Jeremi 15:8 - Sră Goh 2018

⁸ Ală cau ùr bơnrau bol khai dê sơlo gơbơtơl oă, rlau mơ bràs dàlềng dê. Añ neh cèng cau tơnroh tus tòm gùl ngai, Nàng sò tơm di mè ală cau pơnu dê. Añ neh cèng bơta jê sồt mơ rngòt rngơt, dùh hơđang ală mè dô bă nisơna.

Jeremi 15:8 Mawu Ofanana

Esai 3:25

Cau klau bol mê dê rơp gơpừ di cồng đào, ală cau ling jak bol mê dê rơp kong chơt tòm bơta tòmlơh.

Esai 3:26

Ală mpồng Siôn dê rơp ñìm rac mơ pơt wòl; Khai rơp be dô nă cau ùr nggui tòm ù ngềt ngơt.

Esai 4:1

Poh nă cau ùr rơp sơmbat kup dô nă cau klau tòm ngai hơ̆, mơ đơs lah: “Bol hi rơp sa phan tòm hi dê, soh ồi ào tòm hi dê; mìng lòi bol hi in geh hòi jat sơnđan mê dê; dan tă tơlik ngài bơta ƀàssìl bol hi dê!”

Jeremi 16:3

Bơh Yàng Jehôwa đơs bơh ală kòn klau kòn ùr rơp tơnggơs tềng do, mơ bơh ală mè bèp neh tơnggơs bol khai tòm lơgar do be do:

Jeremi 18:21

Behơ̆ gen, dan Kơnràñ phi tĕ ală kòn bol khai dê tòm bơta jơgloh rung, Sơrbì bol khai tòm gơnoar pềs tà dê. Lòi bau ùr bol khai dê roh kòn mơ gơlik gơs ùr bơnrau, Lòi bau klau bol khai dê kong chơt pluh, Ai ală cau klau pơnu bol khai dê kong sreh mơ đào tòm tiah tòmlơh.

Jeremi 22:7

Añ rơp rcang ală cau tơnroh tòmdră mơ mê mơ ală phan tòmlơh khai dê; Bol khai rơp kơl ală chi pơnggŏ niam bol mê dê, Mơ sơrbì gơtòm ồs.’

Jeremi 4:16

Yal tơnggit tĕ ală lơgar in, “Gơs bol khai tềng do! Yal tĕ Jerusalem in lah: ‘Cau gơrwàng tus bơh tiah ngài, driau nggà tòmdră mơ ală ƀòn dờng Juda dê.

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Jeremi 6:26

Ơ làng bol nđàc sơngit Añ jê, soh tĕ bài sơnò kiat, Mơ pơrlac să tòm bùh. Ñìm ƀồc tĕ kung be neh roh kòn dùl nă, Ñìm rac tĕ dô bă sràt bơtang; Bơh cau phà tơnroh nisơna, rơp tus hơđang bol he.

Ñìm Rac 5:3

Bol hi gơlik gơs kòn đòi, ò gơs bèp, mè bol hi dê gơlik gơs ùr bơnrau.

Ejekiel 22:25

Ală cau gơnoar hwơr gơ dê neh bơyai bơtào kai gơrmơ̆i kung be klìu triă ơluh ơhùm kap crè phan kup geh gơ dê; bol khai crè sa làng bol, tòmpìt ai ală đam jàr mơ ală phan màng, lơh gơlik gơs oă cau ùr bơnrau tòm gơ.

Sră Ôse 4:5

Mê rơp gơtup pừ tòm trồ ngai, mơ ală cau gơnoar hwơr kung gơtup pừ bal mơ mê tòm trồ mang sơl. Behơ̆ Añ rơp tơnroh mè mê dê.

Luka 21:35

bơh ngai hơ̆ rơp tus hơđang kòp nă cau ơm làm gùt plai ù kung behơ̆ sơl.