Jeremi 15:2 - Sră Goh 2018

² Dilah bol khai lùp mê lah: ‘Ntềng đah bol hi rơp lòt taih?’ gen đơs tĕ mơ bol khai lah: Yàng Jehôwa đơs be do: ‘Ală cau neh rcang lòi pluh plàng in, pal kong pluh plàng; Ală cau neh kong pềs tà in, pal kong pềs tà; Ală cau neh rcang lòi jơgloh rung in, pal kong jơgloh rung; Ală cau neh rcang lòi kong kup cèng pơrdô ngài, pal kong kup cèng pơrdô.’”

Jeremi 15:2 Mawu Ofanana

Esai 10:4

Bol khai mìng kun tơnliah să digùl ală cau ơm jàm, hala gơpừ digùl ală cau gơkòl tơnchơt. Bơh jơh ală bơta hơ̆, bơta gơjrañ Kơnràñ dê kung ò wèt ngài, tê Kơnràñ dê gam pò tơlik.

Esai 24:18

Cau lơi dô bơh jơnau rngòt rngơt dê gen rơp dùh tòm trồm jrô; cau lơi hào guh bơh di trồm jrô gen rơp yar dă. Bơh ală mpồng dềt trồ dê neh gơ pò, ală mơnàng plai ù gơlơnggơr.

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Jeremi 14:16

Ală cau mơ bol khai yal jơnau đơs hwơr hơ̆ in, bal mơ bau ùr, kòn klau, kòn ùr bol khai rơp gơkòl sơrbì tòm gùng ƀòn dờng Jerusalem dê kong đào tà mơ jơgloh rung. Tềng hơ̆ ò gơs cau lơi tơp bol khai, să tòm bol khai, ală bau ùr bol khai dê, ală kòn klau mơ ală kòn ùr bol khai dê. Añ rơp tuh bơta iơh bol khai dê hơđang bol khai!

Jeremi 16:4

“Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”

Jeremi 19:7

Tòm tiah do Añ rơp lơh roh bơta rơndap Juda dê mơ Jerusalem dê. Añ rơp lơh bol khai in gơpừ bơh đào di đap cau sò tơm, mơ bơh tê ală cau kòñ tơnroh bơta kis bol khai dê; Añ rơp phi ƀồc bol khai ală sềm trồ mơ jơi phan poan jơng tòm ù lơh gơs phan sa.

Jeremi 43:11

Bơtau hơ̆ rơp tus, lơh lơgar Ejiptơ Ală cau pal kong pluh plàng gen chơt bơh pluh plàng, Ală cau pal lơh dĭ gen kup cèng gơs dĭ, Ală cau pal kong chơt bơh pềs tà gen phi pềs tà in!

Ejekiel 12:11

Mê đơs tĕ mơ bol khai lah: ‘Añ la dô nơm tềl sơnio bol mê in: Bơta añ neh lơh, gen kung rơp lơh behơ̆ bol khai in; bol khai rơp kong kup cèng pơrdô tòm lơgar ndai.’

Ejekiel 14:21

Bơh Jehôwa Yàng Tom Trồ đơs lah: ‘Tơ ài lah Añ rơp ngui poan bơta cahrña lơh glài kơnjơ̆ hơđang Jerusalem, hơ̆ la đào, jơgloh rung, phan poan jơng tòm brê, mơ pluh plàng nàng tơnchơt jơh kòn mơnus bal mơ phan poan jơng gơ dê.

Ejekiel 33:27

Đơs tĕ bơta do mơ bol khai lah: Jehôwa Yàng Tom Trồ đơs be do: ‘Ngan be Añ kis, ală cau gam ơm tòm tiah sang lòi ngềt ngơt rơp gơpừ bơh đào, mơ ală cau ơm tòm ƀlàng gen Añ rơp jào phan brê in kap crè; mơ ai ală cau ơm tòm ală theng kơ̆ cê mơ tòm ală rgồng lŭ gen rơp chơt pluh.

Ejekiel 5:12

Dô pơnah pe làng bol mê dê rơp chơt pluh, hala roh rui bơh bơta jơgloh rung tòm mê; dô pơnah pe rơp pừ bơh đào gùt dar mê; mơ dô pơnah pe tai Añ rsìh tòm kòp nơm càl, mơ tă đào bơh sơmprồm ting jat bơh ngkòi.

Ejekiel 5:2

Tòm tŭ ală ngai gơrwàng gùt dar mê dê neh tơl, mê rơp chu dô pơnah pe sŏ hơ̆ tòm dơlam ƀòn dờng. Ai tĕ dô pơnah pe sŏ ndai mơ koh sreh gơ mơ đào gùt dar ƀòn. Lồc behơ̆, rsìh dô pơnah pe sŏ gam wơl tòm càl, mơ Añ rơp tă đào bơh đah ngkòi bol gơ.

Daniel 9:12

Kơnràñ neh lơh gơlik gơs ală jơnau neh đơs tòmdră mơ bol hi mơ ală cau kwang at bồ bol hi dê, mơ đùh bơta rung rài dờng hơđang bol hi. Làm jơh tòm tiah trồ do, ò gơs bơta neh gơlik gơs ndròm be bơta neh gơlik gơs hơđang Jerusalem.

Amôs 5:19

gơlơh be dô nă cau bulah neh dô klàs bơh klìu triă gen rơp tìp jơgơu, be dô nă cau bulah neh mut tòm hìu, neh ơn rlô tê khai dê hơđang dơrñang, gen gơkòl bơs kap.

Sacari 11:9

Behơ̆ Añ đơs lah: “Añ rơp ò lơh gơs cau ê bol mê tai. Belàt lơi chơt gen lòi tĕ gơ chơt; belàt lơi roh rui gen lòi tĕ gơ roh rui; ai ală belàt gam wơl gen belàt do rơp sa poac belàt ne.”

Yal Tơlik 13:10

Dilah neh lơh nền cau lơi pal kòl kup cèng, gen cau hơ̆ rơp kong kup cèng; dilah cau lơi pal kong chơt mơ đào, gen khai pal kong sreh chơt mơ đào sơl. Do la bơta kong ơt mơ bơta dòn ală cau sàng goh dê.