Jeremi 15:6 - Sră Goh 2018

⁶ Yàng Jehôwa đơs lah: “Mê neh sang lòi Añ, Mê neh lòt ruc hơ ngkòi, Gen tàng Añ neh pò tê tòmdră mơ tơnroh mê. Añ neh làp dil bơta nđàc sơngit.

Jeremi 15:6 Mawu Ofanana

Esai 1:4

Ơ hơh! Lơgar lơi gơs bềng tồi glài, làng bol àñ kơnjơ̆ bơta tồi glài iơh bơsak, jơi bơtiàn lơh bơta iơh bơsak, ală kòn sau gơlềng gơlàng ne! Bol khai neh sang lòi Yàng Jehôwa, sền òsơp di Bơtau Sàng Goh Israel dê, bol khai neh gơlik be cau crih mat ngan.

Esai 28:13

Gen tàng jơnau Yàng Jehôwa rơp gơlik gơs bol khai in: “Jơnau sồr hơđang jơnau sồr, jơnau sồr hơđang jơnau sồr; sèng hơđang sèng, sèng hơđang sèng; dô êt tềng do, dô êt tềng ne.” Tồ bol khai rơp lòt mơ gơpừ sơrplàng, kong bơcah lề, yar dă, mơ kòl kup cèng pơrdô.

Esai 31:3

Mơya cau Ejiptơ la kòn mơnus, ò di la Yàng Tom Trồ; ơseh tòmlơh bol khai dê mìng la poac să, ò di la hwềng. Tòm tŭ Yàng Jehôwa pò tê Kơnràñ dê gen cau dong kòl rơp gơpừ, cau geh dong kòl rơp gơplơ̆, jơh bàr đah rơp kong roh rui bal.

Jeremi 1:16

Añ rơp yal tơnggit bơta cahrña Añ tòmdră mơ bol khai, bơh bơta iơh bol khai neh lơh; tài bơh bol khai neh sang lòi Añ, chu kơlhô ală yàng ndai in, mơ duh khoai broă tê he lơh gơs.

Jeremi 13:14

Yàng Jehôwa đơs: ‘Añ rơp lơh cau do in tòmdră mơ cau ne, mè bèp mơ kòn sò tơm bal; Añ rơp ò sơnđàc, ò pơlai hala nđàc sơngit, tòm tŭ Añ tơnroh bol khai.’”

Jeremi 2:13

“Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Jeremi 2:17

Ò di bol mê neh cèng bơta hơ̆ tus hơđang să tòm bol mê in, Bơh neh sang lòi Jehôwa Yàng Tom Trồ mê, Tŭ Kơnràñ neh lam bol mê tòm gùng lòt ơ?

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 20:9

Dilah añ đơs: “Añ rơp ò đơs bơh Kơnràñ tai, hala ai sơnđan Kơnràñ mơ đơs tai,” gen tòm dơlam nùs añ kung be ồs sa hơng, gơkrơ̆ kơ̆ tòm ntìng añ, Mơ añ bòl glar bơh ơm mŏ mŏ, mơ añ ò jai kong tai.

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Jeremi 6:11

Mơya Añ bềng bơta gơjrañ Yàng Jehôwa dê, Añ bòl glar bơh gơ ơm tòm Añ. “Tuh tơlik tĕ gơ hơđang ală kòn dềt tòm gùng, mơ hơđang ală cau pơnu tơrgòm bal di sơl; jơh bau klau mơ bau ùr rơp gơkòl kup cèng, cau kra mơ ală cau jòng sơnam.

Jeremi 6:12

Ală hìu bol khai dê rơp gơrê mơ cau ndai, ală sre bol khai dê mơ ală bau ùr dô bă bal sơl; Bơh tê Añ rơp pò tơlik tê Añ jê, tòmdră mơ làng bol ơm tòm ù tiah do.” Yàng Jehôwa đơs behơ̆.

