Jeremi 16:18 - Sră Goh 2018

¹⁸ Lài ngan Añ rơp tơm wơl bơta iơh bơsak mơ tồi glài bol khai bàr dơ̆ rlau, bơh bol khai neh lơh ƀơ̆ ƀơl ù tiah Añ bơh ală rùp ràk, mơ cèng ală bơta cù kìr bềng lìu tòm sre brê Añ.”

Jeremi 16:18 Mawu Ofanana

Đơs Crih 106:38

Bol khai lơh gơhòr mhàm cau ò gơs glài, Hơ̆ la mhàm kòn klau kòn ùr bol khai dê Mơ bol khai lơh gơs phan ơn duh khoai rùp ràk lơgar Kanaan dê, Gen tàng lơgar gơlik ƀơ̆ ƀơl bơh mhàm hơ̆.

Esai 24:5

Plai ù kòl lơh ƀơ̆ ƀơl, bơh di ală làng bol ơm tòm gơ; bơh bol khai tìs glài mơ bơta boh lam, tìs glài mơ bơta sồr lam, gơltac sang bơta ho bal gam sùm sùm.

Esai 40:2

Đơs tĕ lơbơn niam mơ Jerusalem, mơ hòi driau mơ khai lah bơta duh broă khai dê neh tơl rau, bơta lơh glài khai dê neh geh tơm rau, khai neh dòp bơh di tê Yàng Jehôwa bàr dơ̆ rlau tài bơh jơh ală tồi glài khai dê.”

Esai 61:7

Tài bơh bơta ƀàssìl bol khai dê bàr dơ̆ rlau, mơ bơta sền òsơp geh yal tơnggit be pơnah tă khà bol khai dê; Gen tàng làng bol Añ jê rơp dòp geh bàr pơnah phan mơna bol khai dê, bol khai rơp geh bơta hòn chò gam sùm sùm.

Esai 65:6

Ne, gơs jơnau cih di đap Añ la: “Añ rơp ò ơm mŏ mŏ, mơya Añ rơp tơm wơl; Añ rơp tơm wơl bơta hơ̆ di tiang ào bol khai dê.

Esai 65:7

Bơh tồi glài bol mê dê bal mơ tồi glài ồng pàng bol mê dê,” Yàng Jehôwa đơs behơ̆. “Tài bơh bol khai neh chu ală phan ơn hơđang ală mơnơm, mơ sền òsơp di Añ hơđang ală dòr, Añ rơp was wơl di tiang ào bol khai dê, bơta tơm wơl wil tơl bơh ală broă lơh bol khai dê.”

Jeremi 17:18

Dan Kơnràñ lơh ală cau kup kơryan añ jê kong ƀàssìl, Mơya bañ lòi añ kong ƀàssìl; Lòi bol khai gơlik rngòt rngơt, Mơya bañ lòi añ kòl rngòt rngơt! Dan cèng ngai rung rài tus hơđang bol khai, Mơ tơnroh bol khai tơrlah tơrling bàr dơ̆ rlau!

Jeremi 2:7

Añ neh cèng bol mê mut tòm dô nơm lơgar ù bơkah tiah lơngồt, nàng sa plai mơ dòp ală bơta niam gơ dê. Mơya tòm tŭ bol mê neh mut, gen bol mê neh lơh ƀơ̆ ƀơl lơgar Añ, neh lơh sre brê Añ jê gơlik gơs ngkòr ngkàc.

Jeremi 3:9

Tài bơh khai sền òsơp bơta rềs àr bơrnàn he, gen lơh ƀơ̆ ƀơl ù tiah, rềs àr tòmtir mơ lŭ mơ chi.

Jeremi 44:4

Ngan, Añ neh ơt ơl sồr ală dĭ gơna Añ la ală cau gơnoar hwơr, lòt tus mơ bol mê mơ đơs lah: ‘Bañ lơh bơta cù kìr mơ Añ gơjrañ hơ̆.’

Jeremi 7:30

Yàng Jehôwa đơs: “Bơh làng bol Juda neh lơh bơta iơh di đap mat Añ, bol khai ơn ală phan cù kìr tòm hìu geh sơnđan bơh sơnđan Añ, nàng lơh gơ in ƀơ̆ ƀơl.

Ejekiel 11:18

Tòm tŭ bol khai rơp rê wơl tềng hơ̆, bol khai rơp tă sang jơh ală rùp duh khoai iơh rmơh mơ ală rùp ràk cù kìr.

Ejekiel 11:21

Mơya gơwèt mơ ală cau gơs nùs lòt jat ală rùp duh khoai iơh rmơh mơ ală rùp ràk cù kìr bol khai dê, gen Añ rơp tuh wơl ală bơta bol khai neh lơh hơđang bồ bol khai dê,’ Jehôwa Yàng Tom Trồ đơs behơ̆.”

Ejekiel 36:18

Behơ̆ Añ neh tuh bơta gơjrañ dờng añ jê hơđang bol khai tài bơh bol khai neh lơh gơhòr mhàm tòm lơgar, mơ bơh bol khai neh lơh ƀơ̆ ƀơl lơgar hơ̆ bơh rùp ràk bol khai dê.

Ejekiel 5:11

Jehôwa Yàng Tom Trồ đơs lah: “Gen tàng di ngan kung be Añ kis, tài bơh mê neh lơh ƀơ̆ ƀơl tiah sàng goh Añ jê bơh ală rùp duh khoai cù kìr bal mơ ală bơta duh khoai ƀơ̆ iơh, gen tàng să tòm Añ rơp koh tơmù mê, Añ rơp ò prap lòi mê hala nđàc sơngit ò.

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Lebi 26:30

Añ rơp tơnroh ală tiah jơnhoa duh khoai bol mê dê, koh sang ală cơnòng chu kơlhô bol mê dê mơ tơƀù ală ƀồc bol mê dê hơđang ală rùp ràk ò gơs bơta kis bol mê dê, mơ Añ rơp cù kìr di bol mê.

Mice 2:10

Ñă ntào tĕ, mơ lòt! Bơh do ò di la tiah rlô bòl bol mê dê, tài bơh bơta ƀơ̆ ƀơl gơ neh kòl tơnroh bal mơ bơta jê sồt roh gơprah.

Yal Tơlik 18:6

Khai neh lơh di cau mbe lơi, gen lơh wơl tĕ di khai behơ̆ sơl, jat be ală broă khai dê gen sal wơl tĕ khai in bàr dơ̆ rlau tai; mơngàn khai neh crài ai cau in, gen crài tĕ ai khai in bàr dơ̆ rlau tai.