Jeremi 15:7 - Sră Goh 2018

⁷ Añ neh ai đồng nggum bol khai Di ală mpồng ƀòn dờng tòm lơgar do. Añ neh tă cèng bol khai mơ tơnroh làng bol Añ, bol khai neh ò pleh bơh gùng dà bol khai dê.

Jeremi 15:7 Mawu Ofanana

Đơs Crih 1:4

Cau iơh bơsak ò di behơ̆ ò, Mơya bol khai ò gơkrơi be nsiap càl khồm gơ par roh thit.

Esai 41:16

Mê rơp tòmpơr gơ, càl rơp cèng pơrdô gơ, càl rbut dờng rơp rsìh bol gơ roh jơh. Mơya mê rơp hòn chò tòm Yàng Jehôwa, geh gơklŏ tòm Bơtau Sàng Goh Israel dê.

Esai 9:12

Cau Siri đah mattơngai lik mơ cau Philistin đah mattơngai mut neh ha bơr sa loan Israel. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài; tê Kơnràñ gam pò tơlik.

Esai 9:13

Mơya làng bol ò rê wơl hơ Bơtau neh lơh glài bol khai, bol khai kung ò jòi Yàng Jehôwa Gơnap Gơnoar Dờng.

Jeremi 18:21

Behơ̆ gen, dan Kơnràñ phi tĕ ală kòn bol khai dê tòm bơta jơgloh rung, Sơrbì bol khai tòm gơnoar pềs tà dê. Lòi bau ùr bol khai dê roh kòn mơ gơlik gơs ùr bơnrau, Lòi bau klau bol khai dê kong chơt pluh, Ai ală cau klau pơnu bol khai dê kong sreh mơ đào tòm tiah tòmlơh.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Jeremi 51:2

Añ rơp sồr ală cau puh làn tus hơ Babilôn, Mơ bol khai rơp puh lơh gơprah lơgar gơ; Bol khai rơp lơh ù tiah gơ ơm soh gòi, Tòm tŭ bol khai tus tòmdră mơ gơ bơh poan đah.

Jeremi 9:21

Bơh bơta chơt neh tus di mpồng dềt bol he dê, gơ neh mut tòm ală gơlang bol he dê, Tơnchơt ală kòn dềt tòm ală gùng, Mơ cau pơnu ơruh digùl hìu drà.

Ejekiel 24:21

‘Đơs tĕ mơ hìu Israel: Jehôwa Yàng Tom Trồ đơs be do: Do, Añ rơp lơh ngkòr ngkàc tiah sàng goh Añ jê, bơta jòng să bơh gơnoar pràn mê dê, mat mê gơboh gơbài, la bơta nùs mê hàm kòñ. Ală kòn klau kòn ùr bol mê dê mơ bol mê neh lòi wơl bơh ngkòi rơp gơpừ bơh đào.

Ejekiel 24:25

Ai mê, ơ kòn mơnus, tòm ngai Añ tă tơlik bơh di bol khai tiah kơ̆ cê, bơta hòn chò mơ bơta gơklŏ bol khai dê, bơta mat bol khai hàm kòñ, bơta nùs bol khai kòñ gơboh, bal mơ ală kòn klau mơ ală kòn ùr bol khai dê sơl

Ejekiel 36:12

Añ rơp tề lam làng bol ơm hơđang mê, hơ̆ la làng bol Israel Añ jê, bol khai rơp geh mê lơh gơs phan tòm; mơ mê rơp lơh gơs sre brê bol khai dê, mơ mê rơp ò tŭ lơi lơh roh kòn sau bol khai dê tai.’”

Sacari 1:4

Bañ lơh kung be ồng pàng bol mê dê la cau mơ ală cau gơnoar hwơr tòm rài yau neh yal tơnggit bol khai in lah: Yàng Jehôwa Gơnap Gơnoar Dờng Làm Jơh đơs be do: ‘Pơrlac sang tĕ bơh di gùng iơh mơ bơh broă lơh iơh bol mê dê.’ Mơya bol khai ò bài iat, mơ kung ò ơn nùs tồr iat Añ, Yàng Jehôwa đơs behơ̆.

Mathiơ 3:12

Tê Kơnràñ at đồng, rơp puh làn goh ngan, chŏ kòi mi ơn tòm đam, ai nsiap gen chu tòm ồs hơng sùm.”

Yal Wơl 28:18

Plai đo hìu kòn bol mê dê rơp kong srat sơntơm, plai đo ù tiah bol mê dê mơ ală kơnrồ kòn tòm ală mpồl phan poan jơng bol mê dê mơ ală belàt kòn rơp kong srat sơntơm.

Yal Wơl 28:32

Ală kòn klau kòn ùr bol mê dê rơp kong jào phi tòm tê dô nơm làng bol lơgar ndai, mơ gar mat bol mê dê rơp kơrlu kơrli kơp gơn bol khai bơh ngai do tus hơ ngai ne, ò tơl pràn nàng pò dô đah tê.

Yal Wơl 28:41

Bol mê rơp gơs ală kòn klau mơ ală kòn ùr mơya bol mê rơp ò prap gàr bol khai tài bơh bol khai rơp kong kup cèng.