:13

Gen mê đơs tĕ mơ bol khai lah: ‘Yàng Jehôwa đơs be do: Ne, Añ rơp lơh jơh ală làng bol tòm lơgar do, ală cau bơtau nggui hơđang sơbàn Dabit, ală cau gơnoar ơn phan duh khoai, ală cau gơnoar hwơr, mơ jơh làng bol Jerusalem bơñul ñô.’

Jeremi 16:4

“Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”

Jeremi 41:5

gen gơs phàm jơt nă koah sơnò tềp, soh ào sèt, reh să he, bơh Sicem, Silô, Samari tus, at ală phan ơn mơ kòi mbo mơ sơnơm kơlhô tòm tê bol khai nàng cèng tus hơ hìu Yàng Jehôwa.

Jeremi 47:5

Gaja rơp koah bồ tòm bơta ñìm rac; Askalôn ơm mŏ mŏ, Ơ ală làng bol gam wơl tòm ală thòng! Bol mê koh is poac he tus di tŭ lơi taih?

Jeremi 48:37

Kòp nơm bồ neh koah jơh, kòp sơnò tềp gen koh jơh; kòp nơm tê gen kong tềl reh, kòp nơm but soh ƀào sơnò kiat.

Jeremi 7:29

Siat tĕ sŏ mơ sơrbì gơ ngài; Ai sap ñìm rac hơđang ală dòr kơlờl! Bơh Yàng Jehôwa neh pơndang sang mơ sang lòi jơi bơtiàn do, La jơi bơtiàn neh bơrcek bơta gơjrañ Kơnràñ dê.’”

Jeremi 8:2

Cau rơp pràng ală ntìng ƀồc hơ̆ hơđơm mattơngai, mat kơnhai, mơ ală sơmañ hơđang trồ, hơ̆ la ală phan mơ bol khai kòñ gơboh, duh broă; la phan bol khai lòt jat, jòi jat mơ duh khoai. Gơ rơp ò geh tơrgòm wơl hala tơp bồr, gơ rơp kung be è hơđang ù.

Lebi 19:27

Bañ koh sŏ di bàr đah bìng liang bol mê dê hala koh cồng sơnò tềp bol mê dê.

Lebi 19:28

Bañ koah să jan bol mê dê bơh cau neh chơt hala cih rùp di să jan bol mê dê. Añ la Yàng Jehôwa.

Amôs 6:11

Bơh Yàng Jehôwa neh ai jơnau sồr, mơ hìu dờng rơp kòl pòng tơrlah tơrlơm, mơ hìu dềt lề rpot rpet.

Mathiơ 9:23

Tòm tŭ Yàng Jesu tus hơ hìu cau at bồ hìu jum, gŏ mpồl cau uh kơwào mơ mpồl làng bol lơh nggồr nggàc,

Yal Wơl 14:1

“Bol mê la kòn sau Jehôwa Yàng Tom Trồ bol mê dê. Bañ koh să tòm bol mê dê hala koah đah đap bồ bol mê dê bơh cau neh chơt,

Yal Tơlik 20:12

Añ gŏ ală cau chơt, dờng mơ dềt, ơm ntào di đap sơbàn mơ ală sră geh pò tơlik. Kung gơs dô dap sră ndai geh pò tơlik sơl la sră bơta kis. Ală cau chơt kong cahrña jat be ală bơta neh cih tòm ală sră hơ̆, jat be ală broă bol khai neh lơh.

Yal Tơlik 6:15

Gen ală bơtau tòm plai ù, ală cau dờng ryŭ, ală kwang at bồ mpồl ling, ală cau pas gơs, ală cau gơnoar pràn, jơh ală cau dĭ gơna, mơ ală cau geh khat gơboh, bol khai pồn să he tòm ală trồm lŭ mơ digùl ală pơnai lŭ hơđang ală mơnơm.