Jeremi 16:17 - Sră Goh 2018

¹⁷ Bơh mat Añ sền sơwì kòp gùng dà bol khai dê, ală broă hơ̆ ò geh pồn bơh di mat Añ, tồi glài bol khai ò geh pồn ndơp bơh mat Añ.

Jeremi 16:17 Mawu Ofanana

II Yal Yau 16:9

Bơh Yàng Jehôwa sền sơwì làm plai ù nàng bơtơl pràn ală cau in jơh nùs dòn song mơ Kơnràñ. Bơtau neh lơh dô bơta bơrngơl gơla be do, bơh tŭ do rơp gơs bơta kơlìn sùm hơđang bơtau.”

Sră Jop 10:14

Dilah añ tìs glài, Yàng kơp sền añ, Mơ ò toh bơta tồi glài iơh bơsak añ jê.

Sră Jop 31:4

Kơnràñ ò gŏ ală gùng dà añ jê, mơ khà ală cơnđòa añ jê ò ơ?

Đơs Crih 109:15

Lòi ală glài hơ̆ gam ơm sùm di đap Yàng Jehôwa, Mơ bơta kir yau khai dê kòl sang tơlik bơh di ù!

Đơs Crih 139:3

Yàng sền sơwì gùng lòt mơ bơta bic rlô añ jê, Mơ mòng git jơh ală gùng dà añ jê.

Đơs Crih 33:15

Kơnràñ mòn nùs jơh ală cau, Sền sơwì jơh ală broă bol khai dê.

Đơs Crih 51:9

Dan Yàng pleh mat bơh di ală tồi glài añ jê, Mơ jùt jơh ală bơta iơh bơsak añ jê.

Đơs Crih 90:8

Yàng neh ơn ală bơta tồi glài iơh bơsak bol hi dê di đap Kơnràñ, Ală tồi glài ndơp ndơr bol hi dê di đap mat Kơnràñ.

Jơnau Pơnđik 15:3

Mat Yàng Jehôwa ơm làm bă tiah, sền sơwì cau iơh bơsak mơ cau lơbơn niam.

Jơnau Pơnđik 5:21

Bơh ală gùng dà kòn mơnus dê ơm di đap mat Yàng Jehôwa, Mơ Kơnràñ sền sơwì jơh ală gùng lòt bol khai dê.

Esai 29:15

Bòl glar cau lơi pồn dô bơta rơndap jrô ndơp ir di Yàng Jehôwa, la cau lơh broă khai dê tòm tiah klam jơngo mơ kơlôi lah: “Ñcau gŏ bol hi taih? Ñcau rơp git taih?”

Esai 66:18

Bơh Añ git ală broă lơh bol khai dê mơ ală bơta kơlôi sơnơng bol khai dê; Añ rơp tus mơ pơjum tơrgòm jơh ală làng bol mơ ală jơnau đơs; bol khai rơp tus mơ gŏ bơta gơklŏ Añ jê.

Jeremi 2:22

Bulah mê neh rào să mê mơ kơmbuh pìh, mơ ngui oă kơmbuh nàng um să he, Tồi glài mê kung gam cih kah sùm di đap Añ.” Yàng Jehôwa đơs behơ̆.

Jeremi 23:24

Yàng Jehôwa đơs: “Gơs cau lơi rgơi pồn să tòm ală tiah ndơp nàng Añ in ò rgơi gŏ bol khai ơ?” Yàng Jehôwa đơs: “Hơ̆ ò di ngan Añ bềng lìu ală tap trồ mơ ù tiah ơ?

Jeremi 29:23

Tài bơh bol khai neh lơh bơta tồi glài iơh rmơh tòm Israel, neh tìs glài rềs àr bơrnàn mơ bau ùr ală cau gơp ƀòn he, mơ neh ai sơnđan Añ đơs ală jơnau ma blac mơ Añ ò tŭ lơi sồr bol khai. Să tòm Añ la Bơtau git loh mơ lơh cơng bơh bơta hơ̆.” Yàng Jehôwa đơs behơ̆.

Jeremi 32:19

Ală tơnggume broă Kơnràñ dê la dờng, ală broă lơh Kơnràñ dê la gơs gơnoar pràn. Gar mat Kơnràñ dê pò sền jơh ală gùng dà kòn mơnus dê, nàng tơm wơl kòp nă cau in jat gùng dà khai dê, mơ jat cồng nha broă lơh khai dê.

Jeremi 7:11

Behơ̆ hìu do, la tiah geh tơmoh bơh sơnđan Añ, gơlik gơs trồm cau ntung kơñau di đap bol mê ơ? Bol mê git, să tòm Añ neh sền gŏ ală bơta hơ̆,’ Yàng Jehôwa đơs behơ̆.

Ejekiel 8:12

Gen Kơnràñ đơs mơ añ lah: “Ơ kòn mơnus, mê gŏ sơl bơta ală cau kwang kra hìu Israel dê ơm lơh tòm bơta klam jơngo, kòp nă duh khoai di đap rùp ràk is he dê? Bơh bol khai đơs lah: ‘Yàng Jehôwa ò gŏ bol he ò; Yàng Jehôwa neh sang lòi lơgar do rau!’”

Ejekiel 9:9

Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’

Sôphôni 1:12

Tòm tŭ hơ̆ Añ rơp ngui ală ồs đèng nàng jòi tòm Jerusalem, mơ lơh glài ală làng bol la cau jòng să pơnhừ să hơđang iah tơrnòm mơ ală cau kơlôi òm tòm nùs lah: ‘Yàng Jehôwa rơp ò lơh bơta lơi niam hala bơta lơi iơh.’

Sacari 4:10

Ñcau sền òsơp di ngai ală bơta dềt rhền taih? Cau rơp chò hòp sền gŏ che rnoas bơt hìu tòm tê Jerubabel. Poh nơm ồs đèng la gar mat Yàng Jehôwa sền sơwì làm jơh plai ù.”

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.