Jeremi 16:4 - Sră Goh 2018

⁴ “Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”

Jeremi 16:4 Mawu Ofanana

II Ală Bơtau 9:10

So rơp sa poac Jesabel tòm ù tiah Jejreel; rơp ò gơs cau lơi tơp khai.’” Chòp, cau pơnu pò mpồng mơ ntoat dô.

Đơs Crih 78:64

Ală cau gơnoar ơn phan duh khoai bol khai dê kong chơt mơ đào, Mơ ală cau ùr bơnrau ò ñìm rac.

Đơs Crih 83:10

La cau kong tơnroh tòm Endôr, gơlik gơs phan pơnđồm ù.

Esai 18:6

Bol khai jơh tơl nă rơp kong sang lòi ală sềm sa poac tòm mơnơm, mơ ală jơi phan poan jơng tòm brê in; ală sềm rơp sa bol khai tòm jơh kơnhai prang, mơ ală jơi phan poan jơng tòm ù rơp sa bol khai tòm jơh kơnhai noat mrềt.”

Esai 5:25

Tài behơ̆ tàng bơta gơjrañ Yàng Jehôwa dê gơhào khuh tòmdră mơ làng bol Kơnràñ dê; Kơnràñ neh pò tơlik tê sòdră mơ lơh bol khai. Ală mơnơm gơlơnggơr, mơ ală ƀồc cau chơt kung be sù siă tòm ală gùng. Bơh bơta hơ̆, bơta gơjrañ Kơnràñ dê ò pleh ngài, mơ tê Kơnràñ gam pò tơlik.

Jeremi 19:7

Tòm tiah do Añ rơp lơh roh bơta rơndap Juda dê mơ Jerusalem dê. Añ rơp lơh bol khai in gơpừ bơh đào di đap cau sò tơm, mơ bơh tê ală cau kòñ tơnroh bơta kis bol khai dê; Añ rơp phi ƀồc bol khai ală sềm trồ mơ jơi phan poan jơng tòm ù lơh gơs phan sa.

Jeremi 21:6

Añ rơp pù lơh làng bol ơm tòm ƀòn dờng do, kòn mơnus bal mơ phan poan jơng; bol khai rơp chơt bơh pluh plàng dờng ngan.’

Jeremi 25:33

Ală cau mơ Yàng Jehôwa neh tơnchơt tòm ngai hơ̆, rơp bềng hơđang ù bơh bồ tus di lồi plai ù; Bol khai rơp ò gơs cau ñìm, ò gơs cau tơrgòm, hala tơp, bol khai rơp gơlik gơs phan pơnđồm ù!

Jeremi 34:17

Behơ̆ gen, Yàng Jehôwa đơs be do: ‘Bol mê neh ò iat Añ, kòp nă yal oh mi he in, cau gơp ƀòn he geh khat gơboh.’ Yàng Jehôwa đơs: ‘Do, Añ yal bơta khat gơboh bol mê in, hơ̆ la lòi bol mê in khat gơboh tòm pềs tà, pluh plàng, jơgloh rung, lòi bol mê kong rngòt rngơt digùl ală lơgar tòm dunnia.

Jeremi 34:20

Añ rơp phi bol khai tòm tê cau sò tơm, cau kòñ lơh iơh di bơta kis bol khai; ƀồc chơt bol khai rơp lơh gơs phan sa sềm trồ mơ phan poan jơng tòm ù in.

Jeremi 36:30

Tài bơh hơ̆, do la jơnau Yàng Jehôwa đơs bơh Jehôyakim bơtau Juda: ‘Ò gơs cau lơi gơrê bal mơ khai rơp nggui hơđang sơbàn Dabit; ƀồc khai rơp kong duh mattơngai tòm trồ ngai, mơ kong mrềt dà tŭ tòm trồ mang.

Jeremi 44:12

Añ rơp ai cau Juda gam wơl, hơ̆ la ală cau neh lơh nền lòt hơ Ejiptơ nàng ơm tềng hơ̆; jơh tơl nă bol khai rơp kong tơnroh tềng hơ̆. Tòm Ejiptơ, bol khai rơp chơt bơh bơta kơlìn hala jơgloh rung, cau dềt bal mơ cau dờng rơp chơt bơh đào mơ jơgloh rung, lơh kai cau in dơñŏ tơnhial, cù kìr, sền òsơp.

Jeremi 44:27

Añ rơp drơng kơp nàng tơndùh bơta rung rài bol khai in mơ ò tơndùh bơta lơngai; kòp nă cau Juda ơm tòm lơgar Ejiptơ rơp kong tơnroh bơh pềs tà mơ jơgloh rung jơl tus neh tơnroh jơh.

Jeremi 7:33

Ală ƀồc làng bol do rơp lơh gơs phan sa ală sềm trồ mơ phan poan jơng tòm ù in, ò gơs cau lơi bơtrơh tơrngòt bol gơ.

Jeremi 9:22

Đơs tĕ: “Yàng Jehôwa đơs be do: ‘Ƀồc cau chơt rơp gơpừ Kung be phan pơnđồm tòm ƀlàng sre, Mơ be sơnđùng kòi neh rung bơh ngkòi cau toès; mơ ò gơs cau lơi dòñ bol gơ wơl!’”

Ñìm Rac 4:9

Ală cau kong tơnchơt bơh đào lơngai rlau mơ cau chơt jơgloh; Bơta kis cau dê rhòi rhòi roh thit, be ƀlàng sre neh roh jơh ală phan gơlik bơh gơ.

Ejekiel 24:21

‘Đơs tĕ mơ hìu Israel: Jehôwa Yàng Tom Trồ đơs be do: Do, Añ rơp lơh ngkòr ngkàc tiah sàng goh Añ jê, bơta jòng să bơh gơnoar pràn mê dê, mat mê gơboh gơbài, la bơta nùs mê hàm kòñ. Ală kòn klau kòn ùr bol mê dê mơ bol mê neh lòi wơl bơh ngkòi rơp gơpừ bơh đào.

Ejekiel 5:12

Dô pơnah pe làng bol mê dê rơp chơt pluh, hala roh rui bơh bơta jơgloh rung tòm mê; dô pơnah pe rơp pừ bơh đào gùt dar mê; mơ dô pơnah pe tai Añ rsìh tòm kòp nơm càl, mơ tă đào bơh sơmprồm ting jat bơh ngkòi.

Sôphôni 1:17

Añ rơp cèng bơta rung rài hơđang kòn mơnus, bol khai rơp lòt kung be cau jơngo mat, tài bơh bol khai neh tìs glài tòmdră mơ Yàng Jehôwa. Mhàm bol khai rơp tuh tơlik kung be thul, mơ poac bol khai kung be è.

Yal Wơl 28:22

Yàng Jehôwa rơp đùh bơta kòp jê chơt roh hơđang bol mê, kòp bơsiă reh jòr mơ kòp pŭ, bơta kòp prơm mơ chơt pluh, gơs bơta jơgloh rung mơ bơta prang duh trơàl, ro rañ mơ dà tŭ but bơsềt, ală bơta hơ̆ rơp ting jat bol mê jơl tus di tŭ bol mê roh rui.

Yal Wơl 28:26

Ƀồc chơt bol mê dê rơp gơlik gơs phan sa jơh ală sềm in tòm pah gòi mơ ală phan poan jơng in tòm ù, mơ rơp ò gơs cau lơi ting bơtrơh bol gơ.