Jeremi 16:12 - Sră Goh 2018

¹² Ai bol mê lơh bơta iơh rlau mơ ồng pàng bol mê dê; mơ do, bol mê kòp nă lơh jat nùs iơh kră kơldang bol mê dê, ò bài iat Añ.

Jeremi 16:12 Mawu Ofanana

Sơnròp Gơlik Gơs 6:5

Yàng Jehôwa gŏ bơta iơh bơsak kòn mơnus dê tòm ù la oă ngan, mơ ală bơta kơlôi sơnơng tòm nùs cau dê mìng la iơh sùm lơm.

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

Cau Bơto 8:12

Bulah cau glài lơh iơh dô rhiang dơ̆ gam geh kis jŏ; bulah behơ̆, añ git lah cau duh rngòt di đap Yàng Tom Trồ, lồi dut rơp geh lơngai, tài bơh bol khai ntào tòm bơta duh rngòt di đap Yàng Tom Trồ.

Cau Bơto 9:3

Do la dô bơta iơh gơlik gơs hơđơm mattơngai, hơ̆ la kòp nă cau lơh nền rài kis is ndròm bal, gen tàng nùs kòn mơnus bềng lìu bơta iơh, bơta sơnrang sơnrồng ơm tòm nùs bol khai tòm tŭ gam kis, mơ tơnơ̆ mơ tŭ bol khai rê mơ cau chơt.

Jeremi 13:10

Làng bol iơh do ò bài iat jơnau Añ, cơnđòa jat bơta kơldang nùs bol khai dê, jat ală yàng ndai duh broă mơ duh khoai bol gơ, gen rơp gơlik kung be che but do ò gam niam dô êt lơi.”

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Jeremi 18:12

Mơya bol khai đơs lah: ‘Hơ̆ la bơta ò kwơ! Bol hi kư̆ jat bơta rơndap bol hi dê; mơ kòp nă tòm bol hi rơp lơh jat bơta kră kơldang nùs iơh bol hi dê.’”

Jeremi 22:28

Behơ̆ Jekônia do ngan la dô nơm gri bơcah mơ kong sền òsơp sơl? Dô nơm gri ò gơs cau lơi kòñ ơ? Ñchi bơh tài khai mơ kòn sau khai kong sang tơlik, Kong sang ngài tus tòm dô nơm lơgar bol khai òhềt tŭ lơi git taih?

Jeremi 7:24

Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Jeremi 7:26

Mơya bol khai ò iat Añ, ò ơn tồr kơno, mơya lơh ngko bol khai kră kơldang. Bol khai lơh bơta iơh rmơh oă rlau mơ ồng pàng bol khai neh lơh.”

Jeremi 9:14

Mơya bol khai kơldang bồ lòt jat nùs is bol khai dê, jat ală yàng Baal mơ ồng pàng bol khai neh bơto bol khai.”

Ñìm Rac 5:7

Ồng pàng bol hi dê neh tìs glài, bol khai ò gam kis tai. Bol hi neh ơnòng tồi glài bol khai dê.

Ejekiel 20:30

“Behơ̆ gen, đơs tĕ mơ hìu Israel lah: ‘Jehôwa Yàng Tom Trồ đơs be do: Bol mê rơp lơh ƀơ̆ ƀơl is să tòm bol mê dê jat gùng ồng pàng bol mê neh lơh, mơ hàm kòñ ală rùp duh khoai cù kìr bol khai dê ơ?

Amôs 2:4

Yàng Jehôwa đơs be do: “Bơh tồi glài Juda dê, oă rlau mơ pe, poan dơ̆. Añ rơp ò jùt sang bơta lơh glài gơ dê. Tài bơh bol khai neh sang lòi bơta boh lam Yàng Jehôwa dê, mơ ò prap gàr ală bơta sồr lam Kơnràñ dê; tài bơh bol khai gơkòl tề lam tìs nrah bơh ală bơta ma blac, jat ală gùng mơ ală ồng pàng bol khai dê neh lòt.

Malaci 3:7

Bulah bơh di tŭ ală ngai ală ồng pàng bol mê dê tus di tŭ do, bol mê neh wèt sang ală bơta sồr lam Añ jê mơ ò prap gàr ală bơta hơ̆. Rê wơl tĕ mơ Añ gen Añ rơp rê wơl mơ bol mê,” Yàng Jehôwa Gơnap Gơnoar Dờng Làm Jơh đơs behơ̆. Mơya bol mê lùp lah: “Mbe bol hi rơp rê wơl taih?”

Jơnau Niam Jat Mak 7:21

Ngan la bơh tòm dơlam, hơ̆ la bơh tòm nùs cau, sồng gơlik ală bơta kơlôi iơh, rềs àr, ntung kơñau, tơnchơt cau, bơrnàn.

Yal Wơl 29:19

Jơh ală cau kơno ală jơnau srat să ho nền do, hừh nùs mơ kơlôi sơnơng is tòm nùs lah: ‘Añ rơp geh lơngap lơngai bulah añ kư̆ kơldang nùs lòt jat gùng is añ jê.’ Bơta hơ̆ rơp cèng tus bơta rung rài hơđang ù tiah sùh kung be hơđang ù tiah ro rañ.

Yal Wơl 9:27

Dan Kơnràñ kah wơl ală cau duh broă Yàng dê la Abraham, Isak mơ Jakôp. Dan sang lòi bơta kơldang bồ làng bol do dê, bơta iơh bơsak mơ bơta tồi glài bol khai dê.

II Timôthe 3:13

Mơya ală cau iơh bơsak mơ cau ma blac gen sơlo gơlik iơh tai, pơrlồm cau ndai mơ bol khai kung kòl cau ndai pơrlồm sơl.

Hebrơ 3:12

Ơ ală oh mi, kơrhia tĕ, rngòt gơs cau lơi tòm oh mi gơs nùs iơh bơsak mơ ò dòn, mơ sang lòi Yàng Tom Trồ gam kis sùm.

Ală Kwang Cahrña 2:19

Mơya tòm tŭ cau kwang cahrña chơt gen làng bol rê wơl tòm ală gùng iơh rlau mơ gùng ală ồng pàng bol khai dê, lòt jat ală yàng ndai, duh broă mơ duh khoai bol gơ. Bol khai ò bài sang lòi broă iơh bol khai dê mơ gùng kră kơldang.

I Samuel 15:23

Bơta tòmdră la kung be tồi glài juh proh, bơta kơldang bồ la iơh kung be bơta duh rùp ràk. Tài bơh mê neh sang lòi jơnau Yàng Jehôwa dê, gen Kơnràñ kung neh sang lòi mê, ò ai mê gơs bơtau at bồ tai.”