Jeremi 6:19

Ơ ù tiah, iat tĕ! Do, Añ rơp cèng bơta rung rài tus hơđang làng bol do, cồng nha bơh ală kai gơrmơ̆i bol khai dê, Tài bơh bol khai ò bài ai tồr iat ală jơnau Añ jê, Mơ bơh bơta bơto sồr Añ jê bol khai neh sang lòi gơ.

Jeremi 7:16

Ai mê, bañ hòi dan ala bơh làng bol do in; bañ bơh bol khai mơ ai jơnau rac dan hòi dan, kung bañ hòi dan ala mơ Añ, bơh Añ rơp ò iat mê.

Jeremi 7:24

Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Jeremi 8:5

Behơ̆ ñchi bơh tài làng bol kư̆ dô ngài? Tòm bơta kư̆ tìs wơl sùm sùm ơ? Bol khai sơmbat prap bơta blac chừt, Bol khai ò bài rê wơl.

Jeremi 8:9

Ală cau jak chài rơp gơkòl ƀàssìl, bol khai rơp gơdô nùs, mơ gơkòl kup cèng. Bơh di tŭ bol khai neh sang lòi jơnau Yàng Jehôwa dê; ñchi bơta jak chài gam ơm tòm bol khai taih?

Ejekiel 14:9

Dilah cau gơnoar hwơr gơkòl pơrlồm ơniai mơ đơs dô jơnau, gen Añ, Yàng Jehôwa neh lòi cau gơnoar hwơr hơ̆ gơkòl pơrlồm ơniai, mơ Añ rơp pò tê tòmdră mơ khai, mơ tơnroh khai bơh digùl làng bol Israel Añ jê.

Ejekiel 25:7

gen tàng Añ neh pò tê tòmdră mơ mê mơ jào phi mê lơh gơs phan tòmpìt sơmbrơt ală làng bol in. Añ rơp tơnlồi mê bơh di ală làng bol, rơp pơndut mê bơh di ală lơgar. Añ rơp tơnroh mê, mơ mê rơp git Añ la Yàng Jehôwa.’”

Ejekiel 35:3

mơ đơs mơ gơ lah: Jehôwa Yàng Tom Trồ đơs be do: ‘Ơ mơnơm Seir, Añ tòmdră mơ mê! mơ Añ rơp pò tê tòmdră mơ mê, lơh mê in gơlik gơs dô bă tiah srau gòi mơ ngềt ngơt.

Sră Ôse 11:7

Làng bol Añ jê neh kun pơrlac ngài bơh Añ. Bulah bol khai hòi tus hơ Bơtau Hơđang Rlau Jơh; Mơya Kơnràñ kung ò yò bol khai guh.

Sră Ôse 13:14

Añ rơp dong bol khai klàs bơh gơnap gơnoar lơgar làng ƀồc. Añ rơp tơwài bol khai klàs bơh bơta chơt sơl ơ? Ơ bơta chơt, ntềng đah bơta rung rài mê dê taih? Ơ lơgar làng ƀồc, ntềng đah bơta tơnroh mê dê taih? Bơta nđàc sơngit neh pồn ndơp bơh di mat Añ.

Sră Ôse 4:16

Bơh Israel kơldang bồ kung be dô nơm kơnrồ dra kơldang bồ, gen mbe Yàng Jehôwa rgơi ròng siam bol khai kung be belàt kòn tòm ƀlàng ñhơt taih?

Sôphôni 1:4

Añ rơp pò tê Añ jê tòmdră mơ Juda mơ jơh ală cau ơm tòm Jerusalem. Añ rơp tơnroh jơh ală bơta gam wơl Baal dê, mơ jùt sơnđan jơh ală cau gơnoar ơn phan duh khoai duh khoai rùp ràk;

Sacari 7:11

Mơya bol khai ò bài ơn nùs tồr, mơ wèt ngkòi kră kơldang, mơ sềt tồr ò bài iat.