Jeremi 15:13 - Sră Goh 2018

¹³ Añ rơp jào bơta pas sơm mơ phan màng bol mê dê, cau phà kơñau in mơ ò tơm jền. Tài bơh jơh ală tồi glài bol mê dê, Tòm làm jơh ù tiah bol mê dê.

Jeremi 15:13 Mawu Ofanana

Đơs Crih 44:12

Yàng neh tac làng bol Kơnràñ dê dô bă ƀuơn ngan, ò jòi khà priă kas màng di bol khai.

Esai 52:3

Bơh Yàng Jehôwa đơs be do: “Bol ai neh kong tac ò geh phan lơi, mơ bol ai kung rơp geh tơwài wơl ò tơm jền priă.”

Esai 52:5

Gen tàng tŭ do, ñchi Añ lơh tềng do taih?” Yàng Jehôwa đơs lah: “Sền ne, hơ̆ la làng bol Añ jê neh kong kup cèng ò bồ ơ? Ală cau at bồ bol khai dê pơt wòl.” Yàng Jehôwa đơs behơ̆ mơ gam pơnjat sùm, “sơnđan Añ jê gơkòl sền òsơp sùm kòp ngai.

Jeremi 15:8

Ală cau ùr bơnrau bol khai dê sơlo gơbơtơl oă, rlau mơ bràs dàlềng dê. Añ neh cèng cau tơnroh tus tòm gùl ngai, Nàng sò tơm di mè ală cau pơnu dê. Añ neh cèng bơta jê sồt mơ rngòt rngơt, dùh hơđang ală mè dô bă nisơna.

Jeremi 17:3

Ơ mơnơm Añ jê tòm lơgar, Añ rơp jào bơta pas sơm, mơ jơh ală phan màng mê lơh gơs phan phà kup; Be jền tơngai bơh tồi glài mê neh tìs tòm làm jơh lơgar bol mê dê.

Jeremi 20:5

Añ kung phi jơh ală bơta pas sơm ƀòn dờng do, bal mơ ală cồng nha neh lơh gơlik gơs, jơh ală phan màng gơrê mơ ƀòn dờng; ngan Añ rơp phi ală phan màng ală bơtau Juda tòm tê ală cau sò tơm bol khai dê, bol khai rơp ai kung be phan phà kup mơ cèng hơ Babilôn.

Ejekiel 38:13

Seba mơ Dedan mơ ală cau kă bro Tarsi dê bal mơ jơh ală ƀòn dềt bol khai dê, rơp đơs mơ mê lah: ‘Mê neh tus nàng phà kup sơl ơ? Mê neh pơjum mpồl ling mê dê nàng tòmpìt, nàng tă cèng priă mơ màh, nàng kơñau ală phan poan jơng mơ phan mơna, mơ ai oă phan phà kup sơl ơ?’

Sôphôni 1:13

Phan mơna bol khai dê rơp kòl tòmpìt, ală hìu tum bol khai dê lòi srau gòi. Bol khai rơp bơt ală hìu mơya ò geh ơm tòm hơ̆; bol khai rơp tam ală suơn ño mơya ò geh ñô tơrnòm.